08 Korrik 2020

Rriten të ardhurat nga eksporti i naftës në Rusi

Moskë, 14 maj - Të ardhurat e Rusisë nga eksporti i naftës në tremujorin e parë të këtij viti janë rritur me 3,1 për qind në krahasim me të njëjtin periudhë të 2018-s duke arritur në 29,1 miliardë dollarë. 

Sipas të dhënave të Shërbimit Federal Doganor të Rusisë, vëllimi i eksportit të naftës ruse në tremujorin e parë të 2019-s është rritur me 6,8 për qind në krahasim me të njëjtën periudhë të një viti më parë dhe ka arritur në 65,9 milionë tonë.

Ndërsa eksporti i gazit natyror rus në çerekun e parë të vitit ka rënë me 0,4 për qind në krahasim me të njëjtët muaj të vitit të kaluar duke u realizuar në nivelin e 61,5 miliardë m3.

Gjatë të njëjtës periudhe, eksporti i gazit natyror të lëngëzuar të Rusisë ka shënuar një rritje me 19,7 për qind duke arritur në 11,7 milionë m3.

Në vitin 2018, Rusia pati siguruar 129 miliardë dollarë të ardhura nga eksporti i naftës dhe 49,1 miliardë dollarë nga eksporti i gazit natyror.

Kalendari

Ngjarjet e datës 8 Korrik 2020

- Komisioni për Buxhet dhe Transfere shqyrton në parim Projektligjin  për ndryshimin dhe plotësimin e Ligjit mbi Ndarjet Buxhetore për Buxhetin e Republikës së Kosovës për vitin 2020. (Ndërtesa e Kuvendi, salla C301, ora 10:00)

- Nënshkruhet Memorandumi i Bashkëpunimit në mes të Ministrisë së Drejtësisë, Rrjetit të Grave të Kosovës, Shoqatës “Rrjeti i Shitësve me Pakicë”, i cili qëllim kryesor ka krijimin e lehtësirave në punësim, të personave të strehuar në strehimoret e dhunës në familje dhe të mbijetuarat/it e dhunës seksuale gjatë luftës. (Hapësirat e Ministrisë së Drejtësisë, kati i 9-të, salla 914, ora 11:00)

- Komuna mban dëgjim publik me banorët të fshatrave Çifllak, Polluzhë dhe Dobidol për përgatitjen e buxhetit për vitin 2021 dhe kornizës afatmesme 2021-2023. (Objekti i Shkollës Fillore të Mesme të Ulët ”Rilindja”në fshatin Çifllak, ora 19:00)

- Komuna mban dëgjim publik me banorët të fshatrave Kramovik, Guri i Kuq dhe Mrasor për përgatitjen e buxhetit për vitin 2021 dhe kornizës afatmesme 2021-2023. (Objekti i Shkollës  Fillore të Mesme të Ulët “Mustafë Ibishi” në fshatin Kramovik, ora 20:00)