24 Nëntor 2020

OEK përgatitet për mbajtjen e kuvendit

Prishtinë, 11 qershor - Oda Ekonomike e Kosovës është duke bërë përgatitje intensive për mbajtjen e mbledhjes së rregullt të Kuvendit në të cilën do të shqyrtohet raporti gjashtëmujor i punës së këtij institucioni dhe do të behët zgjedhja e kryetarit të ri të OEK-ut për mandat të ardhshëm katërvjeçar.

Të dy këto zhvillime do të mbahen duke respektuar afate të paracaktuara me Statutin e OEK-ut, ndërkaq përputhja e tyre kohore krijon avantazh për Kuvendin si organin më të lartë drejtues që në të njëjtën kohë të analizoj punën gjashtëmujore të OEK-ut dhe në bazë të kësaj analize dhe vlerësimit të punës së stafit drejtues të OEK-ut të bëjë zgjedhjen e kryetarit të saj të ri.

Ditë më parë në disa media, individë të caktuar kanë sjell në pyetje gatishmërinë e mbajtjes së Kuvendit të OEK-ut dhe mos respektimin e afateve statutare për zgjedhjen e kryetari të Odës, pasi që kryetari i deritashëm ka shkuar në detyrë të re.

Këshilli Drejtues i Odës Ekonomike të Kosovës në mbledhjen e mbajtur më 6. Prill 2010. është njoftuar se kryetari i deriatëhershëm i Odës, Besim Beqaj është zgjedhur ministër i Integrimit Evropian në Qeverinë e Republikës së Kosovës.

Në këtë mbledhje Këshilli Drejtues i Odës, duke pas parasysh se muajt maj dhe qershor janë muaj të aktiviteteve intensive të OEK-ut ka vendosur që nënkryetari i atëhershëm i Odës, Safet Gërxhaliu të zgjidhet ushtrues i detyrës së kryetarit të Odës.

Ky vendim është aprovua duke pas parasysh pozitën e tij udhëheqëse në hierarkinë organizative të Odës dhe punën e suksesshme të zotit Gërxhaliu.

Me këtë propozim u pajtuan të gjithë anëtarët e Këshillit Drejtues OEK-ut, duke e vlerësuar si vendim më të mirë.

Në këtë takim, me propozim të disa anëtarëve të Këshillit Drejtues u vendos që zoti Gërxhaliu të propozohet edhe si kandidat i vetëm i Këshillit Drejtues të OEK-ut për kryetar të Odës.

Në disa prononcime publike ky vendim është kontestuar nga disa anëtar të Këshillit Drejtues të Odës, edhe pse edhe ata vet e kanë përkrahur dhe votuar këtë propozim, gjë që mund të vërtetohet nga proces verbali i mbledhjes dhe incizimi tonik nga kjo mbledhje e Këshillit Drejtues, të cilat mund ti kenë në dispozicion mediet dhe anëtarët e  Këshillit Drejtues dhe Kuvendit të Odës.

 
 

Kalendari

Ngjarjet e datës 24 Nëntor 2020

- Komisioni për Çështje të Sigurisë dhe Mbrojtjes shqyrton të gjeturat e raportit për vendin të Komisionit Evropian për vitin 2020 në fushën e sigurisë. (Ndërtesa e Kuvendit, salla N204, ora 10:00)

- Mbahet mbledhja e katërt e Komitetit për Komunitete në komunën e Rahovecit. (Salla e mbledhjeve të Kuvendit Komunal të Rahovecit, ora 10:00)

- Mbahet takimi i 190-të i Këshillit Prokurorial. (Nëpërmjet video konferencës, ora 10:00)  

- Komiteti Olimpik i Kosovës në bashkëpunim me organizatën jo qeveritare “Ta Pastrojmë Kosovën”, do të lansojnë “T’i japim vendit ngjyra”.  (Këndi Olimpik, në kampusin e Universitetit të Prishtinës “Hasan Prishtina”, ora 10:30)


- Komisioni për Mbikëqyrjen e Financave Publike shqyrton raportonin e auditimit për Pasqyrat Vjetore Financiare të vitit 2019, për Kompaninë Regjionale të Ujitjes Drini i Bardhë. (Ndërtesa e Kuvendit, salla N303, ora 11:00)

- Ministrja e Kulturës, Rinisë dhe Sportit, Vlora Dumoshi dhe Ministrja e Punëve të Jashtme dhe Diasporës, Meliza Haradinaj, nënshkruajnë Memorandum të Bashkëpunimit për Atashetë Kulturorë. (Objekti i Ministrisë së Punëve të Jashtme dhe Diasporës, ora 11:00)

- Komisioni për Shëndetësi dhe Mirëqenie Sociale, shqyrton Ligjin për statusin dhe të drejtat e dëshmorëve, invalidëve, veteranëve, pjesëtarëve të Ushtrisë Çlirimtare të Kosovës, viktimave civile dhe familjareve të tyre. (Ndërtesa e Kuvendit, salla N302, ora 11:00)    

- Komiteti Olimpik i Kosovës organizon pritje për ekspeditën e xhudos, pas suksesit të arritur në kampionatin evropian të xhudos, të mbajtur javën e kaluar në Pragë të Republikës së Çekisë, ku Distria Krasniqi dhe Loriana Kuka u stolisën me medalje të bronztë. (Zyret e KOK-ut, ora 11:45)

- Kryetari i Komunës së Gjilanit, Lutfi Haziri, pret në takim ministrin e Shëndetësisë, Armend Zemaj. (Zyra e Kryetarit, ora 12:45 )

- Lëvizja Vetëvendosje mban konferencë për medie. (Zyret e LV-së në Arbëri, ora 13:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike, shqyrton Raportin e Panelit për zgjedhjen e “Kryesuesit të Komisionit Shqyrtues të Autoritetit Rregullator për Shërbimet e Ujit. (Ndërtesa e Kuvendit, salla N10, ora 13:00)

- Komisioni për Bujqësi, Pylltari, zhvillim Rural, Infrastrukturë dhe Mjedis, shqyrton rekomandimet nga BE-ja të planit për mbikëqyrjen e procesit integrues 2020-2021. (Ndërtesa e Kuvendit, salla N204, ors  13:00)

 - Kryetari i Komunës së Gjilanit, Lutfi Haziri dhe ministri i Shëndetësisë, Armend Zemaj vizitojnë  Spitalin e Përgjithshëm në Gjilan. (Gjilan, ora 13:45)

- Mbahet mbledhja e Kryesisë së Kuvendit të Republikës së Kosovës. (Platforma ZOOM 5.0, ora 14:00)

- Kryetari i Komunës së Gjilanit, Lutfi Haziri dhe ministri i Shëndetësisë, Armend Zemaj mbajn Konferencë për media. (Qendra Rajonale e Shëndetit Publik në Gjilan, ora 14:30)

 

- Kryetari i Komunës së Prizrenit, Mytaher Haskuka, së bashku me drejtoreshën e Drejtorisë së Turizmit dhe Zhvillimit Ekonomik, Sevil Kazaz Limani, do bëjnë lansimin e projektit “Ndriçimi i Urës së Gurit”. (Pranë Urës së Gurit në Prizren, ora 18:00)