20 Nëntor 2019

Kompania e naftës Aramco do të tregtohet në bursën e Riadit

Riad, 4 nëntor - Gjigandi shtetëror i naftës i Arabisë Saudite “Aramco” njoftoi zyrtarisht planet për t’u tregtuar në bursën e Riad-it, në atë që mund të jetë oferta fillestare më e madhe publike në botë.

Princi MohamedBin Salman shpreson që vlerësimi për kompaninë të jetë rreth 2 trilionë dollarë, një vlerësim që shihet si tejet optimist.

Shqetësimet ekonomike, lufta tregtare Kinë-SHBA si dhe rritja e prodhimit të naftës së papërpunuar nga Shtetet e Bashkuara kanë ndikuar në uljen e çmimit të naftës.

Arabia Saudite njoftoi zyrtarisht të dielën ofertën e saj fillestare të parashikuar prej kohësh, të gjigantit të saj të naftës “Aramco”, sipas së cilës një pjesë e kompanisë do të ofrohet në bursën lokale, me shpresën për të siguruar miliarda dollarë për mbretërinë.

Një njoftim i Autoritetit të Tregut të Kapitalit të mbretërisë që bënte të ditur miratimin për shitjen e aksioneve shërbeu si shtysë për një ofertë fillestare publike të premtuar nga Princi i Kurorës Mohamed bin Salman që prej vitit 2016.

Aksionet e firmës do të tregtohen në bursën e Riadit tha Amin H Nasser, presidenti ekzekutiv i “Aramco-s”.

“Duhet të shpjegonim shumë gjëra në lidhje me strategjinë tonë. Në ç’fazë ndodhet investimi ynë si dhe t'i përgjigjeshim shumë pyetjeve në lidhje me planet tona dhe situatën financiare. Mendoj se kemi ndarë shumë informacione lidhur me punën tonë kur bëhet fjala për teknologjinë, intensitetin e emetimit të karbonit asaj ç’ka ne po bëjmë në drejtim të trajtimit të ndryshimeve klimatike dhe se në çfarë situate ndodhet kompania në krahasim me shumë të tjera”, tha ai.

Sipas planeve kompania do të tregtojë në të ardhmen të tjera aksione në një bursë të huaj.

Princi Mohamed shpreson të vlerësohet rreth 2 trilionë dollarë, një vlerësim ky tejet optimist. Kompania prodhon 10 milionë fuçi naftë të papërpunuar në ditë dhe siguron rreth 10 për qind të kërkesës botërore.

Kjo do t’i siguronte mbretërisë 100 miliardë dollarët që i duhen për planet e reja dhe ambicioze të zhvillimit për një Arabi Saudite me vende të reja pune, në një kohë kur papunësia llogaritet në mbi 10 për qind.

Por shqetësimet ekonomike, lufta tregtare Kinë-SHBA dhe rritja e prodhimit të naftës së papërpunuar nga Shtetet e Bashkuara kanë ndikuar në uljen e çmimit të naftës. Sulmi i 14 shtatorit në zemër të kompanisë “Aramco” ka frikësuar disa investitorë. Një nga drejtuesit e Aramco-s Yasir Al-Rumayyan tha se nuk është vetëm Arabia Saudite që duhet të kujdeset për sigurinë e këtij rajoni dhe kësaj kompanie por e gjithë bota.

Kalendari

Ngjarjet e datës 20 nëntor 2019

- Ambasada e Finlandës, UBT dhe UNDP organizojnë bashkërisht konferencën “Towards Small Scale Innovative Ecosystems in Kosovo”. (Kampusi Inovativ i UBT-së në Lipjan, ora 9:00)

- Kryeministri në detyrë, Ramush Haradinaj, merr pjesë në konferencën “Small-Scale Innovative Ecosystems in Kosovo”, organizuar nga ambasada e Finlandës në Prishtinë në bashkëpunim me UBT. (Magjistralja Prishtinë - Lipjan, kampusi i UBT-së, ora 9:00)

- Me rastin e shënimit të 20 nëntorit - Ditës Ndërkombëtare të Konventës për të Drejtat e Fëmijëve, Komuna e Gjilanit organizon vizitë nga Asambleja e Fëmijëve në tri shkollat fillore: Selami Hallaqi, Thimi Mitko, Rexhep Elmazi për nder të Ditës Ndërkombëtare të Konventës për të Drejtat e Fëmijëve. (Objektete e shkollave, ora 10:00)

- Koalicioni i OJQ-ve për Mbrojtjen e Fëmijëve hap dyert për fëmijët, prindërit dhe të gjithë qytetarët që dëshirojnë të vizitojnë ambientet e KOMF për të biseduar bashkë për të drejtat e fëmijëve. (Zyret e KOMF, ora 10:00)

- Fillon punimet Kongresi i parë ndërkombëtarë për trajtimin e hershëm të infarktit të miokardit. (Hotel International Prishtina, ora 10:00)

- Mbahet mbledhja e rregullt e Komitetit për Politikë dhe Financa i Komunës së Mitrovicës. (Salla e mediave të Komunës së Mitrovicës, ora 10:00)

- Mbahet mbledhja e gjashtë e rregullt e Këshillit Komunal për Siguri në Bashkësi në komunën e Rahovecit. (Salla e Kuvendit Komunal në Rahovec, ora 10:00)

- Zyra e UNICEF-it në bashkëpunim me Ministrinë e Arsimit, Shkencës dhe Teknologjisë si dhe Shtëpinë e Evropës në Kosovë organizojn aktivitetin kryesor për shënimin e 30 vjetorit të Konventës për të Drejtat e Fëmijës. (Holli i Bibliotekës Kombëtare të Kosovës, ora 11:00) 

- OQJ Integra organizon publikimin e raportit “Instituti i Vetizoluar - Vlerësim i Shoqërisë Civile për Institutin Albanologjik të Prishtinës”. (Hotel Sirius, ora 11:00)

- Fëmijët e çerdhës "Dardania" në Gjilan dhurojnë 120 pako dhurata për fëmijët me nevoja të veçanta. (Gjilan, ora 11:00) 

- Mbahen aktivitete argëtuese për fëmijët e zgjedhur nga Handikos, Asambleja e Fëmijëve, fëmijët nga komunitetet si dhe nga shkollat SHFMU, Gjilan mbështetur nga 'Albanica' dhe 'Kimi'. (Gjilan, ora 12:00)

- Komuna e Gjilanit organizon program nga Qendra e Vallëzimit Modern “Dancing House” Vallëzim Modern, Balet dhe Popullore. (Teatri i Qytetit, Gjilan ora 15:00)

- Qendra Multimedia shfaq "Pesë stinet e armikut te popullit" me regji të Blerta Nezirajt. (Teatri "Bekim Fehmiu" në Prizren, ora 20:00)