21 Prill 2021

OAK, KSB dhe OEMVP lidhin bizneset për të rritur eksportin

Prishtinë, 15 mars - Mundësitë e bashkëpunimit, ndërlidhja e bizneseve të Kosovës, Maqedonisë dhe atyre Sllovene, ishte arsyeja që Oda e Afarizmit të Kosovës dhe Klubi Slloven i bizneseve organizuan një takim të përbashkët. E ftuar në këtë aktivitet nga OAK ishte Oda Ekonomike e Maqedonisë Veriperëndimore.

Kryetari i Bordit të OAK-së Skënder Krasniqi, para të pranishmëve prezantoi rëndësinë dhe punën që OAK në kontinuitet po bënë për bizneset. Krasniqi theksoi rëndësinë e lidhjes së Memorandum Bashkëpunimit me Klubin Slloven të Bizneseve duke theksuar që ky takim u organizua me qëllim të shkëmbimit të përvojave dhe mundësive për bashkëpunim përmes takimit të drejtpërdrejt të bizneseve mes vete.

Ndërsa Bajram Fusha Kryetar i Klubit Slloven, prezantoi institucionin që drejton, bashkëpunimet me institucionet në Kosovë, fushat e fokusuara, anëtarët e tyre, sjelljen e investitorëve, gjetjen e partnerëve, organizimin e vizitave studimore dhe panaireve në Slloveni.

Fusha tregoi arsyen e thirrjes së takimit në bashkëpunim me Odën e Afarizmit të Kosovës, e cila u bë me qëllim të krijimit të mundësive të bashkëpunimit të ndërsjellë të bizneseve të Sllovenisë dhe bizneseve të Kosovës, shkëmbimit të përvojave dhe njohurive të dyanshme.

Fusha njëherësh ftoi bizneset që t’i drejtohen lirshëm përmes OAK-së tek KSB për çdo kërkesë që kanë, interesat e tyre, gjetjen e tregut dhe krijimin e partneritetit, të shfrytëzojnë mundësitë e ofruara.

Ndërsa Nebih Hoxha Kryetar i Odës Ekonomike të Maqedonisë Veri-Perëndimore falënderoi OAK-në për ftesën dhe u shpreh i kënaqur me një organizim të këtillë duke e parë si një aktivitet shumë të nevojshëm në mes bizneseve të rajonit.

Pas takimit u organizua edhe një koktej rasti ku të pranishmit dhe bizneset u njoftuan për së afërmi, ndanë përvojat e tyre në lidhje me aktivitetet që bëjnë, njohuritë dhe shkëmbyen kontaktet.


 

Kalendari

Ngjarjet e datës 22 Prill 2021

- Ministri i Mjedisit, Planifikimit Hapesinor dhe Infrastrukturës, Liburn Aliu mban konferencë për media për hidrocentralet. (Tek ura në Brezovicë, 100m para kthesës kryesore për qendër të skijimit, ora 9:15)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike të Kosovës Berat Rukiqi. (Ndërtesa e Kuvendit, salla N204, ora 10:00)

- Me moton "Shpëtoni Planetin" shënohet Dita e Tokës për të rritur ndërgjegjësimin për rëndësinë e përgjegjësisë kolektive për të mbrojtur mjedisin për brezat e ardhshëm. (Mitrovicë, ora 10:00)

- Organizata ETEA dhe biblioteka “Hivzi Sulejmani” organizojnë panelin e diskutimit “Libri mes ofertës dhe kërkesës”, me rastin e Ditës Ndërkombëtare të Librit. (Biblioteka “Hivzi Sulejmani” në lagjen Dardania, ora 10:00)

-  Ministria e Mjedisit, Planifikimit Hapesinor dhe Infrastrukturës organizon aktivitetet me rastin e shënimit të 22 Prillit, Ditës Ndërkombëtare të Tokës. (Hapësira e Shkollës Fillore “Hasan Prishtina” në Prishtinë, ora 10:00)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike Amerikane në Kosovës Arian Zeka. (Ndërtesa e Kuvendit, salla N204, ora 11:00)

- Lëvizja FOL organizon debatin FOL Hapur me ministrin e Administrimit të Pushtetit Lokal, Elbert Krasniqi. (Hotel Sirius, ora 11:00)

- Programi i Kombeve të Bashkuara për Zhvillim së bashku me UN-Habitat dhe agjencitë e tjera të Ekipit të Kombeve të Bashkuara në Kosovë, do të organizojnë inaugurimin e Sistemit Solar Fotovaltaik në ndërtesen e Kuvendit Komunal të Prizrenit. (Ndërtesa e Kuvendit Komunal në Prizren, ora 11:00)

- Komisioni për Ekonomi, Industri, Ndërmarrësi dhe Tregti takohet me kryetare e Odës Ekonomike Gjermano-Kosovare Nora Hasani. (Ndërtesa e Kuvendit, salla N204, ora 12:00)

- Koordinatori i Qendrës së vaksinimit në sallën “1 Tetori”, Niman Bardhi mban konferencë për medie. (Sallla “1 Tetori”, ora 12:00)

- Ministrja e Punëve të Jashtme dhe Diasporës, Donika Gërvalla do ta pres në aeroport Ministrin e Jashtëm te Gjermanisë, Heiko Maas. (Aeroportin e Prishtinë, ora 14:00 - vetëm pamje)

- OJQ Projekti 5 Cent organizon ngjarjen për "Ditën e Tokës", ku do të bëhet mbjellja e 51 fidaneve me rastin e shënimit të kësaj dite. (Oborri i SHFMU “Ibrahim Rugova” në Obiliq, ora ora 14:00)

- Presidentja e Kosovës, Vjosa Osmani, pret në takim ministrin e Punëve të Jashtme të Gjermanisë, Heiko Maas. (Kabineti i Presidentës, ora 15:00)

- Kryeministri i Kosovës, Albin Kurti, pret në takim ministrin e Punëve të Jashtme të Gjermanisë, Heiko Maas. (Ndërtesa e Qeverisë, ora 16:30)

- Ministrja e Punëve të Jashtme dhe Diasporës, Donika Gërvalla dhe Ministri i Jashtëm i Gjermanisë, Heiko Maas do të zhvillojnë takimin bilateral. (Kabineti i ministres Gervalla, ora 17:00) vetëm pamje)