06 Prill 2020

BE- do të reagojë nëse ShBA vendos tarifa për automjetet europiane

Bruksel, 19 shkurt - Bashkimi Evropian (BE) thotë se do të ketë një reagim të shpejtë nëse ShBA-ja vendos tarifa importi për automjetet europiane dhe pjesët e tyre të këmbimit.

Departamenti i Tregtisë i ShBA-së i paraqiti Shtëpisë së Bardhë rezultatet e hetimit të tij mbi efektet e importimit të automjeteve dhe pjesëve të tyre për sigurinë kombëtare të ShBA-së, të cilat mund të çojnë në rritjen e tarifave.

Zëdhënësi i Komisionit Evropian Margaritis Schinas ka deklaruar se Komisioni Evropian është në dijeni për përfundimin e një hetimi nga Departamenti amerikan i Tregtisë për çështjen nëse importimi i makinave përbën kërcënim për sigurinë kombëtare të ShBA-së.

"Nëse ky raport shpie në veprime të dëmshme për eksportet evropiane, Komisioni Europian do të reagojë në mënyrë të shpejtë dhe të përshtatshme."

Zëdhënësi shtoi se BE-ja do të respektojë angazhimin e saj të përbashkët me ShBA-në, për sa kohë që Uashingtoni nuk merr masa që çojnë në vendosjen e pengesave tregtare.

Kalendari

Ngjarjet e datës 6 Prill 2020

- Bordi i Zyrës së Rregullatorit për Energji (ZRrE) mban seancën e dytë me radhë. (Zyrat e ZRrE-së, ora 10:00)

- Përfaqësues të AAK-së mbajnë konferencë për medie rreth situatës emergjente në ekonomi si pasojë e pandemisë së Coronavirusit. (Selia e AAK-së, ora 13:00)