18 Shtator 2019

Serbia po humb tregun e Kosovës nga taksa 100 për qind

Prishtinë, 19 dhjetor - Kosova importin e ka mbuluar vetëm me 12.5 për qind përmes eksportit, në raport me vendet e tjera të rajonit.

Kështu vlerëson Shoqata e Mullisëve të Kosovës. Kryetari Mustafë Farizi thotë për Radio Kosovën se vendi ynë në raport me CEFTA-në, vetëm sa është dëmtuar. Ndërkohë, Shoqata e Prodhuesve të Grurit thotë se Kosovës për një vit i nevojiten 410 mijë tonë grurë.

Kosova e ka mbuluar importin me eksport vetëm 12.5 për qind, përkatësisht, importi nga jashtë, ka qenë tetë fish më i madh sesa eksporti.

Të dhënat statistikore flasin se Shqipëria e ka mbuluar importin me eksportin me 51 për  qind, Serbia me 78 për qind, Maqedonia me 87 për qind, Bosnja me 62 për qind, Greqia me 57 për qind, Bullgaria me 98 për qind, Kroacia me 64 për qind dhe Turqia me 89 për qind, ndërkohë që Kosova në Serbi ka eksportuar vetëm 4.5  për qind, përderisa në Bosnje e Hercegovinë ka eksport shumë të vogël.

Kryetari i Shoqatës së Mullisëve të Kosovës, Mustafë Farizi, thotë se vendet që janë në kuadër të CEFTA-së, vetëm sa e kanë shfrytëzuar Kosovën.

 “Masën prej 100 për qind, do ta shfrytëzojë në masë të madhe Maqedonia,  e cila mund të na shesë miellin e Serbisë neve, gjë e cila nuk është e lejuar sipas CEFTA-së.  Me CEFTA-në vetëm jemi dëmtuar, na kanë shfrytëzuar shtetet që janë në kuadër të CEFTA-së ndërsa ne u kemi ndihmuar atyre”, tha Mustafa.

Ndërsa, zyrtarë nga Shoqata e Prodhuesve të Grurit thonë se Kosovës për një vit i nevojiten 410 mijë tonë grurë. Kryetari Pal Gjuraj thotë se këtë vit rendimenti ishte i ulët, 2 mijë e 700 kg për hektar.

 “Ka pas të mbjella 73 mijë hektarë, kështu që kur kthehet në përqindje diku Kosova i plotëson nevojat e veta për këtë vit rreth 40 për qind. 60 për qind këtë vit kemi qenë të detyruar që të importojmë dhe që krahasuar me vendet përreth kemi një përqindje shumë të lartë që kemi nevojë për ta importuar”, tha Gjuraj.

Mustafë Farizi dhe Pal Gjuraj vlerësojnë se masa që është vendos për produktet që vijnë nga Serbia ka qenë pak e vonuar, por shumë e qëlluar. Ata thonë se duhet të ketë bashkëpunim me prodhues vendorë që të rrisin sasinë dhe cilësinë e produkteve. Ditë më parë, Aleanca Kosovare e Biznese ka theksuar se taksia prej 100 për qind i ka kushtuar humbje eksportuesve të Serbisë mbi 23 milionë euro deri tani.

Kalendari

Ngjarjet e datës 18 shtator 2019

- Kryetari i Lëvizjes Vetëvendosje Albin Kurti viziton Xhaminë e Çarshisë në Prishtinë. (Xhamia e Çarshisë në Prishtinë, ora 9:10)

- Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti, do të vizitojë Komunën e Kaçanikut ku do të takoj kryetarin e kësaj komune, Besim Ilazin, për të diskutuar rreth përgaditjes së Garës Nacionale të Sportit. (Objekti i komunës, ora 9:30)

- Specialistët stomatologë të papunë do të protestojnë para Ministrisë së Shëndetësisë. (Para Ministrisë së Shëndetësisë, ora 10:00)

- Instituti Demokratik i Kosovës organizon tryezën e diskutimit ndërmjet qytetarëve dhe kandidatëve për deputetë nga subjektet politike lidhur me temën “Qasja e subjekteve politike rreth çështjes së gjinekologut në nivel komunal”. (Hotel Sirius, ora 10:00)

