09 Gusht 2022

Çmimet e naftës rritën në 120,38 dollarë për fuçi

New York, 7 qershor - Çmimet e naftës u rritën pas vendimit të Arabisë Saudite për të rritur çmimet e naftës së papërpunuar për shitjet e saj në korrik, duke rritur shqetësimet për furnizimin, megjithëse grupi OPEC+ premtoi një rritje të kufizuar të prodhimit.

Nafta e papërpunuar Brent u tregtua me 120,38 dollarë, duke shënuar një rritje prej 0,55 për qind pas mbylljes së seancës së mëparshme me 119,72 dollarë për fuçi.

Në ndërkohë, nafta amerikane West Texas Intermediate u tregtua për 119,53 dollarë për fuçi, gjithashtu duke shënuar një rritje prej 0,55 për qind pasi seanca e mëparshme u mbyll me 118,87 dollarë për fuçi.

Arabia Saudite, eksportuesi kryesor i naftës në botë, rriti çmimet e naftës për klientët e saj aziatikë pasi disa ekonomi në rajon hoqën kufizimet e koronavirusit, duke vënë presion mbi çmimet e ofertës në kohën e rritjes së kërkesës në rajon kundrejt ofertës së kufizuar.

Vendimi i Arabisë Saudite erdhi pasi grupi 23 anëtarësh OPEC+ ra dakord të rriste furnizimin e tij me naftë me rreth 50 për qind nga korriku, duke e çuar çmimin e naftës Brent në mbi 120 dollarë për fuçi.

Të enjten, ministrat e grupit OPEC+ vendosën të shtojnë 648.000 fuçi naftë në ditë në korrik dhe gusht, nga 432.000 fuçi sa ishte në muajt e fundit.

Duke lehtësuar shqetësimet e furnizimit, Iraku njoftoi se prodhimi i tij i naftës do të arrijë në 4,58 milionë fuçi në ditë në korrik dhe gusht.
 

Kalendari

Ngjarjet e datës 9 gusht 2022

- Lëvizja FOL organizon konferencë për media me ç’ rast do të publikoj gjetjet nga monitorimi i realizimit të Planit Vjetor të Punës së Qeverisë për periudhën janar- qershor 2022. (Zyret e Lëvizjes FOL, ora 11:00)

- Zëvendëskryeministrja për Çështje të Pakicave dhe të Drejtat e Njeriut, Emilija Redžepi, mban takimin me temën “Arsimi i komuniteteve joshumicë në Republikën e Kosovës”, me pjesëmarrjen e të gjithë përfaqësuesve relevant të institucioneve. (Ndërtesa e Qeverisë, ora 12:00)

- Hapet ekspozita “Ekonomia e Gruas në tregun e punës” e cil paraqet veprat e artistëve të Bosnjës dhe Hercegovinës të cilët në mënyra të ndryshme trajtojnë format e padukshme/të neglizhuara/të panjohura të punës. (Mini Studio në Rr. Nazim Gafurri 25, ora 20:00)