27 Shkurt 2020

Sufiçi tregtar i Kinës me SHBA arriti një rekord prej 323 miliardë dollarësh

Pekin, 15 janar - Suficiti tregtar i Kinës me Shtetet e Bashkuara u rrit në mënyrë dramatike në vitin 2018, pavarësisht nga lufta e tarifave mes dy vendeve që ka tronditur tregjet globale.

Suficiti në vitin 2018 arriti një rekord prej 323.3 miliardë dollarësh, krahasuar me 275.8 miliardë të regjistruar vitin e mëparshëm.

Të dhënat e publikuara të hënën nga zyra doganore e Kinës tregojnë se eksportet e kineze drejt SHBA u rritën më shumë se 11 për qind në vitin 2018. Importi nga Shtetet e Bashkuara u rrit shumë pak, 0.7 për qind.

Por të dhënat tregojnë gjithashtu se eksportet kineze u ngadalësuan me 3,5 për qind muajin e kaluar, pasi administrata e presidentit Donald Trump imponoi një sërë tarifash të ashpra për miliarda dollarë mallra kineze për ta detyruar Pekinin të blinte më shumë mallra amerikane dhe për të zgjidhur çështjet që përfshijnë vjedhjen e teknologjisë, pronës intelektuale dhe vjedhjen kibernetike.

Të dhënat flasin për lajme si pozitive edhe negative rreth fuqisë së Kinës, ekonomisë së dytë më të madhe në botë. Ndërsa suficiti tregtar botëror i Kinës ishte 352 miliardë dollarë për vitin 2018, eksportet e saj botërore ranë 4.4 përqind në dhjetor krahasuar me një vit më parë. Importet ranë 7.6 përqind, gjë që flet për ulje të kërkesës si brenda dhe jashtë vendit.

Shifrat e publikuara nga Shoqata kineze e Prodhuesve të Automobilëve tregojnë se shitjet e makinave ranë në vitin 2018, për hetë të parë në 20 vjet.

Kalendari

Ngjarjet e datës 27 shkurt 2020 - Kryeministri Albin Kurti pret në takim Komandantin e KFOR-it, Michele Risi. Ndërtesa e Qeverisë, ora 8:40 - vetëm pamje)

- Shefja e Zyrës së Bashkimit Evropian në Kosovë, Nataliya Apostolova do të marrë pjesë në eventin përmbyllës të projekti të BE-së për mbështetjen e shërbimeve korrektuese dhe sprovuese të Kosovës, i cili do të mbahet në Prishtinë. (Hotel Emerald, ora 9:00)

- Nën organizimin e Sindikatës së Pavarur të Sektorit Privat të Kosovës, punëtorët e sigurimit fizik të Rektoratit të Universitetit të Mitrovicës do të protestojnë për shkeljet e tyre ligjore nga ana e kompanisë e cila edhe pse është vërtetuar që ju ka borxh punëtorëve asaj nuk i intereson kjo. (Para Rektoratit të Universitetit të Mitrovicës, ora 10:00)

- Mbahet  seanca e Kuvendit të Komunës së Gjilanit. (Salla e mbledhjeve të Kuvendit të Komunës së Gjilanit, (ish objekti i gjykatës. ora 10:00)

- Kryeministri Albin Kurti pret në takim zëvendës presidentin e Parlamentit Evropian, Rainer Wieland. (Ndërtesa e Qeverisë, ora 10:00 - vetëm pamje)

- Koalicioni i OJQ-ve për Mbrojtjen e Fëmijëve në partneritet me rrjetin Kraeeyn organizon konferencën për publikimin e “Politikës rekomanduese për zhvillimin në fëmijërinë e hershme”. (Hotel Sirius, ora 10:00)

- Mbahet mbledhja e rregulltë e Kuvendit Komunal të Mitrovicës. (Salla e Kuvendit të Komunës së Mitrovicës, ora 10:00)

- Zyra e Bashkimit Evropian në bashkëpunim me komunën e Prishtinës do ta përuroj çerdhen në lagjen Kalabria në Prishtinë. (Lagjja Kalabria, ora 10:30)

-  OJQ-së Aktiv bën prezentimin e letrës ‘Vlerësimi i të drejtave dhe lirisë në komunitetet Serbe të Kosovës’, mbështetur nga Qendra Ndërkombëtare Olof Palme. (Hotel Sirius, ora ora 11:00)

- Komisioni për Integrim Evropian bën shqyrtimin e draft-planit të punës së komisionit për vitin 2020. (Ndërtesa e Kuvendit, salla N 204, ora 11:00)

- Nënkryetari i Komunës së Gjilanit, Arbër Ismajli, me bashkëpunëtorët pret në takim zëvendësministren e Arsimit, Sportit dhe Rinisë të Shqipërisë, Lorena Haxhiu. (Zyra e kryetarit, ora 13:30)

- Mbahet mbledhja e Qeverisë së Republikës së Kosovës. (Ndërtesa e Qeverisë, ora 16:00)

- Fondacioni Shtatëmbëdhjetë organizon hapjen e Ekspozitës INFRARED: Additions në Fushë Kosovë. (Rr. e Pejës të rrethi në Fushë Kosovë, ora 18:00)