22 Shtator 2020

Me 500 produkte vendore nisin "Javët eBiznesit Kosovar 2019""

 Prishtinë, 27 nëntor - Aleanca Kosovare e Bizneseve, për të shtatëmbëdhjetin vit po realizon fushatën “Javët e Biznesit Kosovar 2019”, traditë 17 vjeçare me moto: Unë Konsumoj produkte Vendore, Po Ju?

Kryetari i AKB-së Agim Shahini, tha se ky projekt tashmë tradicional ka për qëllim rritjen e vetëdijes konsumuese për konsumimin e prodhimeve vendore Made in Kosova e cila do të promovoj prodhimet vendëse në të gjitha trevat shqiptare e më gjerë.

Gjatë këtij projekti do të prezantohen  mbi  shumë biznese dhe mbi  50 mijë produkte vendore si mundësi e zëvendesimit të prodhimeve serbe, pas vënies së taksës për import të Serbisë dhe Bosnjës tash një vit.

Sipas tij duhet rritet edhe cilës e prodhimeve vendëse.

“Kosovës i duhet zhvillim ekonomik dhe ne si AKB e duam këtë sepse kemi një zhvillim, por akoma ekziston papunësia e varfëria. Institucionet duhet bërë edhe më shumë sesa deri tash për bizneset sidomos ato prodhuese, me qëllim të rritjes së zhvillimit ekonomik,  rritjes së kapaciteteve prodhuese, punësimit deri në zëvendësimin e të gjitha prodhimeve të huaja“, tha Agim Shahini.

 Kryetari i AKB-së shtoi se Prodhuesit e Kosovës kanë treg jo të pakët në vend, falë bashkѱpunimit me konsumatorët. Po ashtu edhe eksporte dhe tasksa tash një vit ka ndikuar edhe më shumë në fuqizimin e tyre në të gjitha aspektet.

Sipas tij taksa dhe vënia e flamujve në produkte, kanë rrit edhe më shumë vetëdijen për konsumin e prodhimeve vendore. Derisa Serbia  ka humbur shumë nga vënia e taksës për një vit efektet e së cilës do ti publikoi AKB-ja së shpejti.

Ai shtoi se Kosova është e vogël, por mundësitë janë të mëdha dhe tash vendi ka mbi 50 mijë artikuj prodhues vendëse Made in Kosova. Me konsumimin e prodhimeve vendore ndihmohet prodhimi e zhvillimi i vendit.

“Do të jemi bashkë derisa t‘í zëvendësojmë të githa prodhimet e huaja, por  për të arritur këtë duhet të jemi më besnik edhe ndaj konsumatorëve të cilëve duhet ofruar produkte edh emë cilësore“, tha Shahini.

Ndërsa Lumnije Ajdini, menaxhere e AKB-se, tha se Javët e Biznesit Kosovar edhe në këtë vit po  realizohen me aktivitete të ndryshme nëpër tërë Kosovën, me aktivitete promovuese, konferenca, tryeza dhe debate të ndryshme informative, ku do të përfshihen më shumë se 150 biznese prodhuese, përpunuese dhe shërbyese. Tradita 17 vjeçare e këtij projekti ka qenë në forma të ndryshme.

Ajo tregoi se aktivitetet sipas nisin me promovimin  e prodhimeve vendore me  27 nëntor deri me 14 dhjetor.

Menaxherja e AKB-së  tha se JBK, është një nismë e AKB-ja nga viti 2003 dhe organizohet për 17 vite me radhë dhe që synon rritjen e vetëdijes së popullatës mbare shqiptarë për të konsumuar mallra cilësorë që mbajnë vulat si prodhim vendor dhe jo i importuar nga vende të huaja.

Efektet e këtij projekti tradicional tashmë ne Kosovë janë të dukshme dhe të prekshme, që kan ndikuar në rritjen e konsumit të prodhimeve vendore, në rritjen e cilësisë së këtyre produkteve nga prodhuesit vendor si dhe përmirësimin e ambientit afarist me politika fiskale nxitëse për investime të reja në sektorin privat, e sidomos atë prodhues, tha Ajdini.

