24 Shkurt 2020

OAK dhe ITA me mundësi të mëdha të bashkëpunimit

Prishtinë, 3 prill - Me qëllim të diskutimit lidhur me mundësitë e bashkëpunimit ndërmejt bizneseve kosovare dhe italiane në zyret e Oda e Afarizmit të Kosovës u mirëprit drejtoresha e Italian Trade Agency Elisa Scelsa dhe analistja e tregtisë Manjolla Mumajesi.

Skender M Krasniqi, kryetar bordi në Odën e Afarizmit të Kosovës theksoi që OAK u themelua si rrjedhojë e nevojës së bizneseve për adresim dhe lobim për zgjidhjen e problemeve me të cilat ato po përballen.

Krasniqi shtoi që OAK është e përkushtuar të përmirësoj klimën e të bërit biznes në vend dhe njëkohësishtë të krijoj lehtësira për bashkëpunim të bizneseve anëtare me ato ndërkombëtare, gjë të cilën pret se do të arrihet edhe nga bashkëpunimi me ITA.

Anëtari i bordit të OAK-së Hysni Zogaj, fokus të veçantë i kushtoi përparësive të investimit në Kosovë, ndër të cilat u veçuan popullësia më e re në Europë, klima e përshtatshme dhe kosto e ulët e qirasë për zhvillim të bujqësisë.

Drejtoresha Scelsa përgëzoi OAK-në për punën e saj dhe theksoi që interesimi i bizneseve italiane për të bashkëpunuar me bizneset e Kosovës ekziston, mirëpo një nga problemet kryesore me të cilin po përballen janë vështirësitë për marrjen e një oferte për bashkëpunim nga ana e Qeverisë, se çka konkretisht ofron për bizneset e inetresuara që të investojnë në Kosovë.

Gjatë këtij takimi u diskutuan edhe disa nga mënyrat e bashkëpunimit ndërmjet të dy palëve, frytet e së cilës pritet të shihen në të ardhmen.

Oda e Afarizmit të Kosovës në këtë takim u përfaqësua nga: kryetari i bordit Skënder Krasniqi, anëtari i bordit Hysni Zogaj, biznesi anëtarë Qendrim Kryeziu, koordinatorja Qendresa Ibrahimi dhe zyrtarja Mirjeta Shala.

 

 

Kalendari

Ngjarjet e datës 24 shkurt 2020 - Zyra për Komunikim Publik e Zyrës së Kryeministrit dhe Agjencina për Informim dhe Privatësi mban sesion informues për zbatimin e Ligjit për Qasje në Dokumente Publike. (Hotel “International Pristina”, ora 9:00)

- Kostituohet Komisioni për Bujqësi, Pylltari, zhvillim Rural, Infrastrukturë dhe Mjedis. (Ndërtesa e Kuvendit, salla N 302, ora 10:00)

- Drejtoria e Inspekcionit në Komunën e Prishtinës do të fillojë zbatimin e dy vendimeve për rrënim në të njëjtën kohë, në rr. Musa Tolaj në Lakrishte. (Takimi me mediat bëhet në rrugën, Musa Tolaj, ora 10:00)

- Ministria e Arsimit, Shkencës, Teknologjisë dhe Inovacionit organizon lansimin e projektit strukturor Erasmus + “Ngritja e kulturës kërkimore në arsimin e lartë në Kosovë”. (Ndërtesa e MAShTI, ora 10:00)

- Demokracia Plus organizon tryezën e organizuar ku do të diskutohet mbi dyfishimin e pozitave të nëpunëse civil si rezultat i ristrukturimit të Qeverisë nga 21 në 15 ministri. (Salla e konferencave Orion, ora 10:00)

- Grupi Parlamentar i Aleancës për Ardhmërinë e Kosovës organizon tryezë për taksën 100 për qind ndaj produkteve nga Serbia dhe Bosnja. (Hapësirat e Kuvendit të Kosovës, ora 10:00)

- Konstituohet Komisioni për të Drejtat dhe Interesat e Komuniteteve. (Ndërtesa e Kuvendit, salla N 10, ora 10:00)

- Përurohet libri “Shoqëri e të shtypuri shkronja shqip 1879” të autorit Besim Kabashi i cili më pas do të mbajë një ligjëratë me titull “Një korpus për gjuhën shqipe”. (Amfiteatri i Fakultetit Ekonomik të Universitetit “Ukshin Hoti” në Prizren, ora 11:00)

- Konstituohet Komisioni për të Drejtat e Njeriut, Barazi Gjinore, për Persona të Pagjetur dhe Peticione. (Ndërtesa e Kuvendit, salla N 204, ora 11:00)

- Përurohet laboratori i mikrobiologjisë në Klinikën Infektive të Qendrës Klinike Universitare të Kosovës, i ndërtuar me fondet e projektit “Mbështetje për Sistemin Shëndetësor të Kosovës”, nga Agjencia Italiane për Bashkëpunim dhe Zhvillim. (Klinika Infektive, ora 12:00)

- Hapet ekspozita “Ballafaqimi me të harruarën”. (Biblioteka Kombëtare, ora 12:00)