18 Shtator 2019

Bizneset e Prishtinës theksojnë mungesën e zonës industriale funksionale

Prishtinë, 4 prill - Kryetari i Odës së Afarizmit të Kosovës deklaroi se ky takim është në kuadër të memorandumit të bashkëpunimit që ka OAK me Komunën e Prishtinës, dhe se duhet në bashkëpunim me njëri-tjetrin t’i evitojnë problemet që po hasin bizneset vazhdimisht, dhe se zhvillimi i bizneseve ka ngecur për shkak që nuk po dëshirojnë t’i dëgjojnë problemet mirë për zgjidhjen e tyre.

Krasniqi theksoi se OAK ka identifikuar disa probleme që kanë bizneset me Komunën e Prishtinës të cilat përfshijnë mungesën e zonës industriale funksionale, mungesën e ofertave nga ana e Komunës për bizneset, problemet me Pallatin e Rinisë, siguria dhe vendosja e kamerave të sigurisë në qytet nga Komuna.

Pacolli u shpreh se bizneset janë vet jeta jonë pasi që në këtë mënyrë ofrohen mundësitë për vende të punës, siguri në të ardhura për jetën, dhe gjithashtu theksoi se të gjithë ne paguhemi nga tatimet e bizneseve.

Ndërsa anëtari i Bordit të OAK-së Hysni Zogaj, theksoi problemin e legalizimit të objekteve në Komunën e Prishtinës, ku kërkoi nga Komuna informacion deri ku ka arritur zhvillimi i procedurave.

Njëri ndër anëtarët e bizneseve të OAK-së, Shkëlzen Domi njëherësh përfaqësues i Pallatit të Rinisë, fillimisht theksoi se është bërë pjesë e OAK-së për kanalizimin e shumë problemeve të bizneseve në Pallatin e Rinisë, dhe u shpreh se ka gjetur mbështetje maksimale tek Oda e Afarizmit të Kosovës. Ai diskutoi rreth problemeve të shumta që kanë bizneset në Pallat, mirëpo çështja më e rëndësishme dhe jo korrekte është afati i shkurtër i kontratave që kufizon komuna.

Gjithashtu duke pasur parasysh investimet që bëhen në shtet në kuadër të Pallatit të Rinisë mbështetja duhet të jetë më e fuqishme nga ana e Komunës. Replika e Pacollit ishte se jemi duke e trajtuar këtë çështje dhe se nuk kemi pasur mundësi ligjore për kohëzgjatje të kontratës më shumë se 6 muaj.

Ndërsa shefi i zyrës së Auditimit të Brendshëm Osman Bllaca tha: “Pallatin e Rinisë e kemi për zemër dhe se është ndërtuar nga taksat e prindërve tanë, dhe se konform ligjit veprojmë për financat publike”.

Z. Pacolli gjithashtu theksoi se nga muaji Maj do të fillojmë trajtimin rreth kësaj çështjeje, gjithashtu Pallatit të Rinisë do i krijohet një imazh shumë më i mirë dhe do t’i ofrohen dispozitat më të mira për funksionim më të suksesshëm.

Gjatë këtij takimi bizneset “Flux”, “Marimanga”, dhe “Telkos” shprehën problemet e tyre individuale me të cilat po përballen në raport me komunën. Ndërsa pronari i biznesit “LTS Kosova”, Ekrem Qerreti theksoi si problem mungesën e Parkut Industrial duke e parë si urgjente funksionalizimin e zonës industriale, duke e marrë parasyshë se ai si biznes ka nevojë për hapësirë për të investuar dhe krijuar vende të reja të punës.

Në fund të takimit nënkryetari Pacolli u shpreh se është i hapur për takime me bizneset rreth problemeve të tyre dhe do të mbajë takime të rregullta me OAK-në.

Ndërsa kryetari i Bordit të OAK-së falënderoi bizneset pjesëmarrëse dhe nënkryetarin për zhvillimin e takimit, duke theksuar se do të zhvillojnë takime të rregullta edhe më të shpeshta me bizneset anëtare dhe përfaqësuesit e institucioneve. 

Në këtë takim OAK u përfaqësua nga: Kryetari i Bordit Skënder Krasniqi, Anëtari i Bordit Hysni Zogaj, Koordinatorja Qëndresa Ibrahimi,  zyrtaret Vanesa Gashi dhe Mirjeta Shala.

Ndërsa pjesëmarrës të bizneseve ishin: Shkëlzen Domi përfaqësues i “Gently”, Rrahim Tërnava përfaqësues i “Blue Sky”, Fatbardh Xhaferi përfaqësues i “HIB”, Shefki Bunjaku përfaqësues i “KIT”, Ekrem Qerreti përfaqësues i “LTS Kosova”, Granit Sheremeti përfaqësues i “FLUX”, Jetmir Uka përfaqësues i “Marimanga”, Fatmir Rexhepi përfaqësues i “Renson” dhe Blerim Zuka përfaqësues i “Telkos”.

