24 Nëntor 2020

Hapet panairi i mobilerisë dhe industrisë së drurit Natyra 2010

Prishtinë, 10 qershor - Panairi i gjashtë i mobilerisë dhe industrisë së drurit në Kosovë Natyra 2010, ku ekspozojnë 48 kompani nga Kosova, Shqipëria, Maqedonia, Mali i Zi, Serbia, Kroacia, Italia dhe vende të tjera, hapi dyert për publikun nga data 10 – 13 qershor, në Zonën Industriale në Prishtinë. Panairi Natyra 2010 organizohet nga Shoqata e Përpunuesve të Drurit në Kosovë (SHPDK), me përkrahje të Programit për Ndërmarrje Private të Kosovës të USAID-it dhe Agjencisë për Promovimin e Investimeve në Kosovë. 

Kompanitë vendore dhe të huaja sjellin për vizitorët një shumëllojshmëri produktesh dhe shërbimesh: dyer, dritare, enterier, kuzhina, si dhe makineri apo teknologji për prodhuesit e drurit, duke sjellë kështu pranë konsumatorit vendor vlerat më të mira të industrisë së përpunimit të drurit në Kosovë dhe vendeve të tjera pjesëmarrëse. Gjithashtu, panairi Natyra 2010 mundëson edhe krijimin e lidhjeve afariste mes kompanive kosovare dhe atyre në vende të rajonit dhe më gjerë në Evropë.  

Ne ceremoninë hapëse të panairit morën fjalën Ministri i Bujqësisë, Pylltarisë dhe Zhvillimit Rural Blerand Stavileci, Zëvendës Ministri i Tregtisë dhe Industrisë Januz Kastrati, Drejtoresha e Zyrës Ekonomike në USAID Mary Hobbs, u.d. Odës Ekonomike të Kosovës Safet Gërxhaliu dhe Kryetari i SHPDK Hashim Deshishku. 

Ministri Stavileci foli për të pranishmit për rëndësinë e industrisë së përpunimit të drurit në ekonominë e Kosovoës duke e ndërlidhur këtë proces së afërmi me planet afatshkurtra dhe afatgjate të Qeverisë sidomos sa i përket menaxhimit të burimeve pyjore.

“Qeveria e Republikës së Kosovës do të nxit procesin e konsolidimit të tokave dhe po promovon krijimin e shoqatave të ndryshme, në mënyrë që të përfaqësohen interesat e pylltarisë private, industrisë pyjore private dhe kështu të krijohet një klimë e favorshme e biznesit. Me këtë përkrahje pylltaria private dhe sektorët e industrisë pyjore do të bëhen më profitabile dhe me potenciale të mëdha të pjesëmarrjes më aktive në zhvillimin e gjithë sektorit pyjor”, ka theksuar Stavileci.

Përfaqësuesja e USAID Mary Hobbs theksoi se USAID ka zgjedhur të përkrahë industrinë e përpunimit të drurit pasi ka potencialin për të qenë lidere e ekonomisë kosovare, se mund të depërtojë në tregje ndërkombëtare dhe të krijojë vende pune. Në të njëjtën kohë, Znj. Hobbs theksoi rëndësinë e procesit të certifikimit të pyjeve dhe ndikimin e këtij procesi në të ardhmen e industrisë së përpunimit të drurit. 

“Pylltaria dhe produktet e drurit paraqesin një burim të qëndrueshëm te të ardhurave për ekonominë e Kosovës. Kosova është një vend ku sipërfaqet pyjore paraqesin hapësirë të madhe të vendit dhe ky sektor pikërisht mund të paraqes mundësin për zëvendësimin e importit, shtimin e punësimit dhe po ashtu mund të shërbejë për tërheqje të investimeve direkte”, ka thënë Hopes.

Safet Gërxhaliu nga Oda Ekonomike e Kosovës vlerësoi lart arritjet e komjunitetit të biznesit në Kosovë dhe i inkurajoi ata për zhvillime të mëtejshme. 

Nga ana tjetër zëvendës ministri i Tregtisë dhe Industrisë, Jonuz Kastrati ka thënë se është obligim moral i institucioneve që të ofrohet bashkëpunim organizimit të këtyre ngjarjeve, në mënyrë që edhe prodhimet kosovare të jenë konkurruese me ato të Bashkimit Evropian.

“Kemi obligim institucional dhe moral të ofrojmë një bashkëpunim të evenimenteve të tilla, ku shihet rezultatet e arritura të kompanive vendore në këtë sektor dhe të bëjmë përpjekje që prodhimet e kompanive kosovare të jenë konkurruese në tregjet e rajonit dhe tregun e Bashkimit Evropian. Sektori i përpunimit të drurit ka pas një zhvillim dhe një rritje signifikante të përdorimit të teknologjive dhe diturive të reja, në kualitetin e prodhimit, dizajnit, arritjen e marrëveshjeve për eksport në disa vende jo vetëm të rajonit”, ka theksuar Kastrati.

Ai ka shtuar se në MTI janë të evidentuar mbi 1400 biznese si përpunues të drurit dhe kanë mbi 5000 punëtorë të punësuar, prandaj kapacitetet në këtë sektor gradualisht po i tejkalojnë kërkesat e konsumit vendor.

