01 Qershor 2020

Shqipëria e Kosova në rënie në “Të bërit biznes”

Prishtinë, 24 tetor - Banka Botërore publikoi sot raportin e saj “Doing Business 2020”, “Të bërit biznes”, ku si Shqipëria, ashtu dhe Kosova kanë shënuar rënie në krahasim me një vit më parë.

Shqipëria, lë pas vetëm Bosnjën nga vendet e rajonit, duke u renditur e 82-ta mes 190 shteteve të marra në analizë.

Shqipëria ka humbur 19 vende, krahasuar me pozicionin që kishte vitin e kaluar. Nga 10 treguesit që merren në shqyrtim, vendi ka shënuar rënie në 9 prej tyre, duke u renditur në pozicionin e 166-të për lejet e ndërtimit, apo në vendin e 123-të për pagesën e taksave. Banka vërejti përmirësim vetëm në besueshmërinë e furnizimit me energji elektrike.

Kosova nga ana e saj, ndodhet në një pozicion ndjeshëm më të mirë se Shqipëria, por krahasuar me vitin e kaluar dhe ajo ka zbritur 13 shkallë në renditje, duke qenë e 57-a në nivel global.

Kosova megjithatë, është mes ekonomive të mbarë botës që ka pasur disa përmirësime në reformat e të bërit biznes, duke shënuar përparim në fushën e lejeve të ndërtimit, furnizimit me energji, mbrojtjen e investitorëve të vegjël si dhe zbatimin e kontratave.

Kalendari

Ngjarjet e datës 1 Qershor 2020

- Për nder të Ditës Ndërkombëtare të Fëmijëve 1 qershorit, kompania ndërtimore “Qami Construction” do të dhurojë gjak në Qendrën e Transfuzionit të gjakut dhe bën shpërndarjen e dhuratave për fëmijët të cilat janë të shtrirë në Klinikën e Pediatrisë. (Qendra e Transfuzionit të gjakut në QKUK, ora 9:00)

- Në Ditën Ndërkombëtare të Fëmijëve, KOMF organizon konferencën për media për publikimin e Raportit të Monitorimit “Komuna Ime, e Drejta Ime Sociale”. (Hotel Sirius, ora 10:00)

- Në kuadër të Javës së Gjelbër, Komuna e Prishtinës do të organizojë mbjelljen e drunjëve. (Kampusi Universitar të Universitetit të Prishitnë, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike, shqyrton Raportin vjetor të Agjencisë Kosovare të Privatizimit – AKP për vitin 2019. (Ndërtesa e Kuvendit, salla N10, ora 11:00)

- Mbahet ceremonia e dorëzimit të pajisjeve mjekësore dhe mjeteve mbrojtëse kundër COVID-19, për Klinikën Infektive në QKUK, pajisje këto të financuara nga fondet e mbledhura gjatë kampanjës tonë Një kafe si flutur. (Barnatorja Qëndrore, QKUK, ora 11:00)
 
- Instituti për Zhvillimin e Politikave Sociale (IZHPS), me financimin nga FES, publikon hulumtimin “Qasja në mësimin online dhe kushtet e jetesës për familjet përfituese të Skemës së Asstencës Sociale gjatë Covid-19. (Hotel Sirius, ora 11:45)

- Qendra për Këshillim, Shërbime Sociale dhe Hulumtime prezanton hulumtimit “A po ndryshon koncepti i atësisë në Kosovë?”. (https://docs.google.com/forms/d/e/1FAIpQLSdlUfSJPvTqynWzbxg2lXiq2Csq7vFeKnBg_kVgfvyHCkfpkQ/viewform,  ora  16:00)