29 Mars 2024

Vala shënoi konsumatorin e saj të 1.2 milion-të

Prishtinë, 29 nëntor - Lansimi i produkteve të reja, atraktiviteti i shërbimeve të ofruara, çmimet tejet joshëse si dhe kualiteti i lartë, ka bërë që sot edhe formalisht, Operatori Publik VALA të shënoi konsumatorin e saj të 1.2 miliontë.

Kjo arritje e numrit prej 1.2 milionë konsumatorëve është një tjetër objektiv i pamohueshëm, tashmë i tejkaluar i menaxhmentit të PTK-së.

Kryeshefi Ekzekutiv i PTK-së, Dr. Shyqyri Haxha ka thënë me këtë rast se të arrish këtë shifër rekorde të konsumatorëve, është përveç të tjerash, një arsye më shumë që në një treg konkurrues, të përmbushet synimi për të tërhequr sa më tepër konsumatorë.

“Kur kam ardhur në PTK numri total i konsumatorëve nuk arrinte në 800 mijë, ndërkaq sot ne numërojmë me krenari konsumatorin tonë të 1.2 miliontë. Kjo para së gjithash është edhe një dëshmi më shumë, e qëllimeve dhe obligimit tim,të cilin ia kam vënë vetes që prej marrjes së detyrës si Kryeshef Ekzekutiv që t’ia rrisë vlerën kompanisë dhe në të njëjtën kohë të shumëfishoj numrin e konsumatorëve”, ka bërë të ditur Dr. Haxha duke shtuar se tashmë kemi të bëjmë me një ngritje prej 50 për qind të numrit të konsumatorëve.

Duke shënuar një kthesë të madhe në zgjerimin e gamës së produkteve, PTK, respektisht Vala, brenda një periudhe të shkurtër kohore, ia ka dalë suksesshëm që t’i ofrojë cilësi dhe atraktivitet shërbimesh të gjithë konsumatorëve me një kualitet të lartë dhe kjo është dëshmuar për festat e fundit, kur për herë të parë në historinë e saj, VALA ka funksionuar pa asnjë problem.

PTK brenda një periudhe kohore prej një viti ka shënuar rritje të ndieshme të performansave të rrjetit dhe shërbimeve të VALA-s. Saktësisht bëhet fjalë për periudhën 2009-2010, ku VALA ka ngritur grafikonin e zhvillimit të saj si në numrin e përgjithshëm të konsumatorëve, lansimin e produkteve të reja, por edhe ofrimin e shërbimeve të një numri dukshëm më të madh të roamerave (konsumatorët e huaj që e shfrytëzojnë rrjetin dhe shërbimet e VALA-s në Kosovë).

Si rrjedhojë e kësaj, është evidentuar rritje në trafikun e gjeneruar dhe statistikat tregojnë për afarizëm pozitiv të shërbimeve të VALA-s. Si rezultat, trafiku i realizuar për këtë periudhë të  vitit 2010 është rritur mbi 15 për qind për dallim me periudhën e njëjtë të vitit të kaluar, ndërkohë që performansat e kualitetit të shërbimeve, përfshirë ngarkesat e rrjetit, ndërprerjet e thirrjeve, pengesat e ndryshme teknike, etj janë qind për qind më të mira se vitet paraprake përkundër rritjes së trafikut dhe konsumatorëve.

Fokusi aktual i PTK-së, vazhdon të mbetet konsumatori dhe përmbushja e kërkesave të tyre përmes ofrimit të produkteve dhe shërbimeve të reja dhe të volitshme, ndërkohë PTK tashmë ka filluar procedurat për zgjerimin e kapaciteteve për së paku 1.5 milionë konsumatorë.

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)