06 Dhjetor 2022

PTK publikon listën e radhës të topborxhlinjve

Prishtinë, 2 korrik - Mbetet edhe më tutje mbi 43 milionë euro borxhi i përgjithshëm i konsumatorëve ndaj Postës dhe Telekomit të Kosovës, sipas të dhënave të fundit të mbledhura.

Borxhlinjtë e PTK-së, ende evidentohen të jenë si konsumatorët individualë, ashtu edhe bizneset, institucionet vendore e ndërkombëtare. Ndonëse në Gjykata janë proceduar lëndët në vlerë të borxhit prej mbi 18 milionë eurosh, ato mbeten peng i procedurave tejet të ngadalësuara të shqyrtimit.  Pjesë e këtij borxhi, janë edhe borxhet e krijuara në periudhën 1999 – 2005, si pasojë e trashigimit nga menaxhmentet e mëhershme, të cilat nuk kanë ndërmarrë ndonjë veprim konkret për parandalimin apo shlyrjen e këtyre borxheve, në veçanti ndaj Telekomit të Kosovës.

Listës së borxhlinjve më të mëdhenj i prijnë, borxhet e konsumatorëve serbë të Mitrovicës, me mbi 3 milionë euro, ndërkohë që borxhlinj të PTK-së janë edhe institucionet e ndryshme publike e ndërkombëtare.  Agjencioni Kosovar i Privatizimit, më saktësisht ndërmarrjet të cilat kanë shkuar në likuidim kanë lënë borxhin prej 940 mijë eurosh ndaj Telekomit të Kosovës. Topborxhlinjtë e Telekomit të Kosovës janë institucionet dhe ndërmarrjet e shumta publike, shtetërore dhe private. Kështu, Shtëpia e Shëndetit në Mitrovicë ka borxh të pashlyer prej 53 mijë eurosh; Spitali i Përgjithshëm në Pejë 52 mijë euro, Universiteti i Prishtinës, 35 mijë euro; Hotel Theranda, 35 mijë euro: Ministria e Arsimit, Shkencës dhe Teknologjisë 14 mijë euro; Fakulteti Ekonomik, 20 mijë euro; Banka Kreditore, 18 mijë euro; Gjykata Komunale në Kamenicë, 15 mijë euro, etj.

Edhe Njësia tjetër Biznesore e PTK-së, Vala, posedon me një listë të gjatë të ndërmarrjeve tregtare dhe konsumatorëve individualë që edhe më tutje nuk kanë paguar faturat e tyre, përfshirë PTP “Style Com”, me borxh prej 19 mijë euro, N.Sh “Sistemi Multi Leven Marketing” me 18 mijë euro, Mentor Fehmi Gashi nga Prishtina me 70 mijë euro, Arben Ali Buduri nga Hoqa e qytetit (Prizren) me 37 mijë euro, Avni Murat Bajrami nga Ferizaji me 33 mijë euro, Xhemajl Halil Tolaj nga fshati Prilep komuna e Deçanit me 32 mijë euro, Imer Ramë Gashi nga Prizeni me 24 mijë euro, Arjanit Nexhmedin Selimaj nga Gjilani me 24 mijë euro, Rexhë Haxhi Sadikaj nga Deçani me 23 mijë euro, Agim Haxhë Hajdaraj nga Peja me 20 mijë euro, etj.

PTK fillimisht ka themeluar një komision për arkëtimin e borxheve, i përbërë nga punëtorë të tri njësive të biznesit. Komisioni është i shtrirë asisoji që mbulon të gjitha rajonet e vendit. Komisioni ka hartuar planin e veprimit dhe ka filluar kontaktet me konsumatorët borxhlinj. Nga këto kontakte deri më tash janё arkëtuar  mbi 3 milionë euro.

Ekziston strategjia, e cila në vete përmban disa masa që janë aprovuar nga menaxhmenti i PTK-së e që përfshin; kontaktin me konsumatorin - informimin për gjendjen aktuale në faturën e tij, vërejtjen e fundit dhe shkyçjen.

Posta dhe Telekomi i Kosovës u ka tërhequr vërejtjen të gjithë borxhlinjve të saj që të shlyejnë të gjitha borxhet që kanë ndaj korporatës më të madhe në vend, mirëpo ky apel i mirëkuptimit nuk është respektuar nga ana e tyre. Shlyerja e borxheve ndaj PTK-së mund të bëhet edhe me këste, por që konsumatorët paraprakisht duhet të lidhin një kontratë dhe këtë mund ta paguajnë deri në 36 këste, kjo duke ju falënderuar politikave shumë liberale të menaxhmentit aktual të PTK Sh.A.

PTK në vazhdimësi u përkujton të gjithë borxhlinjve e saj, përfshirë këtu institucioneve, kompanive private e publike dhe individëve për shlyerjen e detyrimeve që kanë ndaj kompanisë sonë. Në të kundërtën, nëse edhe pas këtyre afateve dhe lehtësive nuk ka rezultate, atëherë PTK, është e detyruar të bëjë publikimin e emrave të borxhlinjve në mjetet e informimit (siç ka ndodhur edhe në të kaluarën) dhe pas një afati të shkurtёr kohor lëndët t’i dërgojë në gjykatë për procedim të mëtutjeshëm.

PTK i bën thirrje edhe një herë organeve kompetente, konkretisht gjykatave komunale që të jenë sa më efikase në procedimin sa më të shpejtë të lëndëve gjyqësore me konsumatorët e PTK-së, e cila është pasuri e Republikës së Kosovës.
 

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)