 

Kalendari

Ngjarjet e datës 18 shtator 2019

- Kryetari i Lëvizjes Vetëvendosje Albin Kurti viziton Xhaminë e Çarshisë në Prishtinë. (Xhamia e Çarshisë në Prishtinë, ora 9:10)

- Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti, do të vizitojë Komunën e Kaçanikut ku do të takoj kryetarin e kësaj komune, Besim Ilazin, për të diskutuar rreth përgaditjes së Garës Nacionale të Sportit. (Objekti i komunës, ora 9:30)

- Specialistët stomatologë të papunë do të protestojnë para Ministrisë së Shëndetësisë. (Para Ministrisë së Shëndetësisë, ora 10:00)

- Instituti Demokratik i Kosovës organizon tryezën e diskutimit ndërmjet qytetarëve dhe kandidatëve për deputetë nga subjektet politike lidhur me temën “Qasja e subjekteve politike rreth çështjes së gjinekologut në nivel komunal”. (Hotel Sirius, ora 10:00)

- Kryetari i Lëvizjes Vetëvendosje Albin Kurti viziton Kalanë e Artanës. (Kalaja e Artanës, ora 10:30)

- Ministri në detyrë i Inovacionit dhe Ndërmarrësisë, Muzafer Shala, mbanë konferencë për media, ku do të lansojë Fondin për Mbështetjen e Ndërmarrjeve Mikro të Vogla dhe të Mesme në vlerë prej 4 milionë euro. (ndërtesa e Ministrisë së Punëve të Jashtme, kati i 3-të,  përballë New Born-it, ora 10:30)

- Oda e Afarzimit të Kosovës në bashkëpunim me Dhomën e Tregtisë në Tiranë dhe Odën Ekonomike të Maqedonisë Veri-Perëndimore organizojnë ngjarjen “Regional B2B Event”. (Holiday Inn në Shkup, 11:00)

- Ministri i Kulturës, Rinisë dhe Sportit, Kujtim Gashi, mirëpret fituesit e medaljeve të Taekwandos. (Kabineti i Ministrit në MKRS, ora 11:00)

- Lëvizja FOL organizon diskutimin e tretë në kuadër të Forumit FOL Hapur me kandidatët për Kryeministër ku i ftuari i radhës do të jetë Nenad Rašić, Kandidat për Kryeministër nga koalicioni Slloboda. (Zyrat e Lëvizjes FOL, ora 11:00)

- Kryetari i Komunës së Gjianit, Lutfi Haziri, nënshkruan kontratat me tetë përfituesit e nën-granteve, në kuadër të projektit "Te rinjtë në Agrobiznes- Regjioni Ekonomik Lindje". (Zyra e Kryetarit Haziri, ora 11:00)

- Punëtorët teknik te qendrës studentore do të protestojnë para drejtorisë së qendrës studentore. (Para drejtorisë së qendrës studentore, ora 11:00)

- Kryetari i Lëvizjes Vetëvendosje Albin Kurti viziton Ulpianën. (Ulpianë, ora 11:40)

- Komuna e Prishtinës në bashkëpunim me Zyren e Bashkimint Evropian në Kosovë organizon promovimi i shtegut për çiklistë, si fazë testuese. (Rruga Zagrebi në Prishtinë, ora 12:00)

- Kryetari i Lëvizjes Vetëvendosje Albin Kurti viziton Janjevën. (Janjevë, ora 12:20)

- Komuna e Prishtinës në bashkëpunim me Zyren e Bashkimint Evropian në Kosovë organizon tryezë diskutimi “Ecja, çiklizmi dhe transporti urban”. (Kolegji Tempulli, rr. Eduard Lir 156, ora 14:00)

- Fondacioni i Kosovës për Shoqëri të Hapur bën promovimin e publikimeve dhe organizon panel diskutimin “ Njohja e Kosovës bashkëkohore”. (Swiss Diamond Hotel, ora 14:00)

- Komisioni Qendror i Zgjedhjeve mban mbledhjen e radhës. (Ndërtesa e KQZ-së, ora 15:30)

- Iniciativa për Histori Gojore organizon lansimin e aplikacionit mobil Prishtina Ecë. (Kafe—librarinë dit’ e nat’, ora 17:00)

- Kandidati i PDK-së për Kryeministër të ardhshëm të Kosovës, Kadri Veseli, merr pjesë në takimin e organizuar nga Gruaja Demokratike. (Hotel Venus, Magjistralja Prishtinë-Lipjan, ora 17:00)

- Lëvizja Vetëvendosje! shpalos prioritetet qeverisëse. (Atelja e Sallës së Kuqe, ora 17:00)

- Federata e Piingpongut e Kosoves, organizon ndeshjet e ligës së parë, e ndeshja derbi pritet të jetë ajo ndërmjet Shkollës dhe Hasan Prishtinës. (Prishtinë, ora 18:00)

- Kryetari i Lëvizjes Vetëvendosje Albin Kurti mban tubim më banorë të fshatit Rufc. (Rufc, ora 19:30)

- Kryetari i Lëvizjes Vetëvendosje Albin Kurti mban tubim më banor në fshatin Gadime. (Gadime, ora 21:00)