25 Shtator 2020

Terminali i vjetër i aeroportit do të bëhet terminal doganor i shtetit të Kosovës

Prishtinë, 13 maj - Kryeministri në detyrë i Republikës së Kosovës, Albin Kurti, i shoqëruar nga ministri në detyrë i Financave dhe Transfereve, Besnik Bislimi, sot vizitoi terminalin e vjetër të aeroportit të Prishtinës, ku u prit nga U.D. Drejtori i Doganave, Ibrahim Xhaka dhe Drejtori i Operacioneve në Aeroportin Ndërkombëtar të Prishtinës, Gökmen Aritay.

Më pastaj, Kryeministri në detyrë vazhdoi vizitën për në Aeroportin Ndërkombëtar të Prishtinës, “Adem Jashari”, ku mbajti një takim pune me Drejtorin e Operacioneve, z. Gökmen Aritay dhe stafin e lartë menaxhues.

Gjatë vizitës në terminalin e vjetër të aeroportit të Prishtinës, Kryeministri në detyrë dhe ministri në detyrë i Financave dhe Transfereve shprehën interesimin që brenda një kohe shumë të shkurtë kjo hapësirë të funksionalizohet në terminal doganor të shtetit të Kosovës.

Terminali i vjetër i aeroportit të Prishtinës, i cili është i pashfrytëzuar për tash e 7 vite, ka një hapësirë prej 2500 m2 me infrastrukturë të gatshme e cila është e përshtatshme për terminal doganor për regjionin e Prishtinës.

Në këtë mënyrë i ndihmojmë kompanive private të cilat iu nënshtrohen tarifave të larta në terminale doganore private, terminale doganore private këto të cilat po ashtu privojnë arkën tonë shtetërore nga një shumë e konsiderueshme e të hyrave.

Kurse gjatë vizitës dhe takimit të punës në Aeroportin Ndërkombëtar të Prishtinës, “Ademi Jashari” Kryeministri në detyrë Kurti, ministri në detyrë Bislimi dhe stafi i lartë menaxhues i aeroportit diskutuan për mundësinë dhe përgatitjet e nevojshme për rihapjen e aeroportit për udhëtarë.

Aty po ashtu u diskutua edhe për mundësitë e reja që mund të na ofrohen pas përfundimit të pandemisë në hapjen e linjave të reja dhe bashkëpunimin me kompani ajrore ndërkombëtare.
 

Kalendari

Ngjarjet e datës 25 Shtator 2020 - Zyra e Koordinatorit për Zhvillim të Kombeve te Bashkuara në bashkëpunim me Kryesinë e Kuvendit ri themelojn Këshillin SDG në Kuvendin e Kosovës. (Kuvendi i Kosovës, oborri para hyrjes kryesore, ora 9:00)

- Vazhdon seanca plenare e Kuvendit te Republikës së Kosovës. (Salla e Kuvendit, ora 10:00)

- Shefi i Grupit Parlamentar të PDK-së, Bedri Hamza, mban konferencë për media. (Hyrja e Kuvendit nga sheshi, ora 10:00)

- Drejtoria për Turizëm dhe Zhvillim Ekonomik, në vazhdën e aktiviteteve të realizuara me rastin e Ditës Botërore të Turizmit do të bëjë prezantimin e raportit të punës së kësaj drejtorie, që nga viti 2018 e deri më sot. (Salla e mbledhjeve të Kuvendit Komunal në Shtëpinë e Bardhë, ora 10:00)  

- Drejtoresha për Kulturë në Komunën e Prishtinës, Blerta Basholli dhe artisti Sislej Xhafa do të mbajnë konferencë për shtyp. (Ndërtesa e vjetër të Komunës, ora 11:00)

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it do të mbajë konferencë për media, në të cilën do të prezantoj raportin analitik të aplikimit të Konventës Evropiane për të Drejtat e njeriut dhe jurisprudencës së Gjykatës Evropiane për të Drejtat e Njeriut nga Gjykatat e Republikës së Kosovës. (Hotel Sirius, ora 11:00)

- Mbahet mledhja e jashtëzakonshme e Kuvendit të Shoqatës së ndërmarrjeve që merren me qarkullimin e naftës, derivative të naftës, gazrave dhe lubrifikanteve “SHQNGL”, i ftuar është edhe Ministri i Tregtisë dhe Industrisë Vesel Krasniqi. (Objekti i Odës Ekonomike të Kosovës, ora 11:00)

- Bëhet inaugurimi i veprës "trëndafili i bardhë" nga Sislej Xhafa, që është vepra e parë e projektit "Art në Hapësirë Publike". (Rruga "Andrea Gropa", te "Klubi i Pëllumbave" ora 11:45)

- Konstituohet Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës. (Ndërtesa e Kuvendit, salla C203, ora 12:00)

- Partia Socialdemokrate do të mbaj një aktivitet afër bankës "Pro Credit Bank". (Përballë rektoratit të UP-së, lagjia "Tre Sheshirat", ora 13:00)

- Mbahet seanca plenare e Kuvendit te Republikës së Kosovës. (Salla e Kuvendit, ora 13:00)

- Platforma Bashkë-krijuese GërrGërr prezanton programin, “Kuzhina Anasjelltas”. (Kino Bahçe, te Lumbardhi në Prizren, ora 18:00)

- Fillon edicioni i dytë i festivalit Lahuta, Okarina Polifionia. (Ambientet e Qendrës për zhvillimin e kultures tradicionale në Prishtinë, ora 18:30)