30 Janar 2023

SHBA anulon 2700 fluturime për shkak të stuhisë dimërore

Washington, 17 janar - Linjat ajrore anuluan mbi 2700 fluturime në Shtetet e Bashkuara të dielën ndërsa një stuhi dimërore filloi të përshkonte të dielën bregun lindor të Shteteve të Bashkuara, sipas faqes së internetit FlightAware.com që regjistron të dhënat e fluturimeve.

Mbi 1500 fluturime u shtynë.

Agjencia American Airlines pati 600 fluturime të anuluara. Pothuajse 95% e fluturimeve nga aeroporti ndërkombëtar i Karolinës së Veriut, u anuluan, sipas FlightAware.

American Airlines po u jep mundësi udhëtarëve të riprenotojnë fluturimet pa pagesë shtesë.

Një stuhi e madhe dimërore do të prekë pjesën lindore të Shteteve të Bashkuara të dielën deri të hënën, tha Shërbimi Kombëtar i Motit.

Guvernatori i Xhorxhas, Brian Kemp, shkruante të dielën në Twitter se njerëzit duhet të shmangin udhëtimet jo të domosdoshme në zonat e prekura nga stuhia. Guvernatorët e Xhorxhias, Virxhinias, Karolinës së Veriut dhe Karolinës së Jugut kishin shpallur gjendje emergjence për shkak të stuhisë.

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)