24 Nëntor 2020

OEK prezantohet në panairin “Resale” në Gjermani

Karlsruhe, 24 prill - Oda Ekonomike e Kosovës (OEK) ishte pjesëmarrëse në panairin e njohur botëror për tregun e maqinave të dorës së dytë, i cili është mbajtur nga data 21 – 23 Prill në Karlsruhe të Gjermanisë.

Në këtë panair kanë marrë pjesë më shumë se 500 ndërmarrje nga shumë vende të botës, të cilat kanë prezantuar llojet e ndryshme të maqinave dhe të cilat kishin në dispozicion për shitje rreth 160 000 maqina për industrinë e përpunimit të metaleve, drurit, plastikës, maqina për prodhimin e produkteve farmaceutike, maqina për prodhimin e pajisjeve të ndryshme, etj.

Ky është panair i cili ka një traditë shumëvjeçare në fushën e promovimit të segmenteve të ndryshme të industrisë, i cili është vizituar nga më shumë se 10 000 vizitorë nga 113 shtete të botës, dhe gjithashtu është realizuar një qarkullim prej 170 milion euro.

Oda Ekonomike e Kosovës përveç pjesëmarrjes si prezantuese në këtë panair shumë të rëndësishëm për zhvillimin ekonomik të secilit vend, dhe i cili ka një impakt të jashtëzakonshëm në përmirësimin e prodhimtarisë në vend, ka shpalosur të gjitha mundësitë potenciale të bashkëpunimit me vendet e ndryshme të botës, dhe ka përfaqësuar në mënyrë dinjitoze komunitetin e biznesit në Kosovë, duke ju ofruar informata të besueshme të gjitha palëve të interesuar për bashkëpunim me Republikën e Kosovës.

Oda Ekonomike e Kosovës ka qenë e shoqëruar me një delegacion prej 20 biznesesh nga sektorë të ndryshëm të cilët kishin mundësinë të analizojnë aktualitetin i cili është duke ndodhur në tregun e maqinave të dorës së dytë.  Përfaqësuesit e bizneseve Kosovare kishin mundësinë të takohen individualisht me prodhuesit e maqinave nga vendet e ndryshme, dhe shoqatat respektive të cilat janë shumë të fuqishme në këtë fushë.

Gjatë këtyre ditëve Oda Ekonomike e Kosovës ka shkëmbyr informata, kontakte me të gjitha palët e interesuara dhe poashtu gjatë prezantimit të bërë nga Safet Gërxhaliu kryetar i OEK-ut, të gjitha kompanitë dhe vizitorët e panairit kishin mundësinë të dëgjojnë rreth situatës ekonomike aktuale në Kosovë, kërkesës në tregun e maqinave të dorës së dytë, shërbimet të cilat i ofron Oda Ekonomike e Kosovës në kuptimin e promovimit të investimeve në vend, organizimit të aktiviteteve të ndryshme të cilat kanë për qëllim orientimin nga aktivitetet tregtare në ato prodhuese, përmirësimin e imazhit të Kosovës, mundësitë e bashkëpunimit në sektorë të ndryshëm, etj.

Oda Ekonomike e Kosovës kishte takime edhe me Germany Trade & Invest, përfaqësuesin e Odën Ekonomike të Karlsruhe-s me të cilin ka diskutuar rreth mundësive të bashkëpunimit në mes të dy odave në fushën e ekonomisë, organizimit të aktiviteteve të përbashkëta në të ardhmen të cilat kanë një rëndësi të veçantë për dy vendet.

Përfaqësimi i Odës Ekonomike të Kosovës në këtë ngjarje shumë të rëndësishme ekonomike në Gjermani është bërë i mundshëm përmes përkrahjes profesionale dhe teknike nga GTZ gjermane e cila është partner strategjik për Odën Ekonomike të Kosovës dhe Kosovën në përgjithësi.

