14 Dhjetor 2018

Përshkallëzimi i fërkimeve tregtare do të godasë ekonominë globale

Seul, 10 gusht - Pasi qeveria e ShBA-së vendosi të zbatojë nga 23 gushti një tarifë prej 25% mbi mallrat e importuara nga Kina me vlerë rreth 16 miliardë dollarë, edhe pala kineze gjithashtu vendosi një tarifë prej 25% mbi importet nga ShBA-ja po me vlerë 16 miliardë dollarë.

Pas këtij zhvillimi, mediat koreanojugore kanë paralajmëruar se përshkallëzimi i fërkimeve midis dy ekonomive më të mëdha të botës, do të shkaktojë një goditje të rëndë mbi ekonominë globale.

Gazeta "Joong Ang Daily" thekson se të dhënat ekonomike të ShBA-së duken të shkëlqyera, por ajo ka dështuar në tërheqjen e investimeve të huaja.

Vëllimi e investimeve të drejtpërdrejta të huaja në ShBA ishte 486 miliardë dollarë në vitin 2016 dhe ra në 292 miliardë dollarë vjet, me një ulje 40 %.

Ndërkohë, në tremujorin e parë të këtij viti, shifra ishte 57.5 miliardë dollarë, vetëm sa një e treta e së njëjtës periudhë të vitit 2016 (150.7 miliardë dollarë), kur president ishte Barak Obama. Kjo do të thotë se sot është e vështirë për ShBA-në të fitojë besimin e vendeve të tjera.

Gazeta tjetër koreanojugore "Chosun Ilbo" paralajmëroi se zgjerimi i proteksionizmit tregtar të ShBA-së mund të ketë një ndikim të madh në tregjet e aksioneve në botë.

Raporti citon Larry Fink-un, kryeekzekutivin e Grupit "Blackstone", kompania më e madhe e menaxhimit të aseteve në botë, të ketë thënë: "Nëse ShBA-ja dhe Kina godasin përsëri me 'bomba tatimore' njëra-tjetrën, kjo mund të çojë në një rënie prej 10-15 % në bursat globale".

Kalendari

Ngjarjet e datës 14 dhjetor 2018 - Mbahet seanca plenare e Kuvendit të Republikës së Kosovës në të cilën do të behët shqyrtimi i dytë i Projektligjit për Ministrinë e Mbrojtjes, shqyrtimi i dytë i Projektligjit për Forcën e Sigurisë së Kosovës dhe shqyrtimi i dytë i Projektligjit për shërbim në Forcën e Sigurisë së Kosovës. (Kuvendi i Kosovës, ora 10:00)

- Në kuadër të “Javës Kundër Korrupsionit 2018” mbahet turneu kundër Korrupsion “Kosova Open 2018”. (Kino “Armata”,  ora 10:00)

- Misioni i Organizatës për Siguri dhe Bashkëpunim në Evropë në bashkëpunim me Asociacionin e Gazetarëve të Kosovës organizojnë tryezën "Roli i medias dhe shoqërisë civile në luftimin e korrupsionit". (Swiss Diamond Hotel, ora 10:00)

- Instituti D4D organizon hapjen zyrtare të projektit “Rritja e qasjes së grave në punësim”. (Restorant Tartine Deli, Prishtinë, ora 10:00)

- Në kuadër të “Javës Kundër Korrupsionit 2018” mbahet tryeza me temë "Lufta Kundër Korrupsionit në Ballkan. (Hotel Sirius, ora 10:00)

- Mbahet ceremonia e përurimit të shtëpisë për familjen skamnore në fshatin Livoç. (Fshati Livoç, ora 10:30)

- Në kuadër të Javës Kundër Korrupsion, Demokraci Plus organizon debatin publik në lidhje me gjetjet e monitorimit të prokurimit publik në Komunën e Prishtinës. (Hotel Sirius, ora 11:00)

- Let's Do It organizon aksion pastrimi në Plemetin të Obiliqt në kuadër të Fushatës "Ta Pastrojmë Kosovën". (Plemetin, ora 11:00)

- Lidhja Demokratike e Kosovës bën homazhe te varri i Presidentit Historik të Kosovës Dr. Ibrahim Rugova dhe vazhdon më pas për homazhe te varri i Ahmet Krasniqit. (Velani, ora 11:30)

- Aleanca Kosovare e Bizneseve dhe Qendra Tregtare "Plus Center “ organizon hapjen e ekspozimit dhe promovimit të prodhimeve vendore në kuadër të “Javëve të Biznesit Kosovar 2018” me moto: Unë Konsumoj Produkte Vendore, Po JU?. (Objekti i Qendrës Tregtare "Plus Center“ ne Ferizaj, ora 12:00)

- Koalicioni i OJQ-ve “Java Kundër Korrupsionit 2018” do të mbajë ngjarjen përmbyllëse të “Javës Kundër Korrupsionit 2018”, ku do të jenë prezent Ambasadorët e Shteteve Anëtare të QUINT, BE dhe Koalicioni i OJQ-ve. (Përpara Teatrit Kombëtar, ora 15:00)

- Kryeministri Ramush Haradinaj merr pjesë Akademinë Përkujtimore me rastin e 20 vjetorit të rënies së Heroit Mujë Krasniqi dhe 40 bashkëluftëtarëve të tij. (Salla e Kuqe të Pallatit të Rinisë, ora 16:00)

- Fondi për të Drejten Humanitare organizon ligjëratën publike “Sot, 20 vite më parë: Rasti Panda”. (Qendra e Dokumentimit në bibliotekën Hivzi Sulejmani, rruga “Sadik Bekteshi” nr 16, ora 16:30)

- Federata Kosovare e Atletikës organizon manifestimin sportiv të atletikës "Laureatët e vitit – Gala Athletics2018”. (Miracle Beni Dona, Zona Industriale, ora 18:30)

- Shfaqet drama jokonvencionale e Mark Ravenhill lidhur me dy vëllezër identikë të cilët ritakohen pasi që janë rritur ndarazi më Gjermaninë lindore dhe perëndimore. (Ambienti i fondacionit “Shtatëmbëdhjetë”, rruga e Muzeu Etnologjik, ora 20:00)