06 Tetor 2022

Mali i Zi pritet të aplikojë sigurimin për kosovarët

Podgoricë, 28 maj - Pas mbi dy dekadash pritet që nga mesi i qershorit të hiqen polisat e sigurimit ndërmjet Kosovës dhe Malit të Zi.

Lëvizja  nga 15 qershori drejt Malit të Zi bëhet vetëm me TPL Plus apo karton i gjelbër, i cili po ashtu duhet paguar varësisht nga kubikazha e automjeteteve dhe koha e sigurimit vjetor që kanë veturat.

Pra ashtu sikur për Maqedoni edhe për në Malin e zi duhet shkuar me TPL Plus apo kartonin e gjelbër.

Miliona euro u janë shkaktuar shqiptarëve nga Kosova dhe atyre nga Mali zi gjatë vajtje-ardhjeve në Malin e Zi dhe Kosovë, por të cilat shpenzime nuk do të ulen sepse duhet paguar TPL Plus apo kartonin e gjelbër e cila ekziston gjithandetj.

Zëvendëskryeministrja e Kosovës Emilia Regjepi, tha për "Syri.net", se më në fund pas mbi 20 vjetësh qytetarët e Kosovës dhe ata nga Mali i Zi, do të lëvizin andej e këndej  pa pilcë të veçantë sigurimi.

Sipas saj pas arritjes së marrëveshjes pritet që të realizohet nënshkrimi nga 3 deri me 6 qershor dhe të fillon zbatimi i saj nga 15 qershori.

Sipas saj marrëveshje të reja pritet të bëhen edh eme shtete tjera.

Drejtori i Byrosë së Sigurimeve të Kosovës, Sami Mazreku,tha për "Syri.net", se BKS-ja ka autoritetin dhe autorizimin për të nënshkruar marrëveshje bilaterale mbi njohjen e politikave të sigurimit midis dy vendeve, në këtë rast me Malin e Zi, sipas tij kanë mbetur edhe disa çështje teknike, para nënshkrimit të marrëveshjes e cila do të ndodh në javën e parë të qershorit derisa zbatimi pritet të nisë nga 15 qershori.

Edhe drejtori i Byrosë së Siguruesve të Malit të Zi Boris Shaban, ka treguar se kanë komunikuar me kolegët nga BKS, për t’i gjetur mënyrat  alternative e zgjidhjes së  kësaj çështjeje, por ka shumë detaje teknike që duhet të zgjidhen përpara nënshkrimit të një marrëveshjeje të mundshme

/syri.net/

Kalendari

Ngjarjet e datës 6 tetor 2022

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton raporti me amendamente për Projektligjin për ndryshimin dhe plotësimin e Ligjit për Procedurën Përmbarimore. (Ndërtesa e Kuvendit, salla N303, ora 9:00)

- Byroja Kosovare e Sigurimit shënon 11 vjetorin e themelimit. (Hotel Venus, ora 9:00)

- Ministria e Punëve të Brendshme e Kosovës dhe UNDP Kosova do të organizojnë  fillimi e fushatës për ndërgjegjësimin e publikut  “Festo me zemër, jo me armë” që synon ngritjen e vetëdijes për rrezikun e posedimit dhe keqpërdorimit të armëve të vogla dhe të lehta. (Swiss Diamond Hotel, ora 10:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike interviston anëtaret e bordit të KEK-ut, për periudhën 2006-2008. (Ndërtesa e Kuvendit, salla N10, ora 10:00)

- Oda Amerikane po organizon tryezën e rrumbullakët me titullin "Ndërtimi i partneritetit për përmirësimin e kujdesit ndaj pacientëve në Kosovë", për të diskutuar lidhur me këtë temë dhe sfidat e tjera në fushën e kujdesit shëndetësor, me ekspertë eminentë nga Kroacia. (Hotel Swiss Diamond, ora 10:00)

-  Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës interviston Jeton Mehmetin Kryesues i Bordit të Drejtorëve të KOSTT. (Ndërtesa e Kuvendit, salla N302, ora 10:00)

- Avokati i Popullit organizon dëgjime publike përkitazi me hetimin e përgjithshëm për shëndetin riprodhues. (Salla e Kuvendit Komunal të Prishtinës, ora 10:00)

- Ministrja e Ekonomisë, Artane Rizvanolli do të mbajë konferencë për media me temë 'Masat për subvencionim të efiçiencës së energjisë për qytetarët'. (Ministria e Ekonomisë, salla e takimeve, ora 11:00)

- Këshilli i Pavarur Mbikëqyrës për shërbimin civil të Kosovës raporton para Komisionit për Administratë Publike, Pushtet Lokal, Media dhe Zhvillim Rajonal lidhur me punën 6 mujore të vitit 2022. (Ndërtesa e Kuvendit, salla C203, ora 12:00)

- Me rastin e vdekjes së ish komandantit të Ushtrisë Çlirimtare të Kosovës, Deli Lekaj, Komuna e Deçanit organizon mbledhjen komemorative. (Salla e Kuvendit të Komunës, ora 12:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C301, ora 13:30)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike interviston anëtaret e bordit të KOSTT-it, për periudhën 2006-2008. (Ndërtesa e Kuvendit, salla N10, ora 14:00)