14 Dhjetor 2018

Ministri Hasani pret në takim përfaqësuesit e EXBS-së

Prishtinë, 14 qershor – Ministri i Tregtisë dhe Industrisë, Bajram Hasani, ka pritur dje në takim drejtuesit e lartë të programit EXBS Joe Baldwin, menaxher i programit EXBS për rajonin e Ballkanit dhe Turqinë dhe shefin e zyrës ISN/ECC Dave Froman, ku temë diskutimi ishte plani i propozuar strategjik për Ballkanin.

Ministri Hasani i njoftoi për të arritur e kësaj ministrie, konkretisht për Departamentin e Kontrollit të Tregut dhe Mallrave Strategjike, duke filluar nga infrastruktura ligjore, nënshkrimi i marrëveshjeve me shtetet fqinje.
 
Hasani shprehu mirënjohje për përkrahjen e vazhdueshme në asistencë teknike dhe ndihma të drejtpërdrejta financiare.

Po ashtu, në këtë takim u vlerësua rritja e numrit të dhënieve të licencave për importin e mallrave me përdorim të dyfishtë.

“Për shkak që ky departament ka specifika të veçanta ne kemi mbështetur duke filluar nga rregullimi infrastrukturës ligjore, rregulloreve dhe akteve tjera nënligjore që të jemi në përputhje me legjislacionin e Bashkimit Evropian”, ka thënë ministri Hasani.

Baldwin dhe Froman thanë se përkundër sukseseve të arritura nga ky departament ne prapë do të vazhdojmë të bashkëpunojmë edhe më tutje dhe ta mbështesin MTI-në për t’i çuar proceset përpara. 

 

Kalendari

Ngjarjet e datës 14 dhjetor 2018 - Mbahet seanca plenare e Kuvendit të Republikës së Kosovës në të cilën do të behët shqyrtimi i dytë i Projektligjit për Ministrinë e Mbrojtjes, shqyrtimi i dytë i Projektligjit për Forcën e Sigurisë së Kosovës dhe shqyrtimi i dytë i Projektligjit për shërbim në Forcën e Sigurisë së Kosovës. (Kuvendi i Kosovës, ora 10:00)

- Në kuadër të “Javës Kundër Korrupsionit 2018” mbahet turneu kundër Korrupsion “Kosova Open 2018”. (Kino “Armata”,  ora 10:00)

- Misioni i Organizatës për Siguri dhe Bashkëpunim në Evropë në bashkëpunim me Asociacionin e Gazetarëve të Kosovës organizojnë tryezën "Roli i medias dhe shoqërisë civile në luftimin e korrupsionit". (Swiss Diamond Hotel, ora 10:00)

- Instituti D4D organizon hapjen zyrtare të projektit “Rritja e qasjes së grave në punësim”. (Restorant Tartine Deli, Prishtinë, ora 10:00)

- Në kuadër të “Javës Kundër Korrupsionit 2018” mbahet tryeza me temë "Lufta Kundër Korrupsionit në Ballkan. (Hotel Sirius, ora 10:00)

- Mbahet ceremonia e përurimit të shtëpisë për familjen skamnore në fshatin Livoç. (Fshati Livoç, ora 10:30)

- Në kuadër të Javës Kundër Korrupsion, Demokraci Plus organizon debatin publik në lidhje me gjetjet e monitorimit të prokurimit publik në Komunën e Prishtinës. (Hotel Sirius, ora 11:00)

- Let's Do It organizon aksion pastrimi në Plemetin të Obiliqt në kuadër të Fushatës "Ta Pastrojmë Kosovën". (Plemetin, ora 11:00)

- Aleanca Kosovare e Bizneseve dhe Qendra Tregtare "Plus Center “ organizon hapjen e ekspozimit dhe promovimit të prodhimeve vendore në kuadër të “Javëve të Biznesit Kosovar 2018” me moto: Unë Konsumoj Produkte Vendore, Po JU?. (Objekti i Qendrës Tregtare "Plus Center“ ne Ferizaj, ora 12:00)

- Koalicioni i OJQ-ve “Java Kundër Korrupsionit 2018” do të mbajë ngjarjen përmbyllëse të “Javës Kundër Korrupsionit 2018”, ku do të jenë prezent Ambasadorët e Shteteve Anëtare të QUINT, BE dhe Koalicioni i OJQ-ve. (Përpara Teatrit Kombëtar, ora 15:00)

- Fondi për të Drejten Humanitare organizon ligjëratën publike “Sot, 20 vite më parë: Rasti Panda”. (Qendra e Dokumentimit në bibliotekën Hivzi Sulejmani, rruga “Sadik Bekteshi” nr 16, ora 16:30)

- Federata Kosovare e Atletikës organizon manifestimin sportiv të atletikës "Laureatët e vitit – Gala Athletics2018”. (Miracle Beni Dona, Zona Industriale, ora 18:30)

- Shfaqet drama jokonvencionale e Mark Ravenhill lidhur me dy vëllezër identikë të cilët ritakohen pasi që janë rritur ndarazi më Gjermaninë lindore dhe perëndimore. (Ambienti i fondacionit “Shtatëmbëdhjetë”, rruga e Muzeu Etnologjik, ora 20:00)