21 Nëntor 2018

Ministrat premtojnë heqjen e taksës së dyfishtë për bizneset e peshkut

Prishtinë, 5 nëntor - Tarifat për taksën e dyfishtë ujore që po paguajnë bizneset e peshkut, po paraqesin sfidë të madhe për bizneset e kësaj veprimtarie, u tha në takimin që kishin përfaqësuesit e Odës së Afarizmit të Kosovës me Ministrin e Mjedisit dhe Planifikimit Hapësinor Fatmir Matoshi dhe Ministrin e Zhvillimit Ekonomik Valdrin Lluka.

Të njoftuar me këtë rast edhe gjatë takimeve të mëparshme që kishte OAK bashkë me Ministrat, Minsitri i Mjedisit dhe Planifikimit Hapësinor, Fatmir Matoshi premtoi se për një kohë të shkurtër do të merret vendim për heqjen e një takse e cila është e paligjshme dhe po i rëndon shumë bizneset.

Në takim ishin prezent edhe pronari i biznesit Trofta Smajl Bytyqi dhe sekretari i shoqatës së prodhuesve të mishit të peshkut Zymber Shabanaj, të cilët shpjeguan në hollësi rastin se si këto biznese paguajnë tarifa shumë të mëdha mujore për Hidro Drini, nga i cili uji nuk shfrytëzohet por gypat vetëm kalojnë andej, duke theksuar se mund të jetë logjike të vendoset një taksë për mirëmbajtje në bazë të m2 të gypave për kompanitë, por jo siç janë duke vepruar tani, duke vendos edhe taksë ujore, taksë për të cilën është e caktuar në bazë të ligjit vetëm MMPH.

Ministri Matoshi theksoi se është ithtar i faktit se bizneset nuk duhet të ngarkohen me taksa të rënda, e sidomos me të tilla joligjore andaj çështjen do ta ngrisë edhe në mbledhjen e Këshillit Ndërministror në mënyrë që të ofrohet një zgjidhje në këtë drejtim.

Ndërsa Ministri Lluka theksoi se kjo taksë e dyfishtë është e panevojshme andaj është e rëndësishme që njëra nga to duhet të hiqet dhe për këtë ofroi përkrahje maksimale.

I pranishëm në këtë takim ishte edhe Deputeti Islam Pacolli I cili theksoi se Ministrat e subjektit që ai përfaqëson do të përkrahin maksimalisht biznesin, pasiqë ai është akteri kryesor i zhvillimit të vendit.

Në këtë takim të pranishëm nga OAK ishin: Kryetari i bordit Skënder Krasniqi, koordinatorja Donika Gashi, zyrtarja Qendresa Ibrahimi, pronari i biznesit Trofta Smajl Bytyqi dhe sekretari i shoqatës së prodhuesve të peshkut Zymber Shabanaj.

Kurse MMPH dhe MZHE u përfaqësua nga: Ministri Fatmir Matoshi, Ministri Valdrin Lluka, Deputeti Islam Pacolli dhe Këshilltarët Valon Maliqi, Mimoza Ibishi dhe Besnik Rexhepi.
 

Kalendari

Ngjarjet e datës 21 nëntor 2018 - Ministri i Financave Bedri Hamza dhe udhëheqësi i Delegacionit të Qeverisë Gjermane Dirk Schattschneider nënshkruajnë Protokollin ndërmjet Qeverisë së Kosovës dhe Qeverisë së Gjermanisë, ku me këtë rast konfirmohen zotimet e Qeverisë Gjermane për Bashkëpunim Teknik dhe Financiar për vitet 2018-2019, në vlerë prej 60.05 milionë euro. (Ndërtesa e  Qeverisë, salla P-32, ora 9:30)

-  Koordinatori Nacional për Kulturë, Rini dhe Sport në Qeverinë e Kosovës, Rexhep Hoti, do të nënshkruajë marrëveshje bashkëpunimi me Kryetarin e Komunës së Vitisë, Sokol Haliti. (Objekti i Komunës së Vitisë, ora 9:30) 

- Zyra Ligjore e Zyrës së Kryeministrit në bashkëpunim me International Finance Corporation lansojnë versionin e përditësuar të Regjistrit Qendror të Lejeve dhe Licencave. (Swiss Diamond Hotel, ora 9:45) 

