04 Mars 2021

Rifillojnë bisedimet SHBA-Kinë mbi tregtinë

Washington, 20 shkurt - Negociatorët nga Kina dhe Shtetet e Bashkuara po i rifillojnë këtë javë bisedimet për zgjidhjen e mosmarrëveshjeve të vazhdueshme tregtare mes dy ekonomive më të mëdha të botës.

Shtëpia e Bardhë tha se sot do të zhvillohen një raund i tretë negociatash në Uashington mes zyrtarëve të të dyja palëve dhe të enjten bisedimet do të vazhdojnë mes zyrtarëve të nivelit më të lartë.

Bisedimet tregtare janë rezultat i një marrëveshjeje të dhjetorit mes Presidentit Donald Trump dhe atij kinez Xi Jinping, për t’i dhënë fund për 90 ditë konfliktit për tarifat, duke filluar nga dita e Vitit të Ri.

Administrata amerikane ka kërcënuar se do t’i rrisë tarifat nga 10 për qind në 25 për qind, në se deri më 2 mars nuk arrihet një marrëveshje. Por Presidenti Trump tha javën e kaluar se ky afat mund të shtyhet, në varësi të ecurisë së bisedimeve.

Kalendari

Ngjarjet e datës 4 Mars 2021

 - Guvernatori i BQK-së Femi Mehmeti takohet me përfaqësuesit e bankave. (Ndërtesa e BQK-së, ora 10:00 - mediat mund te marrin pamje)

- Oda e Mjekëve të Kosovës ndan mirënjohje për mjekët në pension dhe për institucionet shëndetësore që kanë kontribuar në luftën kundër Covid-19. (Amfiteatri i Telemjekësisë në QKUK, ora 10:00)

- Komisioni Qendror i Zgjedhjeve shpall rezultatet përfundimtare të zgjedhjeve të parakohshme për Kuvendin e Republikës së Kosovës, të cilat u mbajtën më 14 shkurt 2021. (selia e KQZ-se, ora 11:00) 

- Me rastin e ndarjes nga jeta të Enver Krasniqi, Prokuror i Prokurorisë Speciale të Republikës së Kosovës, sistemi prokurorial organizon mbledhje komemorative. (Amfiteatri i ndërtesës të ish-Rilindjes, ora 11:00)

- Guvernatori i BQK-së Femi Mehmeti takohet me shoqatat e bizneseve. (Ndërtesa e BQK-së, ora 14:00 - mediat mund te marrin pamje)

- Dogana e Kosovës organizon konferencë për shtyp ku do të paraqiten rezultatet e doganës gjatë dy muajt e parë të vitit 2021 dhe luftimi i kontrabandës dhe informalitetit në muajt e fundit. (Drejtoria e doganës në lagjjen Emshir, ora 14:00)   

- Guvernatori i BQK-së Femi Mehmeti mban konferencë për media. (Ndërtesa e BQK-së, ora 15:00)