28 Janar 2021

Indeksi i çmimeve të importit në Kosovë u ngrit për 0.3 për qind

Prishtinë, 3 dhjetor - Agjencia e Statistikave të Kosovës (ASK) ka publikuar Indeksin e Çmimeve të Importit (IÇIMP) për tremujorin e tretë (TM3) 2020.
 
Indeksi i tërësishëm i çmimeve të importit në Kosovë u ngrit për 0.3% në TM3 2020, krahasuar me TM2 2020.

Ngritje më të mëdha të çmimeve sipas sektorëve ishin te: lëkura dhe artikujt e saj (6.1%); mjetet e transportit (3.5%); produktet minerale (1.9%); instrumentet optike, fotografike, matëse, madicinale dhe muzikore, si dhe mekanizmat e orës (1.9%); këpucët (1.5%); metalet bazë dhe artikujt e tyre (1.4%);  pajisjet e makinerisë dhe pajisjet elektrike (1.2%); artikujt ushqimorë të përgatitur, pijet dhe duhani (0.7%); dhe artikujt e ndryshëm të prodhuar (0.7%).
 
Ngritja u neutralizua kryesisht nga rënia e çmimeve sipas sektorëve te: produktet bimore (-9.0%); tekstili dhe artikujt e tij (-3.1%); letrat dhe artikujt e saj (-2.4%); vajrat ushqyese (-2.1%);  plastika, kauçuku dhe artikujt e tyre (-1.1%); shtazët e gjalla dhe produktet e tyre (-0.6%); produktet e industrive kimike (-0.4%); dhe artikujt e gurit, llaçit, produktet e qeramikës dhe të qelqit (-0.2%).
 
Ndërkaq, krahasuar TM3 2020 me TM3 2019, çmimet e importit pësuan rënie në një mesatare prej (-2.3%).

Rënie më të mëdha sipas sektorëve ishin te: produktet minerale (-17.7%);  tekstili dhe artikujt e tij (-14.1%); metalet bazë dhe artikujt e tyre (-2.9%); letra dhe artikujt e saj (-0.4%); produktet e industrive kimike (-0.2%); si dhe shtazët e gjalla dhe produktet e tyre (-0.1%).
 
Rënia u neutralizua, kryesisht nga ngritja e çmimeve sipas sektorëve te: mjetet e transportit        (5.3 %); lëkura dhe artikujt e saj (5.0%); këpucët (4.9%); produktet bimore (4.0%); pajisjet e makinerisë dhe pajisjet elektrike (2.2%); instrumentet optike, fotografike, matëse, madicinale dhe muzikore, si dhe mekanizmat e orës (1.7%); artikujt ushqimorë të përgatitur, pijet dhe duhani (1.5%); plastika, kauçuku dhe artikujt e tyre (1.4%); artikujt e gurit, llaçit, produktet e qeramikës dhe të qelqit (0.7%); si dhe artikujt e ndryshëm të prodhuar (0.5%).

Kalendari

Ngjarjet e datës 28 Dhjetor 2020

- Drejtori i Përgjithshëm i ATK-së Ekrem Hysenaj do të mbaj konferencë për media, në të cilën do të prezantoj aktivitetet e zhvilluara, si dhe rezultatet e arritura të ATK-së gjatë vitit 2020. (Zyra qendrore e ATK-së, ora 10:00)

- KDI organizon konferencën për media ku do të shpaloset “Indeksi për Perceptimin e Korrupsionit” për vitin 2020 përgatitur nga Transparency International. (Zyret e KDI-së, ora 10:00)  

- Mbahet mbledhja e parë e rregullt për vitin 2021 të Kuvendit Komunal të Prizrenit. (Shtëpia e Bardhë, ora 10:00)

- Promovohet libri “Krime serbe në Kosovë”, i autorit Çerçiz Loloçi. (Qendra Mediale të Kolegjit AAB, ora 11:00)

- Ministri në detyrë i Shëndetësisë, Armend Zemaj, merr pjesë në prezantimin e pullës postare, dedikuar personelit shëndetësor që kanë humbur jetën gjatë ballafaqimit me COVID-19. (Ministria e Shëndetësisë, ora 11:00)

- Universiteti "Fehmi Agani" në Gjakovë organizon ngjarjen kushtuar Ditës Ndërkombëtare të Përkujtimit të Holokaustit, e cila këtë vit i është kushtuar albanologut austriak - hebre Norbert Jokl. (Ambientet e Fakultetit të Edukimit-Filologjisë në Gjakovë, ora 12:00)

- Ministri në detyrë i Shëndetësisë, Armend Zemaj, merr pjesë në përurimi i fillimit të punimeve për ndërtimin e Qendrës së Mjekësisë familjare në Strellc të Deçanit. (Strellc – Deçan, ora 12:30)

- Partia Socialdemokrate do të mbaj aktivitet afër Ministrisë së Shëndetësisë. (Afër Ministrisë së Shëndetësisë, ora 13:00)

- Kandidati për deputet i AAK-së, Shemsedin Dreshaj, mban konferencën për medie. (Zyra e AAK-së, ora 13:00)

- Kryetari i Nismës Socialdemokrate Fatmir Limaj merrë pjesë në takimin në mbështetje të nominuarëve për deputet në Skenderaj. (Lokali 'Te Mixha' në fshatin - Polac, Skënderaj, ora 16:30)