24 Shtator 2018

Lufta tregtare dëmton seriozisht zinxhirin industrial global

Pekin, 9 korrik - Ekspertët në një forum në Pekin shprehën shqetësime se lufta tregtare botërore do të dëmtojë seriozisht zinxhirin global industrial.

Zv/Drejtori i Institutit Kërkimor mbi Tregun Ndërkombëtar pranë Ministrisë së Tregtisë, Bai Ming, tha se lufta tregtare do të ndikojë në mënyrë të pashmangshme në sistemin global të tregtisë multilaterale dhe gjithashtu në zinxhirin global të vlerës.

"Veprimet e administratës Trump jo vetëm që ushtrojnë presion mbi Kinën, por ato kanë një ndikim të madh në zinxhirin ndërkombëtar industrial. Zinxhiri industrial është themeli i ndarjes aktuale të fuqisë punëtore ndërkombëtare dhe i jep gjithashtu mbështetje të fortë globalizimit ekonomik. Nëse zinxhiri industrial ka ndikime të tilla, globalizimi në të ardhmen do të ballafaqohet me më shumë sfida nga lëvizja 'anti-globalizim'", u shpreh ai.

Tarifat shtesë të ShBA-së, të vendosura mbi importet kineze që kapin vlerën 34 miliardë dollarë amerikanë, hynë në fuqi të premten e kaluar.

Autoriteti doganor i Kinës njoftoi se tarifat shtesë për disa importe nga Shtetet e Bashkuara me vlerë të njëjtë, duke përfshirë produktet bujqësore, automjetet dhe produktet ujore, hynë në fuqi gjithashtu në po të njëjtën ditë. 

Kalendari

Ngajrjet e datës 24 shtator 2018

- Mbahet mbledhja e Komisionit për Administratë Publike, Qeverisje Lokale dhe Media në të cilën do të behët shqyrtimi i Projektligjit për Transmetuesin Publik të Kosovës, shqyrtimi i Projektligjit për Pagat në Sektorin Publik, etj. (Ndërtesa e Kuvendit, salla N204, ora 10:00)


- Misioni i OSBE-së do të publikojë dy raporte që kanë të bëjnë me legjislacionin dygjuhësh dhe respektimin e të drejtave gjuhësore në Policinë e Kosovës, në kuadër të aktiviteteve të shumta për shënimin e Ditës Evropiane të Gjuhëve. (Swiss Diamond Hotel, ora 10:30)

- Grupi për Studime Juridike dhe Politike organizon tryezën e Diskutimit me temë "Monitorimi i Planit Strategjik të KPK-së: Ku po qëndron sistemi prokurorial në luftën kundër korrupsionit dhe krimit ekonomik?". (Hotelin Swiss Diamond, ora 10:30)

- Në kuadër të Javës së Sportit Evripian Federate e çiklizimit te Kosovës organizon garën e hapur çiklistike për të gjitha kategoritë dhe grupmoshat nga 20 deri 100 km. (Gjilan, ora 11:00)

- Ministri i Arsimit, Shkencës dhe Teknologjisë, Shyqiri Bytyqi do të shoqëroj Drejtoreshën e Korpusit të Paqës, Dr. Darlene Grant, gjatë vizitës ku ata do të përcjellin një Vullnetare të Korpusit të Paqës në punë në shkollën e saj në një fshat të Kosovës. (Shkolla fillore “Nëna Tereza”, fshati Vranidoll, ora 11:15)

- Organizata ETEA, në bashkëpunim me Komunën e Prishtinës, do ta organizojë “Ditën e Librit të Ndaluar” me temën “Librat digjen, (por) idetë jo”, si përgjigje ndaj cenzurës, me theks të veçantë te cenzurimi i librave. (Sheshi “Zahir Pajaziti”, ora 12:00)

- Mbahet mbledhja e Komisionit për Shëndetësi, Punë dhe Mirëqenie Sociale në të cilën do të behët shqyrtimi i Projektligjit për ratifikimin e Marrëveshjes për sigurime sociale ndërmjet Republikës së Kosovës dhe Konfederatës së Zvicrës, ndërmjet Republikës së Kosovës dhe Mbretërisë së Belgjikës. (Ndërtesa e Kuvendit, salla N 302, ora 13:00)

- Ministri i Financave Bedri Hamza dhe drejtoresha për Eksport në UniCredit Bank Austria AG Sabina Eder do të nënshkruajnë marrëveshjen për kredi në vlerë prej 5.349 milionë euro për financimin e projektit të trajtimit të ujërave të zeza në Komunën e Podujevës. (Ndërtesa e  Qeverisë, kati 11, ora 15:00)

- Mbahet diskutim i hapur me shkrimtarin dhe publicistin Veton Surroi mbi temën “Librat digjen, (por) idetë jo” me moderim nga Liridona Sijarina. (Lapidariumi i Muzeut Kombëtar të Kosovës, ora 15:00)

- Anëtarët e Komisionit për të Drejtat e Njeriut, Barazi Gjinore, për Persona të Pagjetur dhe Peticione takohen me Robert Gajda, Komisioner për Mbrojtjen nga Diskriminimi në Republikën e Shqipërisë.  (Ndërtesa e Kuvendit, salla N 302, ora 15:00)

- Organizohet shfaqja e filmit “Fahrenheit 451” në bashkëpunim me “Film n’park”. (Parku i Qytetit të Prishtinës, ora 19:00)