03 Shkurt 2023

Ndërpritet greva e pilotëve tek Lufthansa

Berlin, 23 shkurt - Greva e pilotëve të shoqërisë ajrore Lufthansa u ndërpre. Kompania dhe sindikata e pilotëve Cockpit në negociata në Gjykatën e Punës në Frankfurt ranë dakord të rifillojnë menjëherë dhe pa kushte bisedimet për rrogat e pilotëve në Gjermani.

Qarkullimi ajror do të rifillojë qysh të sot. Sindikata zotohet të ndërpresë grevën deri në 8 mars dhe të thërrasë sërish në punë pilotët sot.

Këto rregulla vlejnë edhe për Germanwings dhe spedicionin, Lufthansa Cargo. Përmes grevës sindikata e pilotëve synonte të shmangte konkurrencën brenda kompanisë, e cila mund të lindë për shkak të shoqërive të lira bija të Lufthansës jashtë Gjermanisë.

Kaosi i madh që pritej dje në aeroportet gjermane nuk ndodhi. Shumë pasagjerë ishin përgatitur për grevën e paralajmëruar. Hekurudha gjermane vuri në dispozicion trena shtesë.

Një zëdhënëse e Lufthansës përmendi dëmin ndaj pasagjerëve dhe e cilësoi grevën të ekzagjeruar. Lufthansa thotë se pasagjerët brenda vendit po dërgohen në udhëtime të linjave të tjera ajrore.

Ndërkohë në Francë, kontrollorët e trafikut ajror pritet të hyjnë në grevë nesër. Pesë sindikata franceze kanë bërë thirrje për një grevë katërditore lidhur me planet për integrimin e kontrollit ajror evropian.

Punonjësit evropianë kanë shprehur shqetësimin se ky konsolidim do të sjellë si rezultat shkurtim vendesh pune dhe sigurimesh. 

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)

- Parlamenti i Studentëve të Universitetit të Prishtinës organizon marsh kundër Asociacionit, dhe në shënim të 53-vjetorit të themelimit të UP-së. (Biblioteka Kombëtare, ora 16:00)