17 Qershor 2019

Luftërat e vazhdueshme tregtare mund të dëmtojnë rritjen ekonomike globale

Bali, 12 tetor - Shefja ekzekutive e Fondit Monetar Ndërkombëtar (FMN) Christine Lagarde paralajmëroi se luftërat e vazhdueshme tregtare mund të dëmtojnë rritjen ekonomike globale dhe të zgjerohen edhe në vende të tjera.

Duke folur në takimin vjetor të FMN-së dhe Bankës Botërore në Bali të Indonezisë, Lagarde tha se organi ndërkombëtar bën thirrje që kombet të ulin tensionet tregtare dhe të punojnë drejt një sistemi tregtar global më të fortë dhe më të drejtë.

Komentet e shefes së FMN-së vijnë në kohën e vendosjes së tarifave të larta nga ShBA-ja ndaj disa ekonomive të mëdha të botës.

Ajo theksoi gjithashtu se rimëkëmbja e ekonomisë globale nuk është e fortë sa duhet, pasi FMN-ja uli me 0.2 pikë përqindje parashikimin e saj të rritjes globale. 

Kalendari

Ngjarjet e datës 18 qershor 2019

- Mbahet mbledhja e jashtëzakonshme e Kuvendit të Komunës së Prizrenit me pikën e vetme të rendit të ditës në lidhje me kërkesën për pezullim të financimit të klubit të futbollit "KF Liria" dhe formimin e një komisioni prej 5-7 anëtarëve nga ana e Kuvendit. (Salla e mbledhjeve të Kuvendit në Shtëpinë e Bardhë, ora 10:00)

- Drejtorja e USAID-it në Kosovë Lisa Magno viziton Ministrin e Shëndetësis dhe takohet me Ministrin Uran Ismailin. (Ndërtesa e Ministrisë së shëndetësisë, ora 10:00)

- Ministri i Drejtësisë, Abelard Tahiri, së bashku me Kryesuesin e Këshillit Gjyqësor të Kosovës, Skënder Çoçaj vizitojnë Dhomën e Posaçme të Gjykatës Supreme. (Dhoma e Posaçme e Gjykatës Supreme, ora 10:30)

- Kryeministri Ramush Haradinaj bën homazhe dhe merr pjesë në tubimin përkujtimor te lapidari i dëshmorit Basri Canolli - Shpendi në fshatin Marec të Komunës së Prishtinës. (Fshati Marec, ora 11:00)

- Komisioni për Punë të Jashtme, Diasporë dhe Investime Strategjike mban dëgjim publik për Projektligjin për Diasporën. (Ndërtesa e Kuvendit,C-405, ora 11:00)

- Grupi Parlamentar i Lidhjes Demokratike të Kosovës mban konferencën për media. (Ndërtesa e Kuvendit te Kosovës, kati III, para sallës C301, ora 12:30)

- Mbahet ushtrimi gjithëpërfshires, ku do të simulohet një aksident ajror dhe do të reagohet në perputhje me standardet e Agjencionit Evropian per Siguri ne Aviacion. (Terminali i Aeroportit  "Adem Jashari", ora 14:30)

- Mbahet mbledhja e rregullt e Qeverisë së Republikës së Kosovës. (Ndërtesa e Qeverisë, ora 15:00)

- Ambassadori Kosnett do të flasë me rastin e përmbylljes së programit Lidershipi Transformues - Bursat dhe Partneritetet. (Hoteli Emerald, ora 17:30)