08 Mars 2021

BE prezanton projektin që mbështet reformën e sektorit të shërbimeve në Kosovë

Prishtinë, 25 janar - Sot, Shefi i Zyrës së BE-së në Kosovë, Tomas Szunyog, së bashku me Ministrinë e Tregtisë dhe Industrisë prezantoi projektin e binjakëzimit të financuar nga BE-ja, i cili do të ndihmojë në zbatimin e Marrëveshjes së Stabilizimit dhe Asociimit (MSA) lidhur me Direktivën e BE-së 2006/123/KE për Shërbimet.

Në dy vitet e ardhshme, projekti i financuar nga BE-ja në vlerë prej 1 milion € do të mbështetë qeverinë e Kosovës që të krijojë bazën për një mjedis të qëndrueshëm për zhvillimin e sektorit privat në përputhje me acquis të BE-së dhe kërkesat e MSA-së.

Përafrimi i legjislacionit kombëtar me Direktivën e BE-së për Shërbimet i arritur me ndihmën e projektit mund të heqë pengesat administrative dhe rregullatore për ofrimin e shërbimeve falas.  

Harmonizimi i rregulloreve sektoriale me Direktivën e BE-së për Shërbimet inkurajon thjeshtësimin dhe digjitalizimin e procedurave administrative në mënyrë që të lehtësohet procesi i marrjes së licencave për aktivitete specifike në sektorin e shërbimeve.

Kohëve të fundit, Kosova ka shënuar progres në fushën e digjitalizimit të shërbimeve publike. Vendosja e një pike kontakti në bazën e të dhënave të shërbimeve lejon qasje më të lehtë për hisedarët në kornizën ligjore që rregullon aktivitetet e shërbimit në Kosovë.

Bashkëpunimi në kuadër të projektit të binjakëzimit ndërmjet BE-së, Kroacisë, Gjermanisë dhe Kosovës do të zhvillojë më tej reformën e sektorit të shërbimeve në Kosovë.

Ky bashkëpunim do të përqendrohet në zhvillimin e një pike unike kontakti me bizneset, në mënyrë moderne dhe të lehtë për përdorim, bazuar në kornizën e krijuar rregullatore në përputhje me dispozitat e Direktivës së BE-së 2006/123/EC për Shërbimet.

Vendosja e pikës unike të kontaktit do ta bëjë më tërheqëse dhe më të lehtë për kompanitë që të bëjnë biznes në Kosovë, si dhe do të ofrojë një platformë për procese më të shpejta administrative dhe zgjidhje më të mira të e-qeverisjes.

Projekti synon të ndihmojë në mundësimin e hyrjes më të lehtë në treg për bizneset, duke rritur numrin e sipërmarrësve konkurrues, dhe të nxisë novacionin duke ofruar më shumë mundësi si dhe më shumë zgjedhje për konsumatorët kosovarë.
 

Kalendari

Ngjarjet e datës 8 Mars 2021

- Mbahet seanca gjyqësore kundër të pandehurit I.L. për vepren penale 'Keqpërdorimi seksual i personave nën moshën gjashtëmbëdhjetë vjet'. (Gjykata Themelore në Ferizaj, ora 9:30)

- Kryeministri në detyrë, Avdullah Hoti merr pjesë në aktivitetin “Shënimi i 8 Marsit- Dita Ndërkombëtare e Gruas”, me ç’rast do të bëhet edhe nënshkrimi i marrëveshjeve me përfitueset e bizneseve të vogla të Grave nga Programi i Rimëkëmbjes Ekonomike  2021 – Masa 4, Faza e dytë. (Ndërtesa e Qeverisë, ora 9:45)

- Qendra për Informim, Kritikë dhe Aksion organizon aksion simbolik për shënimin e Ditës Ndërkombëtare të Gruas. (Sheshi “Skënderbeu” në Prishtinë, ora 10:00)

- Oda e Mjekëve të Kosovës ndan mirënjohje për mjekët në pension dhe për institucionet shëndetësore të rajonit të Mitrovicës që kanë kontribuar në luftën kundër pandemisë COVID-19. (Spitali i Përgjithshëm Mitrovicë, ora 10:00)

- Lëvizja FOL organizon konferencë për media me ç’rast do të bëhet publikimi i raportit “Pasuria e (pa)ndarë - Posedimi i pasurisë nga zyrtaret politike dhe bashkëshortet e zyrtarëve politik”. (Zyrat e Lëvizjes FOL, ora 10:30)

- Sindikata e Punëtorëve të Lotarisë së Kosovës do të protestojë para ndërtesës së Qeverisë. (Ndërtesa e Qeverisë, ora 11:00)  

- Universiteti ''Kadri Zeka'' do të shënojë 8 vjetorin e themelimit! (Ambientet e Universitetit në Gjilan, ora 11:00)

- Me rastin e Ditës Ndërkombëtare të Gruas mbahet marshi “Marshojmë s’festojmë kundër patriarkatit që vret”,  (Nisja nga sheshi “Zahir Pajaziti”, ora 12:00)  

- Shoqata e Gastronomëve organizon marsh protestues në të cilin do të kërkojnë hapje totale për bizneset. (Sheshi “Zahir Pajaziti”, ora 14:00)

 

- Komisioni Qendror i Zgjedhjeve mban mbledhjen e radhës. (Selia e KQZ-se, ora 14:00)

 

- Grupi I çiklizmit “Marakli t’Biciklave” për nder të ditës së gruas - 8 MARSI organizon eventin e radhës Marsho dhe çiklo që do të mbahet nëpër rrugët kryesore të kryeqytetit të Kosovës - Prishtinë. (Sheshi ''Zahir Pajaziti'' në Prishtinë, ora 14:00)

- OJQ “ETEA” dhe biblioteka “Hivzi Sulejmani” organizojnë bashkëbisedim me temën “Mësuesia ndër vite”. (Biblioteka “Hivzi Sulejmani” në lagjen Dardania, ora 16:00)

- Qendra e Artit dhe Komunitetit organizon mbrëmjen e poezisë “Poezi për Fuqi - çdo ditë është 8 mars”. (Teatrin Kombëtar në Prishtinë, ora 19:00)