19 Shtator 2019

MTI në përkrahje të bizneseve dhe hapjen e vendeve të reja të punës

Prishtinë, 24 prill - Ministri i Tregtisë dhe Industrisë, Endrit Shala ka shprehur mirënjohje për prodhuesit e Kosovës që me punën e tyre po kontribuojnë në zhvillimin ekonomik të vendit, hapjen e vendeve të reja të punës dhe përmirësimin e bilancit tregtar.

Ministri Shala theksoi se Ministria e Tregtisë dhe Industrisë fokus kryesor e ka mbështetjen e prodhuesve vendor, që sot i ekspozuan produktet e tyre shumë cilësore në Panairin e Përgjithshëm Ndërkombëtar “Prishtina 2019”.

“Qeveria e Kosovës dhe Ministria e Tregtisë dhe Industrisë janë të përkushtuara në përkrahjen e prodhuesve vendor që t’i certifikojnë produktet e tyre, që të jenë të gatshëm dhe konkurrent për tregjet e huaja. Të vazhdoni të punoni që ta rrisim cilësinë e prodhimeve tona, që ta rrisim edhe tregun dhe besimin në produktet “Made in Kosova”’, tha Shala.

Ministri theksoi se të gjitha aktivitetet dhe projektet në kuadër të MTI-së kanë për qëllim mbështetjen e kompanive kosovare.

“Shfrytëzoj rastin të ftoj të gjitha kompanitë kosovare dhe përfaqësuesve të tyre, si Oden Ekonomike, ta vazhdojmë dhe ta avancojmë bashkëpunimin tonë drejt këtyre objektivave. Këto janë sfida, por edhe mundësi, të mëdha dhe mund t’i realizojmë vetëm duke bashkëpunuar. Nga këtu edhe njëherë ju shprehim mirënjohje të veçantë prodhuesve kosovarë, të cilët, me punën e tyre, po kontribuojnë në zhvillimin e ekonomisë së vendit”.

Ministri tha se MTI çdo herë do të jetë përkrah bizneseve dhe do të avokoj për zgjidhje të problemeve të tyre, duke bërë thirrje që të konsumohen prodhimet vendore.
 

Kalendari

Ngjarjet e datës 19 shtator 2019 - Në Universitetin “Ukshin Hoti” në Prizren të zhvillon punimet një punëtori nga Garda Kombëtare e Iowa në SHBA dhe Forcës të Sigurisë së Kosovës. (Universiteti “Ukshin Hoti” në Prizren, ora 8:00)

- Mbahet mbledhja e Kuvendit të Komunës së Mitrovicës. (Salla e Kuvendit të Komunës, ora 10:00)

- Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti, do të vizitojë Komunën e Mamushës  ku do të takoj kryetarin e kësaj komune, Abdülhadi Krasniç , për të diskutuar rreth përgaditjes së Garës Nacionale të Sportit. (Objekti i komunës, ora 10:15)

- Fillon skema e re e projektit per fuqizimin e angazhimit të ndërtimit të pronësisë i financuar nga BE që synon të mbështesë punën e OJQ-së për një Kosovë të gjelbër. (Sheshi Zahir Pajaziti, ora 10:30)

- Në kuadër të Javës për Zhvillim të Qëndrueshëm në Kosovë, Balkan Green Foundation dhe Instituti për Politika Zhvillimore organizojnë eventin që thekson të arriturat dhe ndikimin në komunitet nga projekti “Empower - Engage Build Ownership” i mbështetur nga Zyra e Bashkimit Europian në Kosovë. (Amfiteatri i Sheshit Zahir Pajaziti, ora 10:30)

- Në faqen e KDI-së në Facebook, mbahet bashkëbisedimi LIVE për dialogun Kosovë-Serbi, me kandidaten për kryeministre znj.Vjosa Osmani nga Lidhja Demokratike e Kosovës. (KDI, ora 12:00)

- Lëvizja FOL organizon diskutimin e katërt në kuadër të Forumit FOL Hapur me kandidatin për Kryeministër nga Koalicioni Aleanca për Ardhmërinë e Kosovës, Partia Socialdemokratike. Ramush Haradinaj. (Lëvizjes FOL, ora 13:00)

- Mbahen ndeshjet e ligës së femrave dhe ligës së juniorëve në pingpong. (Ferizaj, ora 18:00)

- Kryetari i Lëvizjes Vetëvendosjes, Albin Kurti takohet me qytetarë të Prishtinës. (Hotel Sirius, ora 18:00)

- Kandidatja e LDK-së për Kryeministre, Dr. Vjosa Osmani, takohet me strukturat dhe qytetarët e Ferizajt. (Restaurant “Fitorja”. ora 18:00)

- Bëhet hapja e ekspozitës personale të piktorit Vehbi Murati, e titulluar “Një ditë e zakonshme shtatori”. (Galeria e Ministrisë së Kulturës, ora 19:00) 

- Kryetari i Lëvizjes Vetëvendosjes, Albin Kurti takohet me banorë te Malishevës së Gjilanit. (Fshati Malishevë, ora 20:00)

 - Kryetari i Lëvizjes Vetëvendosjes, Albin Kurti takohet me banorë te Pozhoranit. Pozhoran, ora 21:00)