25 Shkurt 2020

Gjilan, nis trajnimi për prodhimin dhe paketimin e artizanatit bazë ekologjik

Gjilan, 5 mars - Në Gjilan në kuadër të projektit "Ndërtimi i konkurrencës përmes bashkëpunimit dhe inovacionit, qasja në tregjet e eksportit për produktet artizanale", sot ka filluar trajnimi tre ditor i sesionit të fundit të trajnimeve për artizanate nga rajoni i Gjilanit dhe rajonit të veriut të Maqedonisë Veriore.

Projekti është në përputhje me politikat kryesore të BE-së në sferat e konkurrueshmërisë dhe përfshirjes sociale .

Drejtoresha e Zhvillimit Ekonomik, Valbona Tahiri, ka falënderuar zyrën e BE-së në Kosovë për mbështetjen e vazhdueshme financiare në këtë projekt dhe shumë të tjera që po realizohen në Komunën e Gjilanit.

Drejtoresha Tahiri ka thënë, gjithashtu, se Komuna e Gjilanit do të jetë e gatshme gjithmonë për bashkëfinancimin e projekteve që janë me interes të zhvillimit ekonomik lokal dhe bashkëpunimit ndërkufitar që përkthehet me gjenerimin e vendeve të reja të punës.

E nga ana e saj, menagjerja e projektit për Kosovë, Mediana Bislimi, ka potencuar se projekti ka ecur mjaftë mirë deri në këtë moment.

Ajo ka thënë se gjenerimi i të ardhurave të ndërmarrjeve të reja dhe atyre ndërmarrjeve artizanale kanë qëllim krijimin e strukturave mbështetëse të eksportit për artizanët në zonat ndërkufitare në formë të kooperativave, për mbështetje në projektimin, promovimin dhe shitjen.

Për ndryshe, deri më tani përmes këtij projekti janë mbajtur katër trajnime praktike, pastaj dy trajnime teorike, për të vazhduar sot ka me trajnimin treditor për prodhimin dhe paketimin e artizanatit bazë ekologjik deri te pajisja me mjete të punes për punë dore.

Kalendari

Ngjarjet e datës 25 shkurt 2020 - Ministri i MPBAP-së, Agim Veliu do ta vizitojë Policinë i cili do të pritet nga drejtori i Përgjithshëm i PK-së, Rashit Qalaj. (Drejtoria e Përgjithshëm, ora 10:00)

- Konstituohet Komisioni për Mbikëqyrjen e Agjencisë së Kosovës për Inteligjencë. (Ndërtesa e Kuvendit, salla N 303, ora 10:00)

- Koalicioni i OJQ-ve për Mbrojtjen e Fëmijëve në Kosovë organizon konferencë të jashtëzakonshme për media për të shprehur shqetësimin lidhur me trajtimin e rasteve ku fëmijët janë viktima të formave të abuzimit dhe dhunës seksuale. (Ambientet e organizatës Forumi për Iniciativa Qytetare në lagjen Pejton, ora 10:00)

- Konstituohet Komisioni për Shëndetësi dhe Mirëqenie Sociale, Vendi: (Ndërtesa e Kuvendit, salla N302, ora 10:00)

- Demokracia Plus dhe Qendra për Avokim dhe Kulturë Demokratike në bashkëpunim me programin e USAID për Fuqizim të Sistemit të Drejtësisë organizojnë konferencën në cilën do të shpalosen rezultatet e Anketës me përdoruesit e shërbimeve të gjykatave. (Hotel Sirius, ora 10:00)

- Ministri i MPBAP-së, Agim Veliu do ta vizitojë Kampinë e policisë “Vrella“ Sllatinë. (Kampi Vrella në Sllatinë, ora 10:45)

- Konstituohet Komisioni për Buxhet dhe Transfere. (Ndërtesa e Kuvendit, salla C 203, ora 11:00)

- Konstituohet Komisioni për Punë të Jashtme dhe Diasporë. (Ndërtesa e Kuvendit, salla N 10, ora 11:00)

- Bibloteka Kombëtare e Kosovës dhe Shoqata e të Burgosurve Politik organizojnë hapjen e ekspozitës "Kujtesa e Kosovës, portrete të Adem Demaqit në pikturë dhe fotografi". (Bibloteka Kombëtare, ora 11:00)

- Konstituohet Komisioni për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N 204, ora 11:00)

- ADMOVERE e mbështetur nga KFOS promovon raportin "Gjendja në Fakultetin e Gjeoshkencave të Universitetit të Mitrovicës". (Hapësirat e rektoratit të UMIB-it në Mitrovicë, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike mban diskutim lidhur me detyrat me prioritet dhe organizimin e punës së Komisionit. (Ndërtesa e Kuvendit, salla C 203, ora 12:00)

- Kryeministri Albin Kurti pret në takim delegatin Apostolik të Vatikanit për Kosovë, Jean Marie Speich. (Ndërtesa e Qeverisë, ora 12:30 - vetëm pamje)

- Anibar Festivali Ndërkombetar i Animacionit organizon shfaqjen e filmave nga java e Kinematografisë afrikane. (Kinema Jusuf Gërvalla, 13:00)

- Kryeministri Albin Kurti pret në takim delegacionin e Fondit Monetar Ndërkombëtar. (Ndërtesa e Qeverisë, ora 15:00  - vetëm pamje)

- Ipeshkvia e Prizrenit organizon meshën e shenjtë kushtuar e Imzot Nikë Prelës në 24 vjetorin e kalimit në amshim. (Katedralja “Nëna Terezë”, nga ora 16:00)

- Ministrja e Arsimit, Shkencës, Teknologjisë dhe Inovacionit, Hykmete Bajrami, së bashku me kryetarin e Komunës së Kamenicës, Qëndron Kastrati, do të mbajnë konferencë të përbashkët për media, lidhur me çështjen e riorganizimit të procesit mësimor në komunën e Kamenicës.  (MAShTI, ora 16:00

- Fondacioni Shtatëmbëdhjetë organizon hapjen e ekspozitës Infrared: Additions. (Rr. Henrik Bariq, nr 5,  Shtatëmbëdhjetë, Prishtinë, ora 18:00)