Prishtinë, 30 janar - Një delegacion i  AKB-së  i kryesuar nga Kryetari  i Aleancës Kosovare të Bizneseve Agim Shahini u pritën në një takim në Ambasadën  e Maqedonisë në Kosovë  nga Shkëlqesia e tij Ilija Strashevski, Ambasador, ku temë diskutimi ishte rritja e bashkëpunimit ekonomik në mes Kosovës dhe Maqedonisë.

Agim Shahini, Kryetar i AKB-ës  tha se Kosova është bërë një vend atraktiv për investime vendore dhe të huaja, por është edhe vend atraktiv për pasimin e produkteve të gatshme sidomos nga 1 janari 2018, që ka edhe lehtësira për investime me disa masa te reja fiskale.

Kosova dhe Maqedonia kanë shumë gjëra të përbashkëta dhe kjo është një mundësi e mirë për investime të reja dhe iniciativa të përbashkëta si dy shtete në nisma për bashkëpunim ndërkufitar te mbështetura edhe nga Komisioni Evropian dhe ne duhet ti shfrytëzojmë këto mundësi që ofrohen vetëm si dy tregje të përbashkëta.

Shumë kompani Maqedoni në Kosovë janë liderë në disa sektorë dhe kjo vlen të theksohet se janë të mirëseardhur të gjithë bizneset nga vendi i juaj, por Maqedonia e ka humb tregun nga viti 2011 e këndej kundrejt Serbisë që nga ajo kohë e cila prin me eksportet me të mëdha në Kosovë nga vendet e CEFTA-së.

Konkurrenca e  ashpër që vjen nga Serbia i ka mposht  produktet e bizneseve maqedonase a, por edhe Maqedonia në heshtje sikur është pajtuar  me një fakt të tillë më shumë i ka dhënë rëndësi reformave fiskale dhe investive në Vend se sa kthimit të tregut ne Kosovë, për te cilën që nga vitit 2014 e këndej ka filluar lehtë të rriten eksportet drejt Kosovës, por ajo çka është për Kosovën e rëndësishme është rrit edhe eksporti i Kosovës drejt Maqedonisë si produkte me cilësi të Lartë.

Prodhuesit Kosovar dëshirojnë të marrin treg edhe më shumë në Maqedoni  përshkak të kostos së ultë të transportit dhe mentalitetit të ngjashëm  konsumues  sidomos me Maqedoninë Veriperëndimore.

Ambasadori Ilija Strashevski tha se Maqedonia për çdo dite është duke i reformuar sistemin dhe politikat investive dhe kjo e bënë që Maqedonia ta ketë primatin për reforma të politikave ekonomike në Ballkanin Perëndimor dhe së fundi oferta e  subvencionimit për Investitorët deri në 50% është oferta më atraktive dhe nga kjo na presim shumë investitorë që te vinë edhe nga Kosova sepse rruga Arbër Xhaferi do të ule koston e transportit,  të kohës për të arrit më shpejt ne destinacionin e duhur.

Në fund të takimit Ambasadori falënderoi  AKB-ën për bashkëpunimi  tradicional  me Ambasadën Maqedonase në Kosovë.