19 Shkurt 2020

Stoku i naftës së papërpunuar në SHBA shënon rënie

New York, 21 dhjetor - Stoku i naftës së papërpunuar tregtare të Shteteve të Bashkuara të Amerikës, javën e kaluar regjistroi rënie me 500 mijë fuçi në krahasim me një javë më parë.

Administrata amerikane e Informacionit për Energjinë (EIA) deklaroi se, me një rënie prej 500 mijë fuçie gjatë javës së kaluar (0,1%), stoku i naftës në fjalë ka rënë në 441,5 milionë fuçi.

Parashikimi (pritshmëria ) i tregut ishte për një reduktim në 2,4 milionë fuçi. Ndërkaq stoku i naftës së papërpunuar një javë më parë kishte rënë 1,2 milionë fuçi.

Stoku i naftës së papërpunuar strategjike, që nuk përfshihet në stokun e naftës së papërpunuar tregtare, javën e kaluar kishte rënë 400 mijë fuçi (0,1%) duke u reduktuar në 649,1 milionë fuçi.

Kurse në të njëjtën periudhë, stoku i benzinës në Shtetet e Bashkuara të Amerikës, me një rritje prej 1,8 milionë (0,8) fuçi, arriti në 230,1 milionë fuçi.

Pritshmëria e tregut ndaj stokut të benzinës ishte për rritjen me 1,2 milionë fuçi. Stoku i naftës së një jave më parë ishte rritur me 2,1 milionë fuçi.

Kalendari

Ngjarjet e datës 19 shkurt 2020

- Shoqata e Kirurgëve Plastik, Rekonstruktiv dhe Estetik të Kosovës, ka organizuar për herë të parë Simpoziumin dhe Workshop-in mbi trajtimin e plagëve. (Hotel Emerald, ora 8:00)

- Klubi i Prodhuesve të Kosovës për të dytën herë me radhë po organizon Konventën e Prodhuesve të Kosovës. (Hotel Emerald, ora 9:00)

- Ministri në Detyrë për Evropën dhe Punët e Jashtme i Republikës së Shqipërisë, Gent Cakaj, vjen për vizitë zyrtare në Prishtinë, ku do të pritet nga homologu i tij, Ministri i Punëve të Jashtme dhe Diasporës i Republikës së Kosovës, Glauk Konjufca. (Ndërtesa e MPJ-së, ora 10:00)

- Instituti Demokratik i Kosovës organizon tryezën ku do të publikohet raporti “Rruga e Dukagjinit, Autostradë apo Zgjerim i Rrugës Ekzistuese”, të përgatitur nga KDI. (Hotel Sirius, ora 10:00)

- Mbahet mbledhja e rregullt e Komitetit për Politikë dhe Financa e Komunës së Mitrovicës. (Objekti i Kuvendit Komunal të Mitrovicës, ora 10:00)

- Biblioteka Kombëtare e Kosovës “Pjetër Bogdani” organizon hapjen e ekspozitës “Kujtesa e Kosovës: Jeta nën qiell e najlon”, pamjet e jetës së shqiptarëve të Kosovës në vitin 1999. (Holli i Bibliotekës, ora 11:00)

- Kryetarja e Kuvendit të Kosovës, dr. Vjosa Osmani, takohet me ministrin në detyrë për Evropën dhe Punët e Jashtme të Republikës së Shqipërisë, Gent Cakaj, me bashkëpunëtorë. (Kabineti i kryetares së Kuvendit, ora 12:00 - vetëm pamje)

- Nisma e të Rinjve për të Drejtat e Njeriut organizon një protestë para zyrës së avokatit Tomë Gashi, për të kundërshtuar sjelljen e tij abuzive që bëri ditë më parë ndaj një lypësari në shesh të Prishtinës. (Para Zyrës së Avokaturës, afër Kino ABC, ora 12:00)

- Agjencia Kosovare e Privatizimit do të mbajë ceremoninë e hapjes së ofertave të shitjeve përmes likuidimit nr.54. (Hotel Grand, ora 12:30)

- Kinema “Jusuf Gërvalla”, në Pejë shfaq filmin "Gjumë dhe Dashuri". (Kinema në Pejë, ora 19:00)