24 Shkurt 2020

BE-ja kërkon negociata me SHBA-në për tregti

Bruksel, 8 mars - Bashkimi Evropian është i fokusuar në negociata më të ngushta tregtare me Shtetet e Bashkuara, sa u përket mallrave industriale, duke përfshirë industrinë e automobilave, ka thënë Komisionarja evropiane për Tregti, Cecilia Malmstrom, një ditë pas negociatave me Përfaqësuesin amerikan për Tregti, Robert Lighthizer.

“Ka mungesë të besimit në këtë moment”, në mes të BE-së dhe SHBA-së, ka thënë Malmstrom.

“Për këtë arsye ne kemi propozuar që në vend të rritjes së tensioneve në mes nesh, në vend të këtyre tarifave dhe në vend të deklaratave se Evropa përbën kërcënim të sigurisë për ekonominë amerikane, të rindërtojmë atë besim”.

Malmstrom ka thënë se në Evropë nuk ka mbështetje për një marrëveshje të plotë tregtare me Shtetet e Bashkuara, e cila do të mbulonte fushën e bujqësisë.

Ajo ka thënë se pret që në të ardhmen e afërt të ketë mandat për të negociuar një marrëveshje për mallrat industriale.

Bashkimi Evropian dhe Uashingtoni janë duke u përgatitur për të diskutuar ndonjë pakt eventual tregtar, teksa administrata e presidentit amerikan, Donald Trump synon të rinegociojë një numër marrëveshjesh tregtare me shtete të ndryshme, duke përfshirë Kinën, në kuadër të agjendës së tij ekonomike “Amerika e Para”.

Shtete anëtare të bllokut evropian duhet të miratojnë dy mandate për të filluar zyrtarisht negociatat.

Gjermania ka qenë e gatshme për të nisur negociatat sa më shpejt, derisa Franca ka qenë më hezituese.

Megjithatë, Malmstrom ka thënë të enjten se BE-ja do të jetë e gatshme për të nisur bisedimet me SHBA-në brenda javëve. Ajo ka shtuar se zyrtarët evropianë do të dëshironin që veturat dhe pjesët e tyre të përfshiheshin në negociata, mirëpo nuk ka thënë detaje tjera se çfarë mund të përfshihet në këtë proces.       

Kalendari

Ngjarjet e datës 24 shkurt 2020 - Zyra për Komunikim Publik e Zyrës së Kryeministrit dhe Agjencina për Informim dhe Privatësi mban sesion informues për zbatimin e Ligjit për Qasje në Dokumente Publike. (Hotel “International Pristina”, ora 9:00)

- Kostituohet Komisioni për Bujqësi, Pylltari, zhvillim Rural, Infrastrukturë dhe Mjedis. (Ndërtesa e Kuvendit, salla N 302, ora 10:00)

- Drejtoria e Inspekcionit në Komunën e Prishtinës do të fillojë zbatimin e dy vendimeve për rrënim në të njëjtën kohë, në rr. Musa Tolaj në Lakrishte. (Takimi me mediat bëhet në rrugën, Musa Tolaj, ora 10:00)

- Ministria e Arsimit, Shkencës, Teknologjisë dhe Inovacionit organizon lansimin e projektit strukturor Erasmus + “Ngritja e kulturës kërkimore në arsimin e lartë në Kosovë”. (Ndërtesa e MAShTI, ora 10:00)

- Demokracia Plus organizon tryezën e organizuar ku do të diskutohet mbi dyfishimin e pozitave të nëpunëse civil si rezultat i ristrukturimit të Qeverisë nga 21 në 15 ministri. (Salla e konferencave Orion, ora 10:00)

- Grupi Parlamentar i Aleancës për Ardhmërinë e Kosovës organizon tryezë për taksën 100 për qind ndaj produkteve nga Serbia dhe Bosnja. (Hapësirat e Kuvendit të Kosovës, ora 10:00)

- Konstituohet Komisioni për të Drejtat dhe Interesat e Komuniteteve. (Ndërtesa e Kuvendit, salla N 10, ora 10:00)

- Përurohet libri “Shoqëri e të shtypuri shkronja shqip 1879” të autorit Besim Kabashi i cili më pas do të mbajë një ligjëratë me titull “Një korpus për gjuhën shqipe”. (Amfiteatri i Fakultetit Ekonomik të Universitetit “Ukshin Hoti” në Prizren, ora 11:00)

- Konstituohet Komisioni për të Drejtat e Njeriut, Barazi Gjinore, për Persona të Pagjetur dhe Peticione. (Ndërtesa e Kuvendit, salla N 204, ora 11:00)

- Përurohet laboratori i mikrobiologjisë në Klinikën Infektive të Qendrës Klinike Universitare të Kosovës, i ndërtuar me fondet e projektit “Mbështetje për Sistemin Shëndetësor të Kosovës”, nga Agjencia Italiane për Bashkëpunim dhe Zhvillim. (Klinika Infektive, ora 12:00)

- Hapet ekspozita “Ballafaqimi me të harruarën”. (Biblioteka Kombëtare, ora 12:00)