Kalendari

Ngjarjet e datës 24 Nëntor 2020

- Komisioni për Çështje të Sigurisë dhe Mbrojtjes shqyrton të gjeturat e raportit për vendin të Komisionit Evropian për vitin 2020 në fushën e sigurisë. (Ndërtesa e Kuvendit, salla N204, ora 10:00)

- Mbahet mbledhja e katërt e Komitetit për Komunitete në komunën e Rahovecit. (Salla e mbledhjeve të Kuvendit Komunal të Rahovecit, ora 10:00)

- Mbahet takimi i 190-të i Këshillit Prokurorial. (Nëpërmjet video konferencës, ora 10:00)  

- Komiteti Olimpik i Kosovës në bashkëpunim me organizatën jo qeveritare “Ta Pastrojmë Kosovën”, do të lansojnë “T’i japim vendit ngjyra”.  (Këndi Olimpik, në kampusin e Universitetit të Prishtinës “Hasan Prishtina”, ora 10:30)


- Komisioni për Mbikëqyrjen e Financave Publike shqyrton raportonin e auditimit për Pasqyrat Vjetore Financiare të vitit 2019, për Kompaninë Regjionale të Ujitjes Drini i Bardhë. (Ndërtesa e Kuvendit, salla N303, ora 11:00)

- Ministrja e Kulturës, Rinisë dhe Sportit, Vlora Dumoshi dhe Ministrja e Punëve të Jashtme dhe Diasporës, Meliza Haradinaj, nënshkruajnë Memorandum të Bashkëpunimit për Atashetë Kulturorë. (Objekti i Ministrisë së Punëve të Jashtme dhe Diasporës, ora 11:00)

- Komisioni për Shëndetësi dhe Mirëqenie Sociale, shqyrton Ligjin për statusin dhe të drejtat e dëshmorëve, invalidëve, veteranëve, pjesëtarëve të Ushtrisë Çlirimtare të Kosovës, viktimave civile dhe familjareve të tyre. (Ndërtesa e Kuvendit, salla N302, ora 11:00)    

- Komiteti Olimpik i Kosovës organizon pritje për ekspeditën e xhudos, pas suksesit të arritur në kampionatin evropian të xhudos, të mbajtur javën e kaluar në Pragë të Republikës së Çekisë, ku Distria Krasniqi dhe Loriana Kuka u stolisën me medalje të bronztë. (Zyret e KOK-ut, ora 11:45)

- Kryetari i Komunës së Gjilanit, Lutfi Haziri, pret në takim ministrin e Shëndetësisë, Armend Zemaj. (Zyra e Kryetarit, ora 12:45 )

- Lëvizja Vetëvendosje mban konferencë për medie. (Zyret e LV-së në Arbëri, ora 13:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike, shqyrton Raportin e Panelit për zgjedhjen e “Kryesuesit të Komisionit Shqyrtues të Autoritetit Rregullator për Shërbimet e Ujit. (Ndërtesa e Kuvendit, salla N10, ora 13:00)

- Komisioni për Bujqësi, Pylltari, zhvillim Rural, Infrastrukturë dhe Mjedis, shqyrton rekomandimet nga BE-ja të planit për mbikëqyrjen e procesit integrues 2020-2021. (Ndërtesa e Kuvendit, salla N204, ors  13:00)

 - Kryetari i Komunës së Gjilanit, Lutfi Haziri dhe ministri i Shëndetësisë, Armend Zemaj vizitojnë  Spitalin e Përgjithshëm në Gjilan. (Gjilan, ora 13:45)

- Mbahet mbledhja e Kryesisë së Kuvendit të Republikës së Kosovës. (Platforma ZOOM 5.0, ora 14:00)

- Kryetari i Komunës së Gjilanit, Lutfi Haziri dhe ministri i Shëndetësisë, Armend Zemaj mbajn Konferencë për media. (Qendra Rajonale e Shëndetit Publik në Gjilan, ora 14:30)

 

- Kryetari i Komunës së Prizrenit, Mytaher Haskuka, së bashku me drejtoreshën e Drejtorisë së Turizmit dhe Zhvillimit Ekonomik, Sevil Kazaz Limani, do bëjnë lansimin e projektit “Ndriçimi i Urës së Gurit”. (Pranë Urës së Gurit në Prizren, ora 18:00)