30 Janar 2023

Linjat ajrore regjistruan mbi 51 miliardë dollarë humbje në 2021

Paris, 4 tetor - Shoqata Ndërkombëtare e Transportit Ajror (IATA) ka bërë të ditur se linjat ajrore pritet të pësojnë një humbje kumulative globale prej 51,8 miliardë dollarë këtë vit për shkak të COVID-19, megjithatë do të hyjnë në 2022 me një humbje të reduktuar në 11,6 miliardë dollarë.

Këto parashikime, të publikuara me rastin e Asamblesë së Përgjithshme të IATA-s në Boston, janë më pesimiste sesa ato të publikuara në prill, kur organizata priste një humbje prej 47,7 miliardë këtë vit.

IATA, gjithashtu, ka rishikuar lart humbjen e pësuar nga kompanitë në vitin 2020, në 137,7 miliardë dollarë kundrejt 126,4 të përmendur më parë.

“Pavarësisht nga ndikimi i madh i situatës shëndetësore në sektorin e aviacionit, që do të rezultojë në humbje kumulative prej më shumë se 200 miliardë dollarë midis 2020 dhe 2022, ne kemi kaluar kryesisht pikën më të ulët të krizës”, tha drejtori ekzekutiv i IATA-s, Ëillie Ëalsh.

Sipas IATA-s, kompanitë amerikane, që përfitojnë nga një treg i fortë vendas, do të jenë “të vetmet në territorin financiar pozitiv në 2022, me një fitim të pritshëm prej 9,9 miliardë dollarë”.

Nga ana tjetër, kompanitë evropiane, më të ekspozuara ndaj rrjeteve të largëta ende të paralizuara nga mbyllja dhe kufizimet kufitare, do të mbeten qartë në deficit në vitin 2022, me një humbje të pritshme prej 9,2 miliardë dollarësh.

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Partia Demokratike e Kosovës mban sot konferencë. (Selia Qendrore e PDK-së, ora 14:00)


- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)