17 Maj 2021

MTI e fokusuar për të zhvilluar, promovuar, dhe forcuar ndërmarrësin kosovare

Prishtinë, 7 qershor - Zhvillimi i Biznesit të Vogël dhe të Mesëm është shtylla kryesore e zhvillimit ekonomik të vendit tha Ministri i Tregtisë dhe Industrisë, Endrit Shala, gjatë konferencës ku u prezantua raporti “Indeksi i Politikës së NVM-ve: Ballkani Perëndimor dhe Turqia 2019”.

Ministri theksoi se që nga marrja e mandatit është fokusuar me të gjithë dikasteret relevant që të krijoj të gjitha parakushtet e nevojshme për të zhvilluar, promovuar, dhe forcuar ndërmarrësin kosovare.

“E bazoj këtë shkas duke vlerësuar rëndësinë e Aktit për Biznes të Vogël, respektivisht vlerësimin për Kosovën,  kjo sepse bizneset e vogla dhe të mesme prodhojnë shumicën e vendeve të punës dhe të ardhurave në vendin tonë. Prandaj, duke nënvizuar se bizneset e vogla kanë përballuar barrën më të madhe të këtij procesi te tranzicionit zhvillimor, me qëllimin që t’iu bëjmë me të lehtë funksionimin dhe zhvillimi e veprimtarive të tyre”, tha ministri Shala.

Shala tha se janë iniciuar një sërë masash që ndikojnë në mënyrë graduale të zhvillimit të ndërmarrësisë, duke përmirësuar qasjen në financa, përmes fondit për garantim të kredive për ndërmarrjet Kosovare.

“Kemi filluar implementimin e programit mbështetës nga Banka Botërore për përmirësimin dhe certifikimin e produkteve kosovare me standarde evropiane dhe kualitetit të tyre për t’i ndërkombëtarizuar ato. Kemi dyfishuar organizimin e pjesëmarrjes se kompanive kosovare në panaire ndërkombëtare me qëllim gjetjen e bashkëpunëtorëve dhe tregjeve të reja për eksport. Kemi themeluar skemën për mbështetje direkete/subvencionim të NVM-ve në blerjen e makinerisë dhe instalimin e teknologjive të reja prodhuese. Kemi krijuar mekanizma, që ndikojnë drejtpërdrejt në krijim të një tregu të qëndrueshëm konkurrues. Kemi rritur inspektimet që konsumatori të jetë i mbrojtur”, tha Shala. 

Shala bëri të ditur se përkrahja e NVM-ve do të vazhdojë të mbetet fokus i MTI-së duke përkrahur ato në rritjen dhe avancimin e teknologjive të reja prodhuese, duke inkurajuar ndërkombëtarizimin e produkteve të tyre.

“Në të njëjtën kohë duke krijuar lehtësira të vazhdueshëm për eksport si dhe duke negociuar dhe arritur marrëveshje tregtare për qasjet në tregje të reja, dhe duke realizuar të gjitha rekomandimet dhe vlerësimet që vijnë nga partnerët tanë ndërkombëtare. Ministria e Tregtisë dhe Industrisë  përmes programeve konkrete  vazhdon të punojë në ngritjen e konkurrueshmërisë së NVM-ve kosovare. Nga të pranishmit, presim që në fund të këtij takimi  të marrim rekomandimin e publikimit me qëllim të përmirësimit të dimensioneve për aty ku mund të jeni evidentuar hapësira për përmirësim”, tha ministri Shala.

Ndërsa Riccardo Serri nga zyra e Bashkimit Evropian tha se duhet të ngritët sektori i NVM-ve, sepse sipas tij, ky sektor është shumë i rëndësishëm jo vetëm për BE-në, por edhe për Kosovën.

Edhe Marzena Kisielewska, udhëheqëse e Divizionit të Evropës Juglindore, tha se reformat në këtë sektorë janë zhvilluar me efikasitet. “Puna është duke u kryer në mënyrë efikase. Kam një mesazh optimist sepse ka pasur progres në rajon dhe duhet të jeni krenar jo vetëm në Kosovë, por edhe në rajon dhe kjo nënkupton se pritet edhe më shumë nga ju”.

OECD ka vlerësuar se Kosova është ndër vendet që ka bërë përparim të madh në implementimin e aktit të biznesit të vogël.
 