- Ministri i Punës dhe Mirëqenies Sociale z. Skender Reçica raporton para Komisionit për Shëndetësi, Punë dhe Mirëqenie Sociale lidhur me vonesat në përmbushjen e agjendës legjislative, rojeksionet buxhetore të Ministrisë së Punës si dhe zatimi i Ligjit për personat e dhunuar gjatë luftës. (Ndërtesa e Kuvendit, salla 302, ora 10:00)

- Organizata ndërkombëtare e të drejtave të njeriut, Civil Rights Defenders organizon Samitin e Romëve të Ballkanit Perëndimor 2018. (Hotel Sirius, ora 10:00)

- Kryetari Shpend Ahmeti do ta vizitojë ndermarrjen "Horrikultura". (Objekti i Hortikulturës pranë brigades se zjarrfikësve në rrugën "Tahir Zajmi", ora 10:00)

- Komisioni për Buxhet dhe Financa shqyrton Projektligjin mbi Ndarjet Buxhetore për Buxhetin e RepublikÑ‘s së KosovÑ‘s për vitin 2019. (Ndërtesa e Kuvendit, salla C 203, ora 10:00)

- Në kuadër të Fushatës “Ta Pastrojmë Kosovën”,  Let’s Do It do të organizoj tryezë me qëllim të diskutimit të të arriturave të komunave të rajonit të Gjilanit në fushatën e pastrimit nga data 15 shtator e deri më tani. (Restorant “Vali Ranch” në Gjilan, ora 10:00)

- Komisioni Hetimor Parlamentar në lidhje me ndriçimin e rastit të dëbimit të gjashtë shtetasve turq më datë 29 mars 2018 interviston Ministrin e Infrastrukturës, Pal Lekaj, ish-UD Drejtorit të Departamentit të Aviacionit Civil, Ismail Berisha, Drejtorin e Agjencisë së Shërbimeve të Navigacionit Ajror Bahri Nuredini dhe Inspektorin e Përgjithshëm të Agjencisë së Kosovës për Inteligjencë, Shkelzen Sopjani. (Ndërtesa e Kuvendit, salla N 10, ora 11:00)

- Lëvizjes Vetëvendosje mban konferencë për media. (Zyret e Vetëvendosjes në lagjën Arbëria, ora 11:00)

- Kryesia e LDK-së bën homazhe te varri i Xhavit Ahmetit, në 22 vjetorin e vdekjes së tij. (Varrezat e Prishtinës, lagjja Arbëri, ora 11:00)

- Koordinatori Nacional për Kulturë, Rini dhe Sport në Qeverinë e Kosovës, Rexhep Hoti, do të nënshkruajë marrëveshje bashkëpunimi me Kryetarin e Komunës së Podujevës, Agim Veliu. (Objekti i Komunës së Podujevës, ora 11:30)

- Promovohet libri me titull "Roli i Drejtorisë së Arsimit në Reformimin e Shkollës dhe Arsimit në Klinë 1999-2017” i autores Suzan Gjergji. (Qendra e Kulturës” Jehona e Dukagjinit” në Klinë, ora 13:00)

- Mbahet ceremonia e përbashkët e përurimit të vënies në zbatim të Sistemit të Menaxhimit Informativ të Lëndëve në gjykatat dhe prokuroritë e Republikës së Kosovës. (Objekti i Gjykatës Themelore të Ferizajt, ora 13:00)

- Bëhet promovimi i librit të historianit,Valon Jashari “Kryengritja Çlirimtare në Kosovë Lindore gjatë viteve 1999-2001". (Biblioteka Kombëtare ‘Pjetër Bogdani”,  ora 15:00)

- Galeria Kombëtare e Kosovës organizon hapjen e ekspozitës "Nën Presion - Fakte nga arkitektura socialiste në Shqipëri" nga Gjergj Islami dhe Denada Veizaj. (Galeria Kombëtare e Kosovës, ora 20:00)

- Qendra e Lëvizjes Vetëvendosje! në Prishtinë, mbanë konferencë për media. (Objekti i çerdhës në Kodrën e Trimave, )