“Aktivitete si panairi Natyra 2010 ndikojnë në rritjen e cilësisë, dizajnit dhe eksportit në Kosovë.  SHPDK vëren një eksport të shtuar të produkteve të drurit, që paraqet një zhvillim pozitiv jo vetëm sa i përket shtimit të produktivitetit të afaristëve vendorë, por ndikon drejtpërsëdrejti në krijimin e vendeve të reja të punës dhe zhvillimit ekonomik në vend” tha Hashim Deshishku, President i SHPDK-së, i cili vlerësoi lart përpjekjet e sektorit privatr kosovar të cilët me investime në aktivitete promovuese si pjesëmarrja në panaire dhe investimi në kuadro të rinj me vizion kanë arritur të depërtojnë në tregje edhe jashtë Kosovës me produkte të cilësisë së mirë. 

“Nuk duhet të lemë pa përmendur ndihmën e partnerëve tanë: USAID, APIK, Oda Ekonomike e Kosovës dhe GTZ që kanë dhënë një kontribut jashtëzakonisht të madh jo vetëm për këtë panair, por për zhvillimin e sektorit të industrisë së drurit në Kosovë” shtoi Z. Deshishku.    

SHPDK është themeluar në vitin 2004, si organizatë për përkrahjen e përpunuesve të drurit në Kosovë. Funksioni kryesor i SHPDK-së është të promovojë interesat e industrisë së drurit në Kosovë. SHPDK vazhdon te udhehiqet nga drejotoresha ekzekutive Znj.Arieta Vula.


Kalendari

Ngjarjet e datës 24 Nëntor 2020

- Komisioni për Çështje të Sigurisë dhe Mbrojtjes shqyrton të gjeturat e raportit për vendin të Komisionit Evropian për vitin 2020 në fushën e sigurisë. (Ndërtesa e Kuvendit, salla N204, ora 10:00)

- Mbahet mbledhja e katërt e Komitetit për Komunitete në komunën e Rahovecit. (Salla e mbledhjeve të Kuvendit Komunal të Rahovecit, ora 10:00)

- Mbahet takimi i 190-të i Këshillit Prokurorial. (Nëpërmjet video konferencës, ora 10:00)  

- Komiteti Olimpik i Kosovës në bashkëpunim me organizatën jo qeveritare “Ta Pastrojmë Kosovën”, do të lansojnë “T’i japim vendit ngjyra”.  (Këndi Olimpik, në kampusin e Universitetit të Prishtinës “Hasan Prishtina”, ora 10:30)


- Komisioni për Mbikëqyrjen e Financave Publike shqyrton raportonin e auditimit për Pasqyrat Vjetore Financiare të vitit 2019, për Kompaninë Regjionale të Ujitjes Drini i Bardhë. (Ndërtesa e Kuvendit, salla N303, ora 11:00)

- Ministrja e Kulturës, Rinisë dhe Sportit, Vlora Dumoshi dhe Ministrja e Punëve të Jashtme dhe Diasporës, Meliza Haradinaj, nënshkruajnë Memorandum të Bashkëpunimit për Atashetë Kulturorë. (Objekti i Ministrisë së Punëve të Jashtme dhe Diasporës, ora 11:00)

- Komisioni për Shëndetësi dhe Mirëqenie Sociale, shqyrton Ligjin për statusin dhe të drejtat e dëshmorëve, invalidëve, veteranëve, pjesëtarëve të Ushtrisë Çlirimtare të Kosovës, viktimave civile dhe familjareve të tyre. (Ndërtesa e Kuvendit, salla N302, ora 11:00)    

- Komiteti Olimpik i Kosovës organizon pritje për ekspeditën e xhudos, pas suksesit të arritur në kampionatin evropian të xhudos, të mbajtur javën e kaluar në Pragë të Republikës së Çekisë, ku Distria Krasniqi dhe Loriana Kuka u stolisën me medalje të bronztë. (Zyret e KOK-ut, ora 11:45)

- Kryetari i Komunës së Gjilanit, Lutfi Haziri, pret në takim ministrin e Shëndetësisë, Armend Zemaj. (Zyra e Kryetarit, ora 12:45 )

- Lëvizja Vetëvendosje mban konferencë për medie. (Zyret e LV-së në Arbëri, ora 13:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike, shqyrton Raportin e Panelit për zgjedhjen e “Kryesuesit të Komisionit Shqyrtues të Autoritetit Rregullator për Shërbimet e Ujit. (Ndërtesa e Kuvendit, salla N10, ora 13:00)

- Komisioni për Bujqësi, Pylltari, zhvillim Rural, Infrastrukturë dhe Mjedis, shqyrton rekomandimet nga BE-ja të planit për mbikëqyrjen e procesit integrues 2020-2021. (Ndërtesa e Kuvendit, salla N204, ors  13:00)

 - Kryetari i Komunës së Gjilanit, Lutfi Haziri dhe ministri i Shëndetësisë, Armend Zemaj vizitojnë  Spitalin e Përgjithshëm në Gjilan. (Gjilan, ora 13:45)

- Mbahet mbledhja e Kryesisë së Kuvendit të Republikës së Kosovës. (Platforma ZOOM 5.0, ora 14:00)

- Kryetari i Komunës së Gjilanit, Lutfi Haziri dhe ministri i Shëndetësisë, Armend Zemaj mbajn Konferencë për media. (Qendra Rajonale e Shëndetit Publik në Gjilan, ora 14:30)

 

- Kryetari i Komunës së Prizrenit, Mytaher Haskuka, së bashku me drejtoreshën e Drejtorisë së Turizmit dhe Zhvillimit Ekonomik, Sevil Kazaz Limani, do bëjnë lansimin e projektit “Ndriçimi i Urës së Gurit”. (Pranë Urës së Gurit në Prizren, ora 18:00)