Sipas saj kjo nismë pritet të sjellë një vetëdijesim më të madh te qytetarët mbarëshqiptar, se prodhimet vendore tashmë janë cilësore dhe konsumimi i tyre është në të mirën e të gjithëve.

Rritja e bashkëpunimit dhe promovimit mes bizneseve  të Kosovës me  vendet e Ballkanit dhe BE-së. Prezantimi i prodhuesve dhe grosistëve mbarëshqiptar me produktet Kosovare.  Promovim i produkteve  Kosovare  që mund të bëhen liderë në tregun rajonal sidomos në fushën e bujqësisë, turizmit dhe energjetikës.

Sipas saj projekti në vendet e BE-së ka qëllim edhe ngritjen e imazhit e Kosovës dhe ekonomisë së saj duke kthyer besimin e investitoreve të huaj për Kosovën.

 

Kalendari

Ngjarjet e datës 22 Shtator 2020 - Ministri i Ministrisë së Punëve të Brendshme, Agim Veliu, do të bëjë përurimin e Qendrës Testuese për zhvillimin e procedurave rekrutuese për nëpunësit civilë. (Objekti i ish-Ministrisë së Administratës Publike, kati përdhesë, salla 0-15, ora 9:00)

- Mbahet mbledhja e komisionit për Mbikëqyrjen e Financave Publike në të cilën do të behët shqyrtimi i Raportit të Auditimit për Ministrinë e Punës dhe Mirëqenies Sociale dhe shqyrtimi i Raportit të Auditimit për Ministrinë e Komuniteteve dhe Kthimeve. (Ndërtesa e Kuvendit, salla N225, ora 9:30)

- inspektorët e Inspektoratit të Tregut do të bëjnë inspektime, ku do t’i shoqërojë edhe ministri Vesel Krasniqi për t’i parë nga afër këto inspektime. (Nisja do të bëhet nga MTI, ora 9:45)

- Komisioni Hetimor Parlamentar lidhur me procesin e privatizimit në Kosovë shqyrton listen e dëshmitarëve, përzgjedhjen  e ekspertëve të jashtëm si dhe publikimin e adresës për dorëzimin e dëshmive nga qytetarët. (Ndërtesa e Kuvendit, salla N10, ora 10:00)

- Ministri i Ekonomisë dhe Ambientit, Blerim Kuçi zhvillon vizitë në Infrakos ku do te takohet me menaxhmentin. (Infrakos, ora 10:00)

- Mbahet ceremonia e pritjes të një misioni ekspertësh epidemiologjikë dhe mjekësorë të COVID-19 nga instituti gjerman i shëndetësisë, “Instituti Robert Koch” nga Gjermania. (Institutin Kombëtar të Shëndetësisë Publike, ora 10:00 - ndryshim, ora 11:00)

- Fondacioni Kvinna till Kvinna do të lansojë raportin 'Ku janë paratë për të drejtat e grave? Trendet e financimit në Ballkanin Perëndimor'. (Ngjarja do të mbahet online dhe është e hapur për publikun përmes platformës Zoom, ora 10:00)

- Kryeministri Avdullah Hoti viziton Shërbimin Spitalor dhe Klinik Universitar të Kosovës . (ShSKUK, ora 10:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike dikuton për rishpalljen e konkursit për zgjedhjen e “Kryesuesit të Komisionit Shqyrtues të Autoritetit Rregullator për Shërbimet e Ujit”, formimin e Grupit të punës për plotësimin e Bordit të NP KOSTT, etj. (Ndërtesa e Kuvendit, salla C203, ora 11:00)

- Oda Hoteliere dhe Turistike e Kosovës mban konferencë lidhur me ngjarjët e fundit, për situtën e fundit si dhe vendimet e marra të Qeverisë në kohën e Pandemisë Covid 19, prej fillimit e deri me sot. (Hotel Sirius, ora 11:00)

