30 Janar 2023

PTK publikon listën e tretë të borxhlinjve

Prishtinë, 23 shkurt - PTK publikon listën e tretë të borxhlinjve më të mëdhenj, duke qenë e obliguar që konform ruajtjes së pasurisë së saj dhe me qëllim të rritjes së mëtutjeshme, të bëjë identifikimin e një liste tjetër të borxhlinjve të saj.

PTK vlerëson se me rastin e privatizimit të disa ndërmarrjeve publike nga AKM-ja, do të duhej të arkëtonte një vlerë prej 1,356,607.97 euro në emër të faturave të pashlyera të këtyre ndërmarrjeve.

Listës së tretë të borxhlinjve më të mëdhenj i prijnë “DPH - TE ZHUTI” me 7 mijë euro fatura të papaguara, “NTP "Trilujeta", me 5 mijë euro, “Instituti Resarch and Development-Shtime”, me borxh prej mbi 4 mijë euro, “AIGC -Sh.p.k”, 5 mijë euro, “N.T.P.Leka Med”, gjithashtu 5 mijë euro, “Ardita”-Gjakovë, borxh prej 5 mijë euro, “Kosovatrans-Gjakovë”, 4 mijë euro, etj. Kompanitë dhe ndërmarrjet private që i kanë borxh PTK-së në vlerë prej 4 mijë euro janë edhe: “Ilirija”, Gjakovë, N.N.T.P.SH.-Kastrioti”, Prishtinë, “Foto-Dizdari”, Prishtinë, NTP “Gigi”, Ferizaj; “Asllani Tours”, Gjakovë; etj.

Në këtë listë në krye të borxhlinjve individualë janë Kastriot Miftar Januzaj me borxh prej 18 mijë euro, Nezir Haki Mustafaj 17 mijë euro, Mentor Fehmi Gashi 16 mijë euro, Fidan Niman Sejdiu 15 mijë euro,  Arjan Gani Hasanaj 14 mijë euro, Arlind Avni Kryeziu 13 mijë euro, Besim Smajl Gashi 12 mijë euro, etj.

Kjo është hera e tretë që PTK bën publikimin e emrave të borxhlinjve, me këtë rast është vërejtur një lëvizje pozitive në disa riprogramime të borxheve dhe disa pagesa si në Telekomin e Kosovës ashtu edhe në VALA. Megjithatë, PTK shpreson se kosumatorët borxhlinj do të konsiderojnë këtë nismë të PTK-së si shumë serioze dhe do të vazhdojnë të përgjegjen pozitivisht, pasi që pas identifikimit të borxhlinjve ka pasur shumë telefonata nga konsumatorët për të marrë informata shtesë rreth borxheve që kanë dhe mundësisë së shlyrjes së tyre me këste.

Bazuar në statistikat e fundit të Komisionit të Arkëtimit të Borxheve, borxhi i përgjithshëm i konsumatorëve ndaj Postës dhe Telekomit të Kosovës edhe më tutje mbetet në shifra të larta, përkatësisht në mbi 40 milionë euro. Për këtë arsye, PTK  ka ngritur mijëra padi në gjykatat kompetente, megjithatë për fat të keq, vetëm një numër i vogël i tyre kanë përfunduar me sukses.

PTK do të publikojë sërish listat e borxhlinjve të saj, pa përjashtim, me synimin e vetëm që kjo do të mund të ketë efekt në ndërgjegjësimin e institucioneve, komunave, organizatave partiake, biznesve private dhe individëve borxhlinj, të cilët tash e sa kohë i kanë të pashlyera faturat ndaj PTK-së.

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)