24 Nëntor 2020

Kryeministri Kurti kërkon koordinim të prodhuesve dhe tregtarëve shqiptarë

Prishtinë, 3 mars - Kryeministri i Republikës së Kosovës Albin Kurti, sot pati një takim shumë të ngrohtë me një delegacion të përbërë nga anëtarë të Odës Ekonomike të Maqedonisë Veri- Perëndimore dhe Odës së Afarizmit të Kosovës.

Biseda e tyre me kryeministrin Kurti kishte nisur herët gjatë ditës, në Konferencën e përbashkët të odave në Hotel International Prishtina.

Nebi Hoxha, kryetar i Odës Ekonomike të Maqedonisë Veri-Perëndimore, pasi shprehu urimet e tërë delegacionit për kryeministrin Kurti dhe qeverinë e re, tregoi se ata kanë vënë në dijeni të platformës së tyre partitë politike në këtë prag zgjedhjesh, sepse janë të vetëdijshëm se bashkimi mes bizneseve shqiptare mund të lehtësohet nga masat e qeverive.

Ai potencoi se platforma e Odës me 99 masat e saj, përmban shumë të përbashkëta me programin e qeverisë Kurti.

Veç të tjerash u fol edhe për vështirësitë e biznesit shqiptar në Maqedoni, aty ku roli i shtetit nuk rezulton për shqiptarët. U përmend suksesi i Odës së Maqedonisë Veri-Perëndimore dhe u nënvizua krijimi i Forumit Ndërkombëtar Shqiptarë.

Nga ana e tij, kryeministri Kurti potencoi faktin se suksesi i shqiptarëve të Maqedonisë së Veriut në mbarë botën në biznes tregon se shqiptari më i vuajtur, ai i kësaj hapësire, është edhe më guximtari në biznes.

Kryeministri këmbënguli se në projektin e mundshëm të koordinimit mes prodhuesve dhe tregtarëve shqiptarë kudo në troje, bashkimi dhe konkurrenca janë në përputhje të plotë. Zhvillimi ekonomik e kryen më lehtë bashkimin e shqiptarëve sepse mbështetet në iniciativën e tyre personale dhe jo në pengesat politike e partiake.

Kryeministri Kurti theksoj se rol të madh do të ketë edhe ndërtimi i akseve rrugore, mes të tjerëve Prizren-Tetovë.

Biseda u zhvillua rreth shumë temave që kanë të bëjnë me lehtësimin e biznesit si dhe me cilësinë dhe pagesën e punës.

Kalendari

Ngjarjet e datës 24 Nëntor 2020

- Komisioni për Çështje të Sigurisë dhe Mbrojtjes shqyrton të gjeturat e raportit për vendin të Komisionit Evropian për vitin 2020 në fushën e sigurisë. (Ndërtesa e Kuvendit, salla N204, ora 10:00)

- Mbahet mbledhja e katërt e Komitetit për Komunitete në komunën e Rahovecit. (Salla e mbledhjeve të Kuvendit Komunal të Rahovecit, ora 10:00)

- Mbahet takimi i 190-të i Këshillit Prokurorial. (Nëpërmjet video konferencës, ora 10:00)  

- Komiteti Olimpik i Kosovës në bashkëpunim me organizatën jo qeveritare “Ta Pastrojmë Kosovën”, do të lansojnë “T’i japim vendit ngjyra”.  (Këndi Olimpik, në kampusin e Universitetit të Prishtinës “Hasan Prishtina”, ora 10:30)


- Komisioni për Mbikëqyrjen e Financave Publike shqyrton raportonin e auditimit për Pasqyrat Vjetore Financiare të vitit 2019, për Kompaninë Regjionale të Ujitjes Drini i Bardhë. (Ndërtesa e Kuvendit, salla N303, ora 11:00)

- Ministrja e Kulturës, Rinisë dhe Sportit, Vlora Dumoshi dhe Ministrja e Punëve të Jashtme dhe Diasporës, Meliza Haradinaj, nënshkruajnë Memorandum të Bashkëpunimit për Atashetë Kulturorë. (Objekti i Ministrisë së Punëve të Jashtme dhe Diasporës, ora 11:00)

- Komisioni për Shëndetësi dhe Mirëqenie Sociale, shqyrton Ligjin për statusin dhe të drejtat e dëshmorëve, invalidëve, veteranëve, pjesëtarëve të Ushtrisë Çlirimtare të Kosovës, viktimave civile dhe familjareve të tyre. (Ndërtesa e Kuvendit, salla N302, ora 11:00)    

- Komiteti Olimpik i Kosovës organizon pritje për ekspeditën e xhudos, pas suksesit të arritur në kampionatin evropian të xhudos, të mbajtur javën e kaluar në Pragë të Republikës së Çekisë, ku Distria Krasniqi dhe Loriana Kuka u stolisën me medalje të bronztë. (Zyret e KOK-ut, ora 11:45)

- Kryetari i Komunës së Gjilanit, Lutfi Haziri, pret në takim ministrin e Shëndetësisë, Armend Zemaj. (Zyra e Kryetarit, ora 12:45 )

- Lëvizja Vetëvendosje mban konferencë për medie. (Zyret e LV-së në Arbëri, ora 13:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike, shqyrton Raportin e Panelit për zgjedhjen e “Kryesuesit të Komisionit Shqyrtues të Autoritetit Rregullator për Shërbimet e Ujit. (Ndërtesa e Kuvendit, salla N10, ora 13:00)

- Komisioni për Bujqësi, Pylltari, zhvillim Rural, Infrastrukturë dhe Mjedis, shqyrton rekomandimet nga BE-ja të planit për mbikëqyrjen e procesit integrues 2020-2021. (Ndërtesa e Kuvendit, salla N204, ors  13:00)

 - Kryetari i Komunës së Gjilanit, Lutfi Haziri dhe ministri i Shëndetësisë, Armend Zemaj vizitojnë  Spitalin e Përgjithshëm në Gjilan. (Gjilan, ora 13:45)

- Mbahet mbledhja e Kryesisë së Kuvendit të Republikës së Kosovës. (Platforma ZOOM 5.0, ora 14:00)

- Kryetari i Komunës së Gjilanit, Lutfi Haziri dhe ministri i Shëndetësisë, Armend Zemaj mbajn Konferencë për media. (Qendra Rajonale e Shëndetit Publik në Gjilan, ora 14:30)

 

- Kryetari i Komunës së Prizrenit, Mytaher Haskuka, së bashku me drejtoreshën e Drejtorisë së Turizmit dhe Zhvillimit Ekonomik, Sevil Kazaz Limani, do bëjnë lansimin e projektit “Ndriçimi i Urës së Gurit”. (Pranë Urës së Gurit në Prizren, ora 18:00)