Kalendari

Ngjarjet e datës 17 Maj 2021

- Ministria e Mjedisit, Planifikimit Hapësinor dhe Infrastrukturës organizojnë javën e gjashtë Globale e Sigurisë Rrugore. (Pallati i Rinisë dhe Sporteve, para New Born, ora 10:00)

- Mbahet seanca gjyqësore kundër të pandehures Dragana Janiçeviç për Kultivimi i bimës së hashashit, shkurres së kokainës ose bimëve të kanabisit. (Gjykata Themelore në Ferizaj, ora 10:00)

- Kuvendi i Kosovës mban seancë të jashtëzakonshme në të cilën do të diskutohet prezantimi i Programit të Qeverisë së Republikës së Kosovës për vitet 2021-2025. (Kuvendi i Kosovës, ora 10:00)

- Kryetari i Komunës së Prizrenit, Mytaher Haskuka do të vizitojë Shërbimin e Urgjencës, i cili është furnizuar me dy autoambulanca të reja. (Shërbimi i Urgjencës në Prizren, ora 10:30)

- Mbahet seanca gjyqësore kundër të pandehurit Visar Krasniqi për Keqpërdorimi dhe mashtrimi ne prokurorimin publik. (Gjykata Themelore në Ferizaj, ora 11:00)

- Rrjeti i OJQ-ve Avonet mban konferencë për media në të cilën do të prezantoj projektin “Hapësirat e gjelbëra dhe shtatorja e Presidentit të Shteteve të Bashkuara të Amerikës Joe Biden”. (Objekti e Galerisë, ish-objekti i TMK-së, rruga “Ramadan Rexhepi” Ferizaj, ora 11:00)  

- Universiteti i Shkencave të Aplikuara në Ferizaj organizon aktivitetin 3 ditor “Open Doors”, për të rinjtë e Kosovës dhe më gjerë, të cilët ende nuk kanë bërë zgjedhjen e profesionit të tyre. (Objekti i Universitetit, ora 11:00)

- Organizata Kosovo Center for Peace mban konferencë për medie në lidhje me raportin e Departamentit Amerikan. (Xhamia “Bedri Kamberi” në Prishtinë, ora 11:00)

- Kolektivi për Mendim dhe Veprim Feminist do të mbajë protestë kundrejt neglizhimit të sigurisë së vajzave dhe mungesën e politikave të mirëfillta të edukimit, të cilat janë duke e mirëmbajtur patriarkalitetin i cili po rezulton të jetë i dhunshëm për vajzat brenda dhe jashtë institucioneve shkollore. (Pranë Ministrisë së Ministrisë së Arsimit, Shkencës, Teknologjisë dhe Inovacionit, ora 12:00)

- BIRN dhe Internews Kosova mbajn konferencë në të cilën do të prezantohet Raporti “Përkëdhelja e korrupsionit” i cili ka në fokus analizimin e politikës ndëshkimore në rastet e korrupsionit të shqiptuara nga gjykatat e Kosovës gjatë vitit 2020 dhe gjithashtu analizimin e përformancës së gjyqësorit në trajtimin rasteve të korrupsionit. (Pallati i Drejtësisë, Objekti A, Salla e Konferencave, ora 13:00)

- Mbahet mbledhja e Kryesisë së Kuvendit në të cilën do të shqyrtohet kërkesa për interpelancë me ministrin e Ministrisë së Financave, Punës dhe Transfereve, Hekuran Murati në lidhje me “Uljen e shtesave të pensionistëve, stafit shëndetësor dhe institucioneve të sigurisë”. (Ndërtesa e Kuvendit, salla C 301, ora 13:00)

- Nën organizimin e Drejtorisë së Administratës, do të mbahet dëgjimi publik për “Draft-Rregulloren për Organizimin dhe Bashkëpunimin e Komunës me fshatrat, Vendbanimet dhe Lagjet Urbane në territorin e Komunës së Prizrenit”. (Salla e mbledhjeve të Kuvendit Komunal në Shtëpi të Bardhë, ora 13:00)  

 

- Drejtori I Përgjithshëm mbajn një Konferencë për shtyp. (Drejtoria e Doganës, Prishtinë, ora 18:00)