07 Prill 2020

Posta vazhdon punën në tërë Kosovën

Prishtinë, 16 mars - Përkundër situatës së krijuar pas konfirmimit të coronavirusit në vendin tonë, Posta e Kosovës është duke ofruar shërbime në të gjitha komunat e Kosovës.

Janë ndërmarrë të gjitha masat mbrojtëse për punëtorët dhe konsumatorët, përfshirë dezinfektimin e të gjitha zyrave postare dhe objekteve tjera përcjellëse.

Për të parë nga afër masat e ndërmarra, Kryeshefi Ekzekutiv Shefqet Avdija ka vizituar zyra postare në regjionin e Prishtinës dhe Ferizajt, për të parë nga afër funksionimin e zyrave postare.

Kryeshefi ka përgëzuar punonjësit për gatishmërinë e tyre të lartë në shërbim të qytetarëve.

Ai ka premtuar se krahas sektorit të shëndetësisë, të sigurisë dhe institucioneve të tjera, edhe Posta e Kosovës do të vazhdoj të jetë pranë secilit qytetar pavarësisht gjendjes së rënduar.

Kryeshefi Avdija ka falënderuar të gjithë punonjësit e Postës dhe të gjithë konsumatorët për respektimin e masave mbrojtëse që janë në interes të përgjithshëm.

Secili qytetar mund të informohet me orarin e zyrave postare në webfaqen e Postës së Kosovës e po ashtu edhe në faqen e saj zyrtare në facebook.

Kalendari

Ngjarjet e datës 7 Prill 2020

- Kryetari i Komunës së Gjilanit, Lutfi Haziri pret kryeministrin në detyrë, Albin Kurti. (Qendra Operative Emergjente tek kampusi i shkollave të mesme, ora 9:00)

- Kryetari i Partisë Demokratike të Kosovës, Kadri Veseli viziton Qendrën Kryesore të Mjekësisë Familjare në komunën e Ferizajt. (Ferizaj, ora 11:00)

- Kryetari i Partisë Demokratike të Kosovës, Kadri Veseli takohet me një grup biznesmenësh nga Ferizaj. (Ndërtesa e re e Komunës se Ferizajt, ora 12:00)

- Sindikata e Pavaur e Sektorit Privat të Kosovës mban takimi me ministrin e financave Besnik Bislimi. (Ndërtesa e Ministrisë së Financave, ora 13:30)

- Partia Demokratike e Kosovës, mban konferencë për media. (Selia e PDK-së, ora 16:00)