11 Gusht 2020

Linjat ajrore botërore kërkojnë ndihma për të shpëtuar industrinë e transportit ajror

Bruksel, 26 mars - Linjat ajrore botërore u kanë kërkuar qeverive të shpejtojnë ndihmat për të shpëtuar industrinë e transportit ajror, pasi sipas vlerësimit të tyre humbja e të ardhurave për vitin 2020 nga kriza e koronavirusit është mbi 250 miliardë dollarë amerikanë.

Alexandre de Juniac është drejtori i përgjithshëm i Shoqatës Ndërkombëtare të Transportit Ajror.

"Tani që kriza është zgjatur, ne kemi para edhe për rreth dy muaj ose pak më pak. Pas kësaj, paratë do të na mbarojnë, kështu që na duhet dëshpërimisht një injektim të hollash në industrinë tonë. Kemi vlerësuar një shumë prej 200 miliardë dollarë amerikanë si nevojë për industrinë e linjës ajrore."

Shumë linja ajrore në botë kanë disa javë që nuk kryejnë fluturime dhe për të mbijetuar kanë kërkuar mbështetjen e qeverisë.

IATA thotë se pa mbështetjen e qeverisë, pothuajse gjysma e kompanive ajrore mund të përballen me faliment gjatë javëve të ardhshme.

Ryanair është linja ajrore më e madhe në Europë për numrin e pasagjerëve.

Kompania thotë se nuk do të ketë fluturime as në prill dhe as në maj. 

Kalendari

Ngjarjet e datës 11 Gusht 2020

- Ministri i Infrastrukturës, Arban Abrashi, do t’i vizitojë punimet në hekurudhën e Kosovës, linjën 10, në stacionin hekurudhor në Miradi. (Miradi, ora 10:00 - nisja për medie nga parkingu i Ministrisë së Infrastrukturës, ora 9:30)

-  Komisioni për Mbikëqyrjen e Financave Publike shqyrton Raportin e Auditimit për Ministrinë e Diasporës dhe Investimeve Strategjike, për vitin e përfunduar më 31 dhjetor 2019. (Salla e seancave plenare, ora 10:00)

- Ministrja e Kulturës, Rinisë dhe Sportit, Vlora Dumoshi, do të vizitojë Komunën e Malishevës ku do te takohet me kryetarin Ragip Begaj. (Objekti i Komunës, ora 10:00)

- Ministri i Drejtësisë, Selim Selimi raporton para Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit diskuton lidhur me programin legjislativ për vitin 2020 respektivisht të Projektligjeve të Ministrisë së Drejtësisë si dhe për gjendjen në Institucionet Korrektuese në Republikën e Kosovës për shkak të Pandemisë me Covid-19. (Salla e seancave plenare, ora 13:00)

- Zëvendëskryeministri Besnik Tahiri viziton Fondin e Kursimeve Pensionale të Kosovës për të diskutuar rreth rimëkëmbjes ekonomike. (Ndërtesa e TRUST-it, Rruga "Agim Ramadani", ora 11:00)

- Instituti Demokratik i Kosovës organizon konferencën për media ku do të shpalosen gjetjet nga analiza e burimit të problemeve në mos zbatimin e rekomandimeve të Auditorit të Përgjithshëm nga komunat. (Zyrat e KDI-së, ora 11:00)

-  Komisioni për të Drejtat e Njeriut, Barazi Gjinore, për Persona të Pagjetur dhe Peticione shqyrton raportin e panelit përzgjedhës për shqyrtimin e aplikacioneve, intervistim dhe listën e ngushtë të kandidatëve për Avokat të Popullit. (Ndërtesa e Kuvendit, salla N302, ora 13:00)

-  Komisioni Hetimor Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës dëgon dëshmitë e dëshmitarëve. (Ndërtesa e Kuvendit, salla N10, ora 14:30)

- Organizata ETEA dhe Biblioteka “Hivzi Sulejmani” organizojn takim me shkrimtarin dhe kryetarin e Akademisë së Shkencave dhe Arteve, Mehmet Kraja. (Qendra për Edukim dhe Kulturë “Libart” në objektin e bibliotekës “Hivzi Sulejmani” në lagjen “Dardania”, ora 18:00)  .