24 Shkurt 2019

Rriten shqetësimet për luftë tregtare mes fuqive ekonomike

Washington, 5 korrik - Presidenti Donald Trump vazhdon presionin mbi partnerët tregtarë të Shteteve të Bashkuara, duke thënë se kjo taktikë do të rezultojë në marrëveshje më të mira për amerikanët. Por politikat e presidentit kanë shqetësuar ekonomistët për mundësinë e një lufte tregtare.

Presidenti ka vënë në shenjestër jo vetëm partnerët tregtare, por edhe Organizatën Botërore të Tregtisë duke thënë se ky institucion ka trajtuar keq Shtetet e Bashkuara, gjë që ka shkaktuar disavantazh tregtar për amerikanët.

Media njoftoi se Shtëpia e Bardhë ka hartuar një projekt-ligj që, nëse miratohet, i jep autoritetet presidentit të vërë tarifa të reja jashtë juridiksionit të Organizatës Botërore të Tregtisë. Me këtë akt Amerika do të braktiste në praktikë angazhimet ndaj OBT.

Ndërkaq, vendet partnere kanë reaguar ndaj politikave amerikane. Kanadaja ka vënë tarifa me vlerë 12.6 miliardë dollarë ndaj mallrave amerikane. Njoftohet se Kina do të vërë tarifa me vlerë 34 miliardë dollarë në përgjigje të tarifave amerikane mbi importet e çelikut dhe aluminit.

Kalendari

Ngjarjet e datës 24 shkurt 2019 - Mbahet kampionati ekipor në pingpong Liga e Parë e Meshkujve. (Pallati i Rinisë dhe Sporteve në Prishtinë, ora 10:00)

- Komuna e Deçanit në bashkëpunim më OVL të UÇK-së, organizojnë mbledhje komemorative, me rastin e ndarjes nga jeta të ish-luftëtarit Halim Tolaj. (Salla e Asamblesë Komunale në Deçan, ora 11:00)

- Lëvizja Vetëvendosje! mban konferencë për media për çështjen e Lumbardhit në të cilën flasin nënkryetarja Fatmire Kollçaku dhe anëtari i Kryesisë në Pejë Taulant Kelmendi. (Takimi me gazetarë bëhet tek hotel "Dukagjini", ora 12:00)

 - Mbahet ceremonia e varrimit të ish-luftëtarit Halim Tolaj. (Kompleksi i Varrezave të Dëshmorëve të Kombit në fshatin Prejlep, ora 13:00)