29 Mars 2024

Përurohet asfaltimi i rrugëve në Rugovë, premtohen investime tjera

Prishtinë, 15 tetor - Ministri i Infrastrukturës, Arban Abrashi, bashkë me kryetarin e Komunës së Pejës, Gazmend Muhaxheri, kanë marr pjesë në asfaltimin e rrugëve Koshutan-Hajl-Rugovë dhe Dugaiev-Gunisht-Shkrel-Rugovë.

Ministri Abrashi tha se asfaltimi i këtyre rrugëve shërben në zhvillimin e turizmit dhe në lidhjen e fshatrave të kësaj ane.

Ai tha se orientimi në mbështetjen e turizmit në Kosovë për mes infrastrukturës krijon vende të reja të punës dhe ndikon në zhvillimin ekonomik.

“Mbështetja e turizmit përmes krijimin të infrastrukturës që po bëhet në Pejë do të ketë impakt edhe në zhvillim ekonomik dhe në hapjen e vendeve të reja të punës. Tashmë janë disa projekte që po zhvillohen në këtë pjesë të Pejës, që do ta krijojnë një lidhje edhe më të mirë për banorët dhe për vizitorët”, tha Abrashi.

Ndërsa i pari i Pejës, Muhaxheri i ka quajtur investime strategjike asfaltimin e këtyre rrugëve në Rugovë, duke theksuar se do të ndikojnë direkt në zhvillimin e turizmit.

Abrashi tha se do të ketë investime tjera bazuar në memorandumin në mes Ministrisë së Infrastrukturës dhe Komunës së Pejës. ​ 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)