07 Korrik 2020

AKP shpërndan 20 për qindeshin për tri ndermarrje

Prishtinë, 30 prill -  Bordi i Drejtorëve të Agjencisë Kosovare të Privatizimit (AKP), dje në selinë e AKP-së në Prishtinë ka mbajtur takimin e 21-të të radhës.

Bazuar në strategjinë për përshpejtimin e ndarjes së 20%, Bordi i Drejtorëve i AKP-së, mori vendim për shpërndarje të pjesshme të 20 për qindëshit për punëtorët e tri ndërmarrjeve (Plantacioni - Ferizaj, Mustafe Goga - Ferizaj dhe Utva - Pejë).

Bordi mori vendimin që të liroj nga raportimi i mëtutjeshëm ndërmarrjen e re “Veraria Rahoveci”, SH.P.K, pas përmbushjes së kushteve të parapara sipas kontratës së shitjes.

Bordi i Drejtorëve të AKP-së aprovoi rekomandimet, që ndërmarrja “Emin Duraku”, ndërmarrja “Jatex” dhe ndërmarrja “Deva” nga Gjakova të trajtohen si ndërmarrje shoqërore.

Gjatë këtij takimi, Bordi aprovoi edhe transaksionet e disa prej shitjeve të aseteve përmes procesit të Likuidimit 1, sipas rekomandimeve të menaxhmentit të AKP-së.
 

Kalendari

Ngjarjet e datës 7 Korrik 2020

- Dr. Basri Sejdiu do të mbajë konferencë për media lidhur me vendimin e Bordit Drejtues për shkarkimin nga detyra e drejtorit të përgjithshëm të SHSKUK. (QKUK, ora 11:00)

- Ministri i Drejtësisë Selim Selimi do të vizitoje Komunën e Prishtinës. (Ndërtesa e Komunës së Prishtinës, ora 11:00)

- Kryetari i Sindikatës së Pavarur të Sektorit Privat të Kosovës, Jusuf Azemi do të mbaj takim me Ministren e financave, znj. Hikmete Bajrami me të cilën do të bisedoj lidhur me pagesën e pagave të  punëtorëve nga pakoja emergjente, tërheqjen e mjeteve për punëtorë nga fondi i kursimeve si dhe eliminimin e gabimeve teknikeve gjatë  aplikimit për pakon fiskale emergjente. (Kabineti i ministres Bajrami, ora 11:00)

- Kryetari i Sindikatës së Pavarur të Sektorit Privat të Kosovës, Jusuf Azemi pas takimit me Ministren e financave, znj. Hikmete Bajrami do të mbaj konferencë për shtyp, ku do të ju njoftojë lidhur me këtë takim. (Zyret e Sindikatës në objektin e ish Gërmisë, ora 11:45)

- Lëvizja Vetëvendosje! mban konferencë për media në të cilën flet nënkryetari Besnik Bislimi. (Zyret e LV-së në Arbëri, ora 12:00)

- Me hapjen e ekspozitës multimediale në hapësirat e SENSE Qendrës në Pulë, Qendra për Drejtësi Tranzicionale në bashkëpunim me Fondin për të Drejtën Humanitare Kosovë nisin kampanjën me titull: Srebrenica 25: Së bashku kundër virusit të mohimit në ditën kur në vitin 1995 ka rënë Srebrenica. (Transmetim direkt livestream http://srebrenica.sensecentar.org, ora 17:00)

- Komuna e Rahovecit mban dëgjim publik me banorët të fshatrave Malësi e Vogël dhe Gexhë. (Objekti i Shkollës Fillore të Mesme të Ulët “Skender Kastrati” në fshatin Malësi e Vogël, ora 19:00)

- Komuna e Rahovecit mban dëgjim publik me banorët të fshatrave Ratkoc, Dejnë, Vrajak dhe Bratotin. (Objekti i Shkollës  Fillore të Mesme të Ulët “4 Dëshmorët” në fshatin Ratkoc, ora 20:00)