05 Dhjetor 2022

MPB dhe PTK nënshkruan marrëveshje bashkëpunimi

Prishtinë, 7 korrik - Sot, u nënshkrua marrëveshja e bashkëpunimit midis Bajram Rexhepi, ministër i Punëve të Brendshme dhe Shyqri Haxha, shef Ekzekutiv i Post-Telekomit të Kosovës.

Pas nënshkrimit të marrëveshjes, përmes së cilës do të konkretizohet funksionalizimi i komunikimit më të mirë për të gjitha institucionet e sigurisë që kanë të bëjnë me Ministrinë e Punëve të Brendshme, ministri Rexhepi theksoi se “ju e dini që kohë më parë kemi bërë një Memorandum të bashkëpunimit me Post-Telekomin e Kosovës, të cilët na kanë bërë lehtësime për Ministrinë tonë me kabllot fibroptike, që të kemi një qasje shumë më të shpejtë në shërbimet tona me lehtësimet që brenda rrethit të jetë çmimi i impulsive shumë më i vogël edhe për Agjencionin e Policisë së Kosovës, por edhe përgjithësisht të Ministrisë së Punëve të Brendshme.

Në vazhdën e konkretizimit dhe implementimit, tash kjo marrëveshje po realizohet dhe ky bashkëpunim zgjerohet edhe më tutje, pasi edhe pjesëtarët e Policisë së Kosovës të komunitetit serb kanë interesim të madh për shkak edhe të çmimeve dhe racionalitetit që jep ky bashkëpunim.

Natyrisht që komunikimi përmes radiolidhjeve ka mundësi që të përgjohet më lehtë, ndërsa përmes telefonave celularë me çmime minimale komunikimi mes pjesëtarëve të Agjencionit të Policisë do të jetë shumë më efikas dhe më i sigurtë. Që të gjitha këto shkojnë në favor edhe të rritjes së efikasitetit të punës së Ministrisë së Punëve të Brendshme, por edhe me çmime minimale dhe ne si zakonisht kemi patur përkrahje nga PTK-ja, e cila i ndihmon institucionet e Kosovës.

Duhet të paralajmëroj edhe për një mundësi të një bashkëpunimi më të ngushtë të një memorandumi që pritet të realizohet midis Agjencionit të Regjistrimit Civil. Deri tash dërgimi i pasaportave për qytetarët është bërë përmes zyrave komunale të regjistrimit civil, që është dashur të vijnë automjetet dhe punëtorët që kanë punuar dhe kanë humbur kohë duke patur shpenzime shumë më të mëdha.

Meqë PTK është furnizuar me automjete të reja dhe kanë kapacitet që kjo të jetë e dobishme ku do të shtohen punët për PTK-në dhe njëkohësisht njëjtë do të na zvogëlohen shpenzimet dhe do të rritet efikasiteti dhe shpejtësia e dorëzimit të pasaportave deri te aplikuesi.

Shyqri Haxha, shef Ekzekutiv i PTK-së tha në fjalën e tij se “ky është hapi i parë i implementimit të Marrëveshjes së mirëkuptimit. Ne si PTK do t’i ofrojmë të gjitha shërbimet, të cilat MPB-së i nevojiten. Bëhet fjalë për rreth 8 mijë konsumatorë të operatorit “Vala” dhe është e pamundur që të luftohet krimi apo dukuritë negative pa një standard të lartë të teknologjisë informative, të cilën tash e tutje PTK do t’ia ofrojë MPB-së”, theksoi z. Shyqri haxha, shef Ekzekutiv i Post-Telekomit të Kosovës.

 

Kalendari

Ngjarjet e datës 5 dhjetor 2022 - Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 interviston Njazi Thaçin, Luigj Imerin, Perparim Kabashin, Nagip Krasniqin, Faruk Hajrizin, Rrezarta Pllanën, Hysen Fazliun, Musa Misinin, Skender Hazirin, Ali Hamitin, Izet Rushitin dhe Krenar Bujupin. (Ndërtesa e Kuvendit, salla N204, ora 11:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)