05 Qershor 2020

MAP mbanë diskutimin e radhës me Agjencinë e Aviacionit Publik

Prishtinë, 18 prill - Në kuadër të debatit katër ditor të organizuar nga Ministria e Administratës publike, me përfaqësues të Aviacionit Publik, të Ministrisë së Infrastrukturës, të ZKM-së, të ZK-së së BE-së, të SIGMA-s dhe të shoqërisë civile, u fol për ndryshimet dhe plotësimet e Ligjit NR.03/L-051 për Aviacionin Civil.

Me këtë rast u tha se Republika e Kosovës, përkatësisht AAC-ja, e themeluar me ligjin bazik është përgjegjëse për rregullimin e sigurisë së aviacionit civil dhe rregullimin ekonomik të aeroporteve dhe shërbimeve të navigacionit ajror në Republikën e Kosovës. AAC-ja ka statusin e agjencisë ekzekutive në kuadër të ministrisë përgjegjëse për infrastrukturë dhe transport. Ndaj veprimtaria e AAC-së do të mbikëqyret nga Qeveria dhe nga ministri i ministrisë përgjegjëse për infrastrukturë. Ndërsa, pas gjashtë muajve, pas hyrjes në fuqi të këtij ligji, ministria do të bëjë ndryshimi-plotësimin e Rregullores për organizimin e brendshëm me të cilin do të përcaktohet struktura organizative e AAC-së. Ndërkaq, të punësuarit e AAC-së do të vazhdojnë të kenë statusin e nëpunësve civilë edhe pas hyrjes në fuqi të këtij ligji.

Rreth këtyre risive që praktikisht i sjell projektligji në debat, u diskutua në mënyrë detale. Mbi këtë bazë, doli konstatimi se AAC-ja, nuk duhet të ketë kurrfarë lidhjeje, me Kuvendin e Kosovës, për faktin se veprimtaria e këtij institucioni nuk përputhet me atë të Kuvendit. Meqë, me këtë rast, u preken shumë çështje, që kërkojnë trajtim të posaçëm, u kërkua që në ditët në vijim të caktohet një takim me përfaqësuesit e Sekretariatit për Racionalizimin e Agjencive për të diskutuar më në detaje çështjen e AAC-së.
 

Kalendari

Ngjarjet e datës 5 Qershor 2020

- Pranimi i detyrës nga Ministri i zgjedhur, Selim Selimi. (Ministrinë e Drejtësisë, objekti ish-Rilindja, ora 9:00)

- Fillon pastrimi i deponisë inerte në fshatin Lebane. (Përfundimi i autostrades në anën e djathtë, ora 10:00)

- Mahet mbledhja e komisionit për Mbikëqyrjen e Financave në të cilën do të behët shqyrtimi i raportit të auditimit për Pasqyrat vjetore financiare të Ministrisë së Drejtësisë. (Ndertesa e Kuvendit, salla  N302, ora 10:00)

- Në kuadër të fushatës "Ta Pastrojmë Kosovën", Komuna e Prizrenit do t'i bashkëngjitet fushatës globale "Dita e Pastrimit të Botës 2020”, për të promovuar rëndësinë e kujdesit ndaj mjedisit, duke marrë për bazë faktin se ky aktivitet do të promovohet në nivel global. (Brigjet e liqenit të Vërmicës, ora 10:30)

- Për Ditën Botërore të Mjedisit, Instituti për Politika Zhvillimore organizon panelin e diskutimit me titull “Tani është koha për natyrën!”. (Hotel Sirius, ora 11:00)

- Kryetari i degës së PDK-së në Prizren Shaqir Totaj, do të mban një konferencë për Media. (Zyret e degës në Prizren, ora 11:00)

- Ministri i Ekonomisë dhe Ambientit, Blerim Kuçi, pranon detyrën. (Ndërtesa e Ministrisë se Ekonomisë dhe Ambientit, ish-objekti i MZHE-së, ora 13:00)

- Ekipa qëndrore e “Ta Pastrojmë Kosovën” së bashku me vullnetarët fillon aktivitetet në Komunën e Suharekës, ku do të ketë aksion pastrimi dhe mbjellje, në bashkëpunim me komunën e Suharekës. (Suharekë, ora 14:30)