20 Shkurt 2020

Tregjet e aksioneve në Kinë shënojnë rritje

Pekin, 26 shkurt - Në Kinë, tregjet e aksioneve u mbyllën me një rritje të konsiderueshme të hënën, pasi Presidenti amerikan Donald Trump njoftoi se po e shtynte vendosjen e tarifave të reja tregtare ndaj Kinës, për shkak të siç u shpreh ai, “përparimit të rëndësishëm” në bisedimet tregtare mes zyrtarëve të dy ekonomive më të mëdha të botës.

Presidenti kishte caktuar 1 marsin si datën për rritjen e tarifave ndaj mallrave kineze me vlerën e 200 miliardë dollarëve nga 10, në 25 për qind, në se nuk arrihet një marrëveshje tregtare mes të dy vendeve.

Ndërsa nuk ka ende një marrëveshje përfundimtare me palëve, zoti Trump pati thënë se do ta shtynte afatin për hyrjen në fuqi të tarifave, në se bisedimet do të ishin pranë një marrëveshjeje.

Presidenti amerikan nuk dha hollësi se sa pranë marrëveshjes janë të dyja palët në bisedime. Por ai shtoi se do të ketë një takim me Presidentin kinez Xi Jinping në shtëpinë e tij të pushimit Mar-a-Lago të Floridës, për “përfundimin e një marrëveshjeje.”

Zyrtarë të lartë amerikanë dhe kinezë kanë mbajtur disa seanca bisedimesh tragtare në Pekin dhe në Uashington, që nga koha kur presidentët Trump dhe Xi deklaruan një pushim 90-ditor në luftën e tyre tregtare, për t’i lënë kohë arritjes së një marrëveshjeje gjatë kësaj periudhe.

Prej kohësh, Shtetet e Bashkuara e kanë akuzuar Kinën për praktika tregtare të padrejta. Në mesin e tyre janë akuzat për vjedhje të pronës intelektuale dhe kërkesat që firmat amerikane të bëjnë të njohura sekrete tregtare, në se duan të zhvillojnë biznes me Kinën.

Kina i ka mohuar këto akuza dhe thotë se Shtetet e Bashkuara janë fajtore për shkelje tregtare, që synojnë të pengojnë zhvillimin ekonomik të Kinës.

Kalendari

Ngjarjet e datës 20 shkurt 2020 - Behën homazhe në nderim te jetës dhe veprës së heroit, Selman Vojvoda. (Varri i heroit, në Llaushë të Skenderajt, ora 9:00)

- Mbahet takimi me Misionin e Komisionit Evropian për Vlerësimin e Programit për Reforma në Ekonomi dhe diskutimin mbi rekomandimet e politikave. (ndërtesa e Qeverisë salla P38,  ora 9:30)

- Administrata Tatimore e Kosovë do të mbaj seminar me tatimpaguesit e regjionit të  Prishtinës ku prezent do të jetë edhe Drejtori i Përgjithshëm i ATK-së Ilir Murtezaj. (Hotel Emerald, ora 10:00)

- Bëhet konstituimi i Komisionit për Çështje të Sigurisë dhe Mbrojtjes. (Ndërtesa e Kuvendit, salla N 204, ora 11:00)

- Kryetari i komunës së Istogut, Haki Rugova do ta pres në takim ambasadorin bullgar në Kosovë. (Zyra e Kretarit Haziri, ora 11:00)

- Komuna e Rahovecit mban diskutimi publik lidhur me Draft Planin Komunal të Veprimit për Efiçiencë të Energjisë dhe Planin Lokal për Veprim në Mjedis. (Salla e mbledhjeve të Kuvendit Komunal të Rahovecit, ora 11:00)

- Kryeministri Albin Kurti dhe Kryetarja e Kuvendit, dr. Vjosa Osmani marrin pjesë në manifestimin “ 31-vjetori i Grevës së Minatorëve të Trepçës”. (Miniera e Trepçës në Stantërg, ora 11:00)

- Bëhet konstituimi i Komisionit për Ekonomi, Punësim, Tregti, Industri dhe Investime Strategjike. (Ndërtesa e Kuvendit, salla N303, ora 11:00)

- Mbahet ceremonia e dorëzimit te donacionit për qerdhën “Gëzimi Ynë” në Istog nga Ambasada e Bullgarisë. (Qerdhja “Gëzimi Ynë” në Istog, ora 11:30)

- Mbahet ceremonia e promvimit të librit" Obstetrika",  të Prof. dr. Shefqet Lulaj. (Bibloteka Kombëtare "Pjetër Bogdani", ora 12:00)

- Mbahet akademi përkujtimore për dëshmorin e Kosovës, Selman Vojvoda, në 30 vjetorin e rënies së tij. (Teatri Kombëtar, ora 12:00)

- Ministri i Punëve të Brendshme dhe Administratës Publike, z. Agim Veliu do të pres në takim ambasadorin amerikan në Kosovë, z Philip Kosnett. (objekti kryesor i MPBAP-së, ora 13:00)

- Ministrja e Drejtësisë, Albulena Haxhiu do të mbajë konferencë për media. (Objekti I Ministrisë, ora 13:00)

- Promovohet revista “Intro”, që është produkt i punës së studentëve të vitit të tretë të Departamentit të Gazetarisë, në kuadër të lëndës "Menaxhim i medias". (Amfiteatri i Fakultetit të Filologjisë në Universitetin e Prishtinës, ora 14:00)

- Komuna e Mitrovicës mban debat publik lidhur me rregulloren për realizimin e të drejtave të fëmijëve përmes sistemit qeverisës komunal miqësor për fëmijët. (Salla e mbledhjeve të Kuvendit të Komunës të Mitrovicës, ora 14:00)

- Zhvillohet ndeshja basketbolliste mes Kosovës dhe Islandës. (Pallati i Rinisë dhe Sportit në Prishtinë, ora 19:00)