- Kryetari i Lëvizjes Vetëvendosje Albin Kurti viziton Kalanë e Artanës. (Kalaja e Artanës, ora 10:30)

- Ministri në detyrë i Inovacionit dhe Ndërmarrësisë, Muzafer Shala, mbanë konferencë për media, ku do të lansojë Fondin për Mbështetjen e Ndërmarrjeve Mikro të Vogla dhe të Mesme në vlerë prej 4 milionë euro. (ndërtesa e Ministrisë së Punëve të Jashtme, kati i 3-të,  përballë New Born-it, ora 10:30)

- Oda e Afarzimit të Kosovës në bashkëpunim me Dhomën e Tregtisë në Tiranë dhe Odën Ekonomike të Maqedonisë Veri-Perëndimore organizojnë ngjarjen “Regional B2B Event”. (Holiday Inn në Shkup, 11:00)

- Ministri i Kulturës, Rinisë dhe Sportit, Kujtim Gashi, mirëpret fituesit e medaljeve të Taekwandos. (Kabineti i Ministrit në MKRS, ora 11:00)

- Lëvizja FOL organizon diskutimin e tretë në kuadër të Forumit FOL Hapur me kandidatët për Kryeministër ku i ftuari i radhës do të jetë Nenad Rašić, Kandidat për Kryeministër nga koalicioni Slloboda. (Zyrat e Lëvizjes FOL, ora 11:00)

- Kryetari i Komunës së Gjianit, Lutfi Haziri, nënshkruan kontratat me tetë përfituesit e nën-granteve, në kuadër të projektit "Te rinjtë në Agrobiznes- Regjioni Ekonomik Lindje". (Zyra e Kryetarit Haziri, ora 11:00)

- Punëtorët teknik te qendrës studentore do të protestojnë para drejtorisë së qendrës studentore. (Para drejtorisë së qendrës studentore, ora 11:00)

- Kryetari i Lëvizjes Vetëvendosje Albin Kurti viziton Ulpianën. (Ulpianë, ora 11:40)

- Komuna e Prishtinës në bashkëpunim me Zyren e Bashkimint Evropian në Kosovë organizon promovimi i shtegut për çiklistë, si fazë testuese. (Rruga Zagrebi në Prishtinë, ora 12:00)

- Kryetari i Lëvizjes Vetëvendosje Albin Kurti viziton Janjevën. (Janjevë, ora 12:20)

- Komuna e Prishtinës në bashkëpunim me Zyren e Bashkimint Evropian në Kosovë organizon tryezë diskutimi “Ecja, çiklizmi dhe transporti urban”. (Kolegji Tempulli, rr. Eduard Lir 156, ora 14:00)

- Fondacioni i Kosovës për Shoqëri të Hapur bën promovimin e publikimeve dhe organizon panel diskutimin “ Njohja e Kosovës bashkëkohore”. (Swiss Diamond Hotel, ora 14:00)

- Komisioni Qendror i Zgjedhjeve mban mbledhjen e radhës. (Ndërtesa e KQZ-së, ora 15:30)

- Iniciativa për Histori Gojore organizon lansimin e aplikacionit mobil Prishtina Ecë. (Kafe—librarinë dit’ e nat’, ora 17:00)

- Kandidati i PDK-së për Kryeministër të ardhshëm të Kosovës, Kadri Veseli, merr pjesë në takimin e organizuar nga Gruaja Demokratike. (Hotel Venus, Magjistralja Prishtinë-Lipjan, ora 17:00)

- Lëvizja Vetëvendosje! shpalos prioritetet qeverisëse. (Atelja e Sallës së Kuqe, ora 17:00)

- Federata e Piingpongut e Kosoves, organizon ndeshjet e ligës së parë, e ndeshja derbi pritet të jetë ajo ndërmjet Shkollës dhe Hasan Prishtinës. (Prishtinë, ora 18:00)

- Kryetari i Lëvizjes Vetëvendosje Albin Kurti mban tubim më banorë të fshatit Rufc. (Rufc, ora 19:30)

- Kryetari i Lëvizjes Vetëvendosje Albin Kurti mban tubim më banor në fshatin Gadime. (Gadime, ora 21:00)