- Kryetari i Komunës së Prizrenit, Mytaher Haskuka do të merr pjesë në aktivitetin e organizuar për nder të "Ditës së Pastrimit të Botës" dhe "Ditës pa Makina" të organizuar nga Drejtoria e Shërbimeve Publike. (Pikënisja do të jetë rruga në afërsi të urës që ndodhet përballë objektit Administratës Komunal, ora 11:00)
 
- Ministri i Ekonomisë dhe Ambientit, Blerim Kuçi zhvillon vizitë në punishten në Stacionin Hekurudhor në Miradi. (Fshati Miradi, ora 11:00)

- Komisioni Hetimor Parlamentar në lidhje me menaxhimin e pandemisë së virusit "COVID-I9" nga ana e Qeverisë së Republikës së Kosovës dëgjon dëshmitë e dëshmitarit Valdet Hashani ish menaxher i Qendrës së karantinës. (Ndërtesa e Kuvendit, salla N225, ora 11:00)

- OVL UÇK mban konferencë të jashtëzakonshme për media. (Selia qendrore në Prishtinë, ora 11:30)

-  Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton raportin e Projektkodit civil i Republikës së Kosovë, Projektligjit për tokën ndërtimore si dhe shqyrton shkresën e deputetëve: Alban Hyseni, Artan Abrashi dhe Dimal Basha për të ftuar në raportim Kryeministrin Avdullah Hoti lidhur me deklarimin për respektimin e marrëveshjes kundër kushtetuese për asociacionin. (Ndërtesa e Kuvendit, salla N10, ora 13:00)

-  Komisioni për të Drejtat dhe Interesat e Komuniteteve dhe Kthim shqyrton e planit të punës së Komisionit, për periudhën shtator-dhjetor 2020. (Ndërtesa e Kuvendit, salla C203, ora 13:00)

- Komisioni Qendror i Zgjedhjeve mban mbledhjen e radhës. (Selia e KQZ-se, ora 13:30)

-  Komisioni për Punë të Jashtme dhe Diasporë takohet me delegacionin nga Afrika Qendrore. (Ndërtesa e Kuvendit, salla N303, ora 14:00)

- Komisioni Hetimor Parlamentar në lidhje me menaxhimin e pandemisë së virusit "COVID-I9" nga ana e Qeverisë së Republikës së Kosovës dëgjon dëshmitë e dëshmitarit Naim Musliu - Babai i Agon Musliu. (Ndërtesa e Kuvendit, salla N225, 14:00)

- Sindikata e Infermierëve të Kosovës mban konferencë për media pas një takim konsultativ dhe koodinues me shoqatat e infermierëve, teknikëve te anastezionit, mamive, laborantëve, Oden e Infermierëve dhe Bashkimin e Sindikatave të Lira të Shëndetësisë lidhur me kërkesat për koeficinetin e pagave, rritjen e pagesës së ndërrimeve të natës, pagesat e rrezikshmërisë, pagesat e orëve shtesë. (Para Klinikës së Kirurgjisë, ora 15:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, ora 14:30)

- Ministria e Kulturës, Rinisë dhe Sportit, në bashkëpunim me Institutin Arkeologjik të Kosovës, Muzeun Kombëtar të Kosovës, dhe Fondacionin “Tradita Popullore” organizon ngjarjen kulturore në të cilën do të promovohet diversiteti ynë i pasur kulturor, përmes veshjes tradicionale dhe punimeve artizanale. (Parku arkeologjik “Ulpiana”, ora 17:00)

- Kryeministri Avdullah Hoti merr pjesë në ngjarjen kulturore në të cilën do të promovohet diversiteti ynë i pasur kulturor, përmes veshjes tradicionale dhe punimeve artizanale. (Parku arkeologjik “Ulpiana”, ora 17:00)

- Sot fillon java e dytë e ligjeratave publike në Festivalin e Arkitektures në Kosovë. (Ligjeratat transmetohen drejtperdrejt ne kanalin e facebook-ut "Kosovo Architecture Festival", ora 18:30)