11 Gusht 2020

Posta ka shpërndarë sot mbi 70 për qind të asistencave sociale

Prishtinë, 24 mars - Përkundër fluksit të madh të qytetarëve, Posta e Kosovës ka arritur që vetëm gjatë ditës së sotme të shpërndajë mbi 70 për dqind të asistencave sociale  nga gjithsejtë 21,373 perfitues të kësaj  asistence.

Ballafaqimi me mijëra përfitues të asistencës sociale ka qenë mjaft sfidues por me një përkushtim dhe përgjegjësi të lartë punonjësit e Postës kanë arritur ta menaxhojnë këtë proces duke i shërbyer secilit qytetar.

Ka qenë një ditë mjaft e vështirë duke marrë parasysh se numër i madh i qytetarëve kanë ardhur para zyrave postare ende pa filluar orari i punës. Mirëpo, në bashkëpunim të ngushtë me Policinë e Kosovës kemi arritur që të sigurohet mbarëvajtja e procesit duke mbajtur me përpikëri distancën sociale prej 2 metrave brenda secilës zyre postare por edhe jashtë tyre, përkundër motit të ftoftë.

Pamje të grupeve të njerëzve që kanë qarkulluar në rrjete sociale në orët e hershme të mëngjesit, para orës 09:00, para fillimit të orarit zyrtar të punës, shumica kanë qenë të manipuluara dhe dashakeqëse jo vetëm ndaj punonjësve tanë që me vetëmohim janë duke punuar çdo ditë, por nuk është kursyer as kategoria e qytetarëve që jetojnë nga asistenca sociale.

Posta e Kosovës është krenare që ka menaxhuar me sukses një operacion kaq madh të shpërndarjes masive të asistencave sociale duke marrë parasysh situatën emergjente në të cilën ndodhemi të gjithë.

Kryeshefi Ekzekutiv Shefqet Avdija ka falënderuar të gjithë punonjësit e Postës si dhe qytetarët që bashkërisht e përfunduam pjesën dërrmuese të punës pa asnjë incident të vetëm dhe duke respektuar masat mbrojtëse shëndetësore.

Posta e Kosovës nuk do të ndalet, pavarësisht rrethanave, dhe do të jetë gjithnjë pranë secilit qytetar me të gjitha shërbimet dhe produktet e saj.

 
 

Kalendari

Ngjarjet e datës 11 Gusht 2020

- Ministri i Infrastrukturës, Arban Abrashi, do t’i vizitojë punimet në hekurudhën e Kosovës, linjën 10, në stacionin hekurudhor në Miradi. (Miradi, ora 10:00 - nisja për medie nga parkingu i Ministrisë së Infrastrukturës, ora 9:30)

-  Komisioni për Mbikëqyrjen e Financave Publike shqyrton Raportin e Auditimit për Ministrinë e Diasporës dhe Investimeve Strategjike, për vitin e përfunduar më 31 dhjetor 2019. (Salla e seancave plenare, ora 10:00)

- Ministrja e Kulturës, Rinisë dhe Sportit, Vlora Dumoshi, do të vizitojë Komunën e Malishevës ku do te takohet me kryetarin Ragip Begaj. (Objekti i Komunës, ora 10:00)

- Ministri i Drejtësisë, Selim Selimi raporton para Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit diskuton lidhur me programin legjislativ për vitin 2020 respektivisht të Projektligjeve të Ministrisë së Drejtësisë si dhe për gjendjen në Institucionet Korrektuese në Republikën e Kosovës për shkak të Pandemisë me Covid-19. (Salla e seancave plenare, ora 13:00)

- Zëvendëskryeministri Besnik Tahiri viziton Fondin e Kursimeve Pensionale të Kosovës për të diskutuar rreth rimëkëmbjes ekonomike. (Ndërtesa e TRUST-it, Rruga "Agim Ramadani", ora 11:00)

- Instituti Demokratik i Kosovës organizon konferencën për media ku do të shpalosen gjetjet nga analiza e burimit të problemeve në mos zbatimin e rekomandimeve të Auditorit të Përgjithshëm nga komunat. (Zyrat e KDI-së, ora 11:00)

-  Komisioni për të Drejtat e Njeriut, Barazi Gjinore, për Persona të Pagjetur dhe Peticione shqyrton raportin e panelit përzgjedhës për shqyrtimin e aplikacioneve, intervistim dhe listën e ngushtë të kandidatëve për Avokat të Popullit. (Ndërtesa e Kuvendit, salla N302, ora 13:00)

-  Komisioni Hetimor Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës dëgon dëshmitë e dëshmitarëve. (Ndërtesa e Kuvendit, salla N10, ora 14:30)

- Organizata ETEA dhe Biblioteka “Hivzi Sulejmani” organizojn takim me shkrimtarin dhe kryetarin e Akademisë së Shkencave dhe Arteve, Mehmet Kraja. (Qendra për Edukim dhe Kulturë “Libart” në objektin e bibliotekës “Hivzi Sulejmani” në lagjen “Dardania”, ora 18:00)  .