29 Tetor 2020

Singapore Airlines pushon nga puna mbi 4 mijë punonjës

Jakarta, 11 shtator - "Singapore Airlines Group" ka bërë të ditur se po pushon nga puna 4.300 punonjës nga tre linjat e saj ajrore për shkak të ndikimit të pandemisë së koronavirusit të ri (COVID-19).

Shefi ekzekutiv i grupit, Goh Choon Phong, tha se vendimi është marrë pasi procesi i rimëkëmbjes do të jetë i gjatë dhe plot me pasiguri.

"Kemi arritur në një pikë kur duhet të marrim këtë vendim të dhimbshëm. Lëshimi i punonjësve tanë të vlefshëm dhe të përkushtuar është vendim më i vështirë dhe më pikëllues në udhëtimin tim 30-vjeçar me kompaninë", tha Phong në një deklaratë.

Sipas kompanisë, numri aktual i punonjësve lokalë dhe të huaj që preken nga shkurtimet e fundit të vendeve të punës është rreth 2.400, pas 1.900 vende tashmë janë eliminuar për shkak të masave të tilla si ngrirja e rekrutimit dhe skemat e largimit vullnetar.

Tre linjat ajrore të grupit, "Singapore Airlines Ltd.", "SilkAir Pte. Ltd" dhe "Scoot Tigerair Pte. Ltd.", deri në muajin mars kishin një personel prej rreth 21.300 personash.

Nga rënia e madhe prej 99,5 për qind në transportin e pasagjerëve për shkak të bllokimeve dhe kufizimeve të udhëtimit, grupi i linjave ajrore ka mbetur në operim vetëm me 8 për qind të kapacitetin të tij të zakonshëm.

Deri në fund të vitit financiar të saj, respektivisht deri më 31 mars të vitit 2021, kompania pritet të operojë me më pak se 50 për qind të kapacitetit të saj normal, duke marrë parasysh se trafiku i pasagjerëve nuk do të kthehet në nivelet e mëparshme deri në vitin 2024.

Kalendari

Ngjarjet e datës 29 Tetor 2020 - Open Data Kosovo në bashkëpunim me Zyren për Qeverisje të Mirë lanson projektin “Iniciativa për Qeverisje të Hapur dhe të Mirë”, të financuar nga programi MATRA 2020 në kuadër të Ambasadës së Mbretërisë së Holandës në Kosovë. (Hotel Sirius, ora 9:30)

- Vazhdon seanca plenare e Kuvendit te Republikës së Kosovës. (Ndërtesa e Kuvendit, ora 10:00)

- Kryeministri Avdullah Hoti së bashku me Zëvendëskryeministrin e parë Besnik Tahiri, merr pjesë në tryezën “Reforma e administratës publike: Shtytja e saj përpara”. (Ndërtesa e Qeverisë, ora 10:00)

- Ministrja e Kulturës, Rinisë dhe Sportit Vlora Dumoshi do të vizitojë Komunën e Ferizajt ku do te takohet me Kryetarin e Komunës, Agim Aliu. (Zyra e Kryetarit të Komunës, ora 10:00)

- Mbahet mbledhja e Këshillit Komunal për Siguri në Bashkësi, e thirrur nga kryetari i Komunës së Prizrenit, Mytaher Haskuka. (Salla e mbledhjeve të Kuvendit, në Shtëpia e Bardhë, ora 10:00)

- Mbahet takimi i 188-të i Këshillit Prokurorial të Kosovës. (Takimi do të organizohet nëpërmjet video konferencës, ora 10:00)

- Mbahet mbledhja e dhjetë e rregullt e Kuvendit Komunal të Rahovecit. (Salla e mbledhjeve të Kuvendit Komunal në objektin e ri të komunës, ora 10:00) .

- Ministri i Infrastrukturës, Arban Abrashi, do të pres në takim ministrin e Transportit të Maqedonisë së Veriut, Blagoj Boçvarski. (Ndërtesa e Qeverisë së Kosovës, salla P-37​, ora ora 10:30)

- Ministrja e Kulturës, Rinisë dhe Sportit Vlora Dumoshi do të vizitojë punimet në ndërtimin e Pallatit të Kulturës. (Afër Qendrës së Inovacionit në Ferizaj, rruga "Brahim Ademi", ora 10:40)
 
- Ministrja e Kulturës, Rinisë dhe Sportit Vlora Dumoshi pruron fushat e tenisit. (Afër Palestrës së Sporteve "Bill Clinton" në Ferizaj, ora 11:00)

- Mbahet seanca plenare e Kuvendit te Republikës së Kosovës. (Ndërtesa e Kuvendit, ora 11:00)

- Ministri i Infrastrukturës, Arban Abrashi dhe ministri i Transportit të Maqedonisë së Veriut, Blagoj Boçvarski mbajnë konferencë për medie. (Salla e konferencave në Qeveri të Kosovës, ora 11:15)

- Zëvendëskryeministri Besnik Tahiri viziton Komunën e Rahovecit. (Komuna e Rahovecit, ora 13:00)