24 Korrik 2019

Rrëzohet avioni i shoqërisë Ethiopian Airlines me 157 vetë në bord

Addis Abeba, 10 mars - Një avion i shoqërisë ajrore Ethiopian Airlines nga Addis Abeba u rrëzua menjëherë pas ngritjes të dielën në mëngjes, duke vrarë të 157 pasagjerët në bord.

Korporata shtetërore e Transmetimeve Etiopiane tha se avioni që u rrëzua pranë qytetit të Bishoftut kishte pasagjerë nga 33 vende të ndryshme të botës.

Linja ajrore tha se avioni humbi kontaktin me Aeroportin Ndërkombëtar Bole vetëm gjashtë minuta pasi u ngrit të dielën në mëngjes në orën 8:38 sipas orës lokale.

Kryeministri Abiy Ahmed tha në një deklaratë në Twitter: "Zyra e Kryeministrit, në emër të qeverisë dhe popullit të Etiopisë, shprehë ngushëllimet më të thella për familjet e atyre që kanë humbur të dashurit në avionin e linjës Ethiopian Airlines Boeing 737 në fluturimin e planifikuar për në Nairobi, të Kenia këtë mëngjes”.

Sipas të dhënave të Aviacionit Civil Planespotters, Boeing 737- MAX 8 ishte një avion i ri, që iu dorëzua linjës ajrore në nëntor.

Boeing lëshoi një deklaratë të shkurtër të dielën, duke thënë se "kompania është e vetëdijshme për njoftimet e një aksidenti dhe po e monitoron nga afër situatën."

Flightradar 24 tha në Twitter se "shpejtësia vertikale" e avionit etiopian "ishte e paqëndrueshme pas ngritjes".

Boeing 737- MAX 8 është i njëjti model i avionit që u ngrit në tetor nga Xhakarta dhe u rrëzua në detin Java disa minuta më vonë, duke vrarë të gjithë 189 njerëz në fluturim e linjës Lion Air.

Hetuesit me Komitetin Kombëtar të Sigurisë së Transportit të Indonezisë nxorën një raport paraprak nëntorin e kaluar, bazuar në informacionin e siguruar nga regjistruesi i të dhënave të fluturimit.

Sipas raportit, sistemi automatik i sigurisë e shtyu poshtë vazhdimisht hundën e avionit, pavarësisht përpjekjeve të dëshpëruara të pilotëve për të mbajtur kontrollin.

Ata besonjnë se sistemi i automatizuar që pengon avionin për të ngadalësuar shpjetësinë nëse fluturon shumë lartë, në versionin e ri të avionit Boeing të pasagjerëve, merr informacion të gabuar nga sensorët në trupin e avionit.

Avioni kishte një problem të ngjashëm me një fluturim nga ishulli turistik i Balit në Xhakarta një natë para përplasjes fatale.

Kalendari

Ngjarjet e datës 24 korrik 2019

- Drejtoresha e Misionit të USAID-it në Kosovë, Lisa Magno, do të dëshmojë nënshkrimin e Memorandumit të Mirëkuptimit me 14 komuna të Kosovës. (Hotel Emerald, ora 10:00) 

- Ministri i Infrastrukturës dhe Transportit Pal Lekaj merr pjesë përurimin e zgjerimit dhe rehabilitimit të hyrjes së pikës kufitare Kosovë - Shqipëri, në Vërmicë. (Pika kufitare e Vërmicës, ora 10:30)

- Kryetari i Komunës së Gjilanit, Lutfi Haziri pret në takim drejtorin e UNHCR. (Zyra e Kryetarit Haziri, ora 11:00)

- Ministri i Mjedisit dhe Planifikimit Hapësinor, Fatmir Matoshi, do të pres në takim kryetarin e Komunës së Malisheves, Ragip Bega, më të cilin do të nënshkruajnë memorandume të bashkëpunimit për financimin e projekteve në fushën e mjedisit. (Kabineti i Ministrit, kati 17, ish objekti Rilindja, ora 11:00)

- Qendra Mediale me mbështetjen e Fondacionit të Kosovës për Shoqëri të Hapur organizon mbahet debatin publik, me temë: "Taksa 100 për qind - kush fitoi, e kush humbi dhe çfarë?". (Qendra Mediale në Çagllavicë, ora 11:00)

- Ministria e Diasporës dhe Investimeve Strategjike në bashkëpunim me Komunën e Prishtinës organizon panairin me punime artizanale, veshje kombëtare dhe ushqime tradicionale. (Sheshi “Skënderbeu”, ora 11:00)

 - Kryetari i Komunës së Gjilanit, Lutfi Haziri pret në takim Sam Paice, udhëheqës i sektorit për demokratizim në Ambasadën Britanike. (Zyra e Kryetarit Haziri, ora 11:30)

- Komuna e Gjilanit organizon ceremoninë e dorëzimi te donacionit për shëndetësi nga Besnik Benz. (Qendra Klinike e Mjeksësisë Familjare, ora 12:30)

- Lëvizja Vetëvendosje mban konferencë për media. (Zyrët e Vetëvendosjes, ora 13:00)