24 Nëntor 2020

Borxhi i madh grek çrregullon sërish euron

Bruksel, 24 prill - Tregjet financiare ndërkombëtare reaguan negativisht pasi Bashkimi Evropian shqyrtoi shifrat për buxhetin dhe deficitin e Greqisë.

Agjencia Eurostat tha se deficiti i Greqisë në vitin 2009 ishte 13.6 % e bruto prodhimit shoqëror, e jo 12.7 %, sa ishte parashikuar më parë. Shkalla është disa herë më e lartë se kufiri i përcaktuar (3%) për 16 vendet që përdorin euron.

Sot euroja shënoi rënie për të gjashtën ditë me radhë. Tregjet amerikane gjithashtu e ndjenë ndikimin e krizës greke, ku indeksi industrial Dow Jones ra afro 70 pikë në hapje të bursës.

Ndersa  sindikatat greke kanë njoftuar greva të reja dhe mitingje pas kërkesës së ndihmave që qeveria Papandreu i bëri BE-së dhë FMN-së.

Lajmin e bëjnë të ditur mediat greke, sipas të cilave më 27 prill është parashikuar një protestë e re, ndërsa në ditët e para të muajit maj një greve e re e përgjithshme.

Qeveria e kryeministrit Jorgo Papandreu pranoi ndihmat e Bashkimit Evropian dhe Fondit Monetar Ndërkombëtar duke premtuar si shkëmbim shkurtimin e shpenzimeve publike.

Bashkimi Evropian dhe Fondi Monetar Ndërkombëtar, FMN, do të vendosin shpejt mbi ndihmën financiare të kërkuar nga Greqia. "Jemi të gatshëm të veprojmë shpejt", u shpreh Drejtori i FMN-së, Dominique Strauss-Kahn në Uashington. Ndërsa komisari i BE-së për valutën, Olli Rehn është shprehur, se pas përgatitjesh disajavore tani mund të veprohet shpejt dhe pa probleme.

FMN-ja dhe vendet e eurozonës janë të gatshme t'i japin Greqisë një ndihmë në vlerën prej 45 miliardë eurosh. Mali me borxhe i Greqisë kap kuotën 273 miliardë euro.

"Mekanizmi i ndihmave për Greqinë do të aktivizohet me shpejtësi, brenda fillimit të muajit maj", ka deklaruar komisioneri evropian për Cështjet Monetare, Olli Rehn, pas pranimit që Greqia i bëri ndihmës financiare nga FMN dhe BE.

Kryeministri grek Papandreu deklaroi dje nga ishulli i Kastelorizos, se duke mos pasur asnje rrugëdalje përballë situatës së vështirë ekonomike dhe spekulimit të tregjeve financiare, vendi duhej të kërkonte përfundimisht ndihmë nga BE-ja dhe FMN-ja.

Kalendari

Ngjarjet e datës 24 Nëntor 2020

- Komisioni për Çështje të Sigurisë dhe Mbrojtjes shqyrton të gjeturat e raportit për vendin të Komisionit Evropian për vitin 2020 në fushën e sigurisë. (Ndërtesa e Kuvendit, salla N204, ora 10:00)

- Mbahet mbledhja e katërt e Komitetit për Komunitete në komunën e Rahovecit. (Salla e mbledhjeve të Kuvendit Komunal të Rahovecit, ora 10:00)

- Mbahet takimi i 190-të i Këshillit Prokurorial. (Nëpërmjet video konferencës, ora 10:00)  

- Komiteti Olimpik i Kosovës në bashkëpunim me organizatën jo qeveritare “Ta Pastrojmë Kosovën”, do të lansojnë “T’i japim vendit ngjyra”.  (Këndi Olimpik, në kampusin e Universitetit të Prishtinës “Hasan Prishtina”, ora 10:30)


- Komisioni për Mbikëqyrjen e Financave Publike shqyrton raportonin e auditimit për Pasqyrat Vjetore Financiare të vitit 2019, për Kompaninë Regjionale të Ujitjes Drini i Bardhë. (Ndërtesa e Kuvendit, salla N303, ora 11:00)

- Ministrja e Kulturës, Rinisë dhe Sportit, Vlora Dumoshi dhe Ministrja e Punëve të Jashtme dhe Diasporës, Meliza Haradinaj, nënshkruajnë Memorandum të Bashkëpunimit për Atashetë Kulturorë. (Objekti i Ministrisë së Punëve të Jashtme dhe Diasporës, ora 11:00)

- Komisioni për Shëndetësi dhe Mirëqenie Sociale, shqyrton Ligjin për statusin dhe të drejtat e dëshmorëve, invalidëve, veteranëve, pjesëtarëve të Ushtrisë Çlirimtare të Kosovës, viktimave civile dhe familjareve të tyre. (Ndërtesa e Kuvendit, salla N302, ora 11:00)    

- Komiteti Olimpik i Kosovës organizon pritje për ekspeditën e xhudos, pas suksesit të arritur në kampionatin evropian të xhudos, të mbajtur javën e kaluar në Pragë të Republikës së Çekisë, ku Distria Krasniqi dhe Loriana Kuka u stolisën me medalje të bronztë. (Zyret e KOK-ut, ora 11:45)

- Kryetari i Komunës së Gjilanit, Lutfi Haziri, pret në takim ministrin e Shëndetësisë, Armend Zemaj. (Zyra e Kryetarit, ora 12:45 )

- Lëvizja Vetëvendosje mban konferencë për medie. (Zyret e LV-së në Arbëri, ora 13:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike, shqyrton Raportin e Panelit për zgjedhjen e “Kryesuesit të Komisionit Shqyrtues të Autoritetit Rregullator për Shërbimet e Ujit. (Ndërtesa e Kuvendit, salla N10, ora 13:00)

- Komisioni për Bujqësi, Pylltari, zhvillim Rural, Infrastrukturë dhe Mjedis, shqyrton rekomandimet nga BE-ja të planit për mbikëqyrjen e procesit integrues 2020-2021. (Ndërtesa e Kuvendit, salla N204, ors  13:00)

 - Kryetari i Komunës së Gjilanit, Lutfi Haziri dhe ministri i Shëndetësisë, Armend Zemaj vizitojnë  Spitalin e Përgjithshëm në Gjilan. (Gjilan, ora 13:45)

- Mbahet mbledhja e Kryesisë së Kuvendit të Republikës së Kosovës. (Platforma ZOOM 5.0, ora 14:00)

- Kryetari i Komunës së Gjilanit, Lutfi Haziri dhe ministri i Shëndetësisë, Armend Zemaj mbajn Konferencë për media. (Qendra Rajonale e Shëndetit Publik në Gjilan, ora 14:30)

 

- Kryetari i Komunës së Prizrenit, Mytaher Haskuka, së bashku me drejtoreshën e Drejtorisë së Turizmit dhe Zhvillimit Ekonomik, Sevil Kazaz Limani, do bëjnë lansimin e projektit “Ndriçimi i Urës së Gurit”. (Pranë Urës së Gurit në Prizren, ora 18:00)