30 Janar 2023

Privatizimi i PTK-së, 5 kompani ndërkombetare aplikojnë

Prishtinë, 27 Shtator - Në përgjigje të thirrjes për para-kualifikim, të publikuar më 4 Gusht 2010, për participimi në tenderin e privatizimit të Postë dhe Telekomunikacionit të Kosovës, të lëshuar nga Komisioni Qeveritar për Privatizim, 5 kompani kanë dorëzuar dokumentacionin për para-kualifikim.

Kompanitë që kanë aplikuar janë:

-  AlbTelecom Sh.A, Shqipëri (Shumica e aksioneve janë në pronë të  Calik Group dhe Turk Telekom).
-  Hrvatski Telekom d.d. (HT), Kroaci ( Shumica e Aksioneve të HT janë në pronë të Deutsche Telekom)
-  Orascom Telecom Holding S.A.E., Egjipt
- Telekom Austria AG, Austria
- Sabafon, Jemen

Kompanitë e listuara më lartë janë operatorë seriozë ndërkombëtarë të telekomit dhe me këtë konfirmohet interesimi i madh për PTK.

Aplikacionet janë hapur sot më 27 Shtator 2010, në prezencë të komisionit për hapje dhe përfaqësuesve të autorizuar të aplikantëve.

Qëllimi i para-kualifikimit është selektimi i investitorëve që kanë kapacitetin e kërkuar ligjor, financiar dhe teknik për participim në tenderin dhe procedurat konkurruese të privatizimit të PTK-së.

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Partia Demokratike e Kosovës mban sot konferencë. (Selia Qendrore e PDK-së, ora 14